شنو الاكل اللي ناخذه والاطباق اللي نسويها بالسفر...حياكم

[عبير-الشرق]

انا بالنسبه لي مايرضي ريلي اخذ شي يقول كل شي موجود هناك واحنا كل مره نسكن بفنادق مانقدر نطبخ بس اخذ الشوربه الي بالمغلفات ونسكافيه وشاي والعام لما رحت سويسرا باريس لندن خذيت معاي اندومي لعيالي لانهم يحبونه وخذيت بسكوت وبطاط وعصير وكاكاو وحلاو هالسوالف عشان اسكتهم بالطريج وما ارتاحو عيالي الا لما خلصوهم والشوربه وايد نفعتنا لما نيوع بالليل ومانبي نطلع من الفندق نسويها وتشبع

 

[درر نادره]

اب اب

 

[miele]

هاي ياحلوات انا انشالله رايحه تركيا طبعا باخذ كل الي انتو قلتوه بالاضافه الا التوست والصمون وجاي الربيع لان خبز تركيا ياابس مو حلو وجايهم مهما حطيتو شكر فيه ماينفع مرر

وباخذ شوربه الكوب سريعه التحضير صراحه لذييذه شوربه الدياي بالذره وشوربه العدس

 

[[ Ms RoRo ]]

ما نطبخ
ناكله من اهناك اي شي
حلاته بالسفر تاكلين من مطاعمهم

بس اذا رحنا مكان واحد و بنقعد فيه على الاقل اسبوعين و ما معاه ريوق
اودي حليب بو قوس و تي باجز و نسكفيه و من اهناك نشتري الجبن و الخبز



و طبعا لازم اودي وياي جم كاكاو و بسكوت حق الطياره

 

[^^ام ميمي^^]

انا عن نفسي سفرتي اللي طافت كانت اوروبا وانا وحده احب اطبخ يعني امل بسرعه من اكل المطاعم

خذيت معلبات (( سردين - تونه - فول - نقانق معلبات )) معجون طماط و اندومي و شوربة ماجي و علبتين وحده فيها عيش ووحده فيها قهوه عربيه مخلوطه مع الهيل و الزعفران و جيس صغير بهارات و ملح و سكر و جاي و نسكافيه وكابتشينو و حليب كرنيشن و قلاص جبن

ومن الديره اللي اطب فيها اشتري الخضره و البيض و الخبز بس واكون واثقه ان اكلي حلال

و اذا في بقالات عربيه شريت دجاجه تكفيني حق طبختين يعني مرتين انا وزوجي بروحنا و في يبيعون السلطات الخضره بجيس مقصصه وخالصه بس تحطين عليها ليمون و ملح


وصدقوووني راح توفرووون وايد فلوس اذا خليتو وجبه ع الاقل باليوم بالبيت الريوق او الغدا او العشا

 

[q8sweeta]

الصراحه انا مااخذ مأكولات معاي خصوصا اوربا لانه الخبز والجبن والمربيات وهالسوالف احلي شي عندهم ولانه ريلي مايرضى فاودي معاي صوصج ومرتديلا وتركي لانه حلال يعني لحوم البارده وينفعنا حق سندويشات والرحلات خصوصا انه نسكن في فنادق مو شقق
بس صراحه لمه رحت لندن يبت معاي قواطي فول وجبن كرافت لول وشوايه صغيره عشان اسخن السندويشات وريلي وماكان عاجبه
حتى شرق اسيا ما اودي شي لانه المطاعم العربيه وايد ورخيصهواغلبه حلال
بس شي الوحيد االي قمت اخذه بكل سفراتي قهوتي الفرنسيه مااستغني عنها مع الدله الكهربا والحب من رفاعي نمزمز بالفندق ورحلات لول
صج مااقدر عن هذيل وطبعا حست الدنيا عشان القى فنايين ميلانين بس مالقيت الحين بشتريلي فنايين حق السفر بس اخذهم وياي حق المزاج
لانه كوابتهم كبيرة

 

[تكييف]

عندي فناجيل ميلامين ودي اعطيج منهم اذا انتي مشتهيه لهاادرجه

 

[q8sweeta]

ماكوووووووو شغل اطبخ انا رايحه استانس مو اقعد اغسل مواعين وجدووور
والله ماعندكم سالفه

شوفي انتي مبدأج نفس مبدأ امي الله يرحمها
بس مافيها شي واحد ياخذ خفايف وفي ناس تحب اطبخ فيعني الموضوع بالنهايه يرد حق مزاج الوحده
انا معاج بس نص ونص

 

[q8sweeta]

عندي فناجيل ميلامين ودي اعطيج منهم اذا انتي مشتهيه لهاادرجه

بعد عمري مشكورة ماتقصرين عليج بالعافيه انا ابيهم لانه مايتكسرون بالجنطه حق سفر بس قوليلي من وين شاريتهم

 

[كويتيه كول..]

مجبوس دياي وشوربه ومن هالشغلااات

 

[غرررررام]

كل سفره اخذ معاى خفايف مثل النسكافيه وجبن كرافت حب من الرفاعى وبسسسسس

 

[om_7sin]

انا عن نفسي لازم اكل عدل مااحب اقزر احس استانس اكثر اذا كليت اكل عدل

 

[يازمان العجايب]

خبز وصمون حق اول يوم
جبن كلاس وكرافت الحديد
اذا في مطبخ عدس شوربات
بطاط بسكوت
​

 

[قهوووه]

بنات شلون تحطون الجبن ومعلبات المربي وحليب بو قوس بالشحن مايخترب من الحراره
انا وااااااااااااايد افكر بهالسالفه اللى مجربه عفيه تفيدنا ؟؟؟؟؟؟؟

 

[قهوووه]

وييييييينكم