شنو الاماكن الترفيهيه بلندن

[jen2n]

السلام عليكم

اشلونكم بنات

بغيت استفسر عن مدينه الالعاب او الملاهي بلندن مو برا

شنو اسمها ووين مكانها بالضبط هل بعيده عن شارع اكسفورد او لا

وشنو الاماكن الترفيهيه غير مدام توسو ولندن اي وهذي الرحل

يعني اماكن فيها العاب ويستانسون اليهال فيها بشرط تكون بلندن مو برا

 

[ام مهاوش]

احلى شي انج ما اتطوفين بلاك بول ترا احلى من لندن بوايد روحولها مع قروب من هناك حجزوه 3 ايام بتستانسين فيها اكثر من لندن
وانتي تتمشين باكسفورد ولا اجورود بتلقين يوزعولج اعلانات الرحلات الجماعيه من هناك حق الاماكن السياحيه وانتي اختاري وحجزي وروحي معاهم

 

[ام مهاوش]

اي صج في مدينة ملاهي التون تاور
نصيحه اذا بتروحين لندن روحي المكان اللي طلعتي منه الفيزا واشتتري تذاكر الاماكن السياحيه من هني احسن عشان توفرين تكونين حاجزه التذاكر من هني

 

[jen2n]

ليش بالسفاره يبيعون تذاكر الاماكن الترفيهيه بلندن؟

انا ما ابي بس بلاك بول وعارفه انها وناسه بس ابي شي بلندن لان بنقعد فيها اكثر شي ومو معقوله اسبوعين كله تسوق

 

[الأميرة كيرارا]

ما دري عن أماكن الألعاب
بس عندج لندن زو
و الأكواريوم
و في كل حديقة في ألعاب حق اليهال
و إذا تبين التذاكر ارخص حجزي من النت
و في تذاكر عائلية

موفقة إنشالله

 

[دلوعه الكل]

مافي بشارع الاكسفورد ملاهي
بتلقين في البيكادلي العاب عاديه وقصر الرعب
وتصوير ولبسس

وكذا شغلات حلوه للاطفال

 

[jen2n]

محد يعرف شي عن ثورب بارك؟