شنو الاكل اللي يرفع نسبه الدم عند الحامل الله يجزاكم الجنه

[fatma-84]

السلام عليكم اشلونكم بنات
سويت تحليل دم وطلع فيي نقص دم (الهيموجلوبين)
انا بالشهر الثاني واكره اخذ حبوب الحديد
بنات شنو الاكلات اللي تزيد نسبه الدم غير الجبده
تكفون اللي تعرف تقولي
الله يجزيكم الجنه ويرزق كل محرومه يارب

 

[iLLuMinaTion]

اللي نعرفه الجبده

 

[ام حموود ؛)]

الفراااوله و التوت و البرتقااال بس اكثر شي الفرااوله

 

[q8sweeta]

اللحوم الحمرة بشكل عام يعني غنم بقر وخصوصا الجبدة
والخضار منها سبانخ والجرجير يرفعون نسبة الحديد
والبروكلي
اي خضرة لمه تفوحينها اتصير غامجه او تسود معناه انه متروسه حديد
البروكلي حاولي تاكلينه عل بخار مع خضار مشكله او تسوينه شوربه
والسبانخ نيي طعمه نفس الخس سويي سلطه او فطاير مع بصل وليمون وملح خليه ينقع فيهم ربع ساعه بعدين عصريه وحشيه
والجرجير مع اي سلطه او تقدرين تسوين من صوص تحطينه بالسلطه
جرجير مع سيقانه وروب وليمون وملح وممكن اتحطين شويه خل اذا تحبينه حامض حيل كيفج
وتستخدمينه مع المعكرونيا او اي نوع سلطه
والجبده حاولي تاكلينها مرة بالاسبوع مقليه مشويه بالبقصمات كيفج كلش اذا ماتقدرين روحي نينو طلبيها يسونها حلوة ومع صوص
وادعيلي الله يتمم حملي و يقومني بالسلامه*

 

[دودي كيوت]

عصير الزبيب الاسود روووووووووووووووووووووعه وانا بحملي شربت منه ونفعني كثير
بس لانو حالي مرا كنت احط معاه حليب طازج

وكمان الدكتوره قالتي الفلفل الرومي والبنجر والجرجير والتوت
ويارب تقومي بالسلامه

 

[q8sweeta]

اي صج تري لازم تاخذين حبوب حديد اخذي بريجنابلان وحبوب حديد بس اكلي اكل فيه الياف مثل برتقال وبقدونس وكويكر وحاولي تكةرين ماي وسوائل عشان مايحوشج امساك لانه مايصير ماتاخذين حبوب حديد بالاشهر الاولي لا لج ولا للبيبي

 

[بتبوتااا]

حياتي اخذيً الحبوب جبري روحج عليهم واكلي فلفل روومي وااايد متروس حديد

 

[fatma-84]

بعد قلبي ماقصرتوا
والله يقومج بالسلامه حبيبتي

 

[فرح79]

الورقيات وخاصه الجرجير

 

[يا عيون سمي]

انا انصحج اخذي حبوب الحديد مامنهم ضرر بالعكس انتي المستفيده منهم

 

[Om_Ksha]

شمندر جرجييير ..
ماكو على عصير رمااااااااااان فررررش يردلج طاقتج

 

[الخزامه]

حبيبتي اكلي عسل طبيعي وكثري من التبوله والخضرا بجميع انواعها

 

[غنوة ستايل]

السبانخ
الزبيب الاسود اللي يكون مجفف اهوا والتين
والجوز واللوز
كلهم زينيين

 

[ساشا]

جرجير وشمندر وجبدة

وهم لازم ابر وحبوب

 

[مس لوتس]

بقدونس الزهره الخضرا

 

[بناااوي]

التبوووووووووووله

 

[مسك وطيب]

ماقصروا الاخوات

الله يشافيج من فقر الدم ويتمم حملج يارب

 

[جديده 1]

البنات قالولج الجبده بس اناا اقولج ممنوع الجبده منعاً باتاً لانها غنيه بالفيتامين أ و هذا يسبب تشوهات للطفل

 

[منو انت]

ضروري تاخذين الحبوب

وانصحج بالفلفل البارد باسبوعين تشوفين النتيجه

 

[زينانه]

الزبيب المجفف
اشتريه من المحامص الزينه
مثل الرفاعي