شنو الاهم ريلج ادلعج واهتم فيج ولا الهدايا من غير شعور

[ككاوة بدر]

مساء الخير بنات
انا وايد محتاره ومادري شسوي
انا ريلي من النوع الي ادلع واحبني ومايقدر على فرقاي اذا كنا بالبيت الدلع والكلام الحلو،،واذا طلع دايما
يتواصل معاي بالواتس اب واقولي اشعار واحبني من قلبه ومومقصر معاي ،،
واذا قلت حق اهلي يحليله احبني اقولولي اشلون عرفتي يابلج هديه:jbdwjbd:

اقولهم لا بس ابين عمره مازعلني ولا ضايقني اقولولي وايد عليج لو احبج جان يابلج هديه جنطه ماركه او ساعه ماركه
وانا الصراحه مقتنعه ابروحي وابريلي بس دايما الي حواليني احسسوني اني غبيه ليش ارضا بالدلع والكلمه الحلوة

عندهم الحب بالهدايا وانا ريلي اييبلي هدايا بالمناسبات بس

بنات انتو مثلي ولا بس انا غير ابيكم اتفيدوني

 

[@ام ضاري@]

الحمدلله والشكر شفيهم هذول يعني لازم يهديني عشان يحبني
يمكن رجال مايعرف يهدي يحب يعبر بغير الهديه
لاتفتحين عيون خلق الله عليج دام انتي وياه متفاهمين وراضين وتحبون بعض
يعبون راسج يعني قطى نغزه حق زوجج انسى واللي بينكم خليه بينكم
والله يوفقج ياقلبي

 

[يارب يطيب عبود]

الحين تغير مفهوم الحب
لازم هديه ولا مايحبك وش هالكلام
اكيد مو صح
وانتي اذا احتجتي شي اطلبي منه مو لازم اهو يجيب

 

[حلاه الكون]

هههههه هذيلا بيدمرون حياتج
شي حلووو ان زوجج يسويلج جذي
وماعليج من كلامهم كله غلط بغلط
والله يتمم لكم الحب وماتتفارقون

 

[! يكفيني انت !]

لووووول انتي عارفه انه يحبج من تصرفاته لانج عايشه معاه اهم مو عايشين معاه ومايعرفون تعامله معاج واسلوبه

هذي الناس تفكر يحبج خلي يوديج اخر الدنيا ويغرقج بالهدايا

انا من رايي يدلعني ويحبني اهون من هديه من غير شعور


موفقه

 

[فاقده ابوهاااا]

شالتفكير العوي مع احترامي لاهلج

بالعكس خافي من ذاك الي اييب الهدايا لزوجته بمعنى ومن غير معني
دام ريلج مو امقصر معاج امدلعج وامريحج وحاس فيج اشتبين بالهدايا والكلام الفاضي انا ما اقول بالمره يعني بعيد ميلادج او زواجكم المفروض يعبر بالهدايا بس عاد مو بكل وقت اصلا الهديه تصير من غير معنى اذا اكثرت وزادت عن حدها

 

[ام الحلوااات]

احـــمـــدي ربــــج ان ريـــلـــج جــــذي
والـــحـــب مـــو بـــاالـــهـــدآآآآيــــــــا
ولـــو كـــل مـــوقـــف بـــيـــدلــعـــج او يــتــغــــززززل فـــيــج
بــتـــفــضــلـــيـــن بــــدااالــــهـــا يــــهـــــااااديــــج
ارضـــــاء للـــنـــاس اللــــــــي حــــولــــج عــــــزآ اللـــــه فــــلـــــس

 

[Alias]

والله كل وحده وحسب شخصيتها في تحب الكلام الحلو وفيه وحده تحب الهدايا فاختاري شنو انتي. ولا تدخلين غيرج يقيمون يحجب ولا لا

 

[انونا]

حبيبتي ما عليج منهم
وخليج واثقه فيه والله لا يفرقكم

عمره ما كانت قيمة الهديه تعبر عن كثرة الحب
بس ان فكر فيج وتعنى وحاول يعرف انتي شتحبين هذا قمة الحب بالنسبه لي

ومثل ما قالت الاخت فاقده ابوها خافي من الي ايب هدايا كل الوقت
والله يخليكم لبعض والله لا يفرقكم
واقري دايم المعوذات ولا تخلين احد يدخل بينكم

 

[خالتي قموش]

اسفه بس اهلج يذكروني بهل مرت متولي الاخيره

نصحيتي لا تعلمين اهلج عنكم شي
ولا تخلينهم يدخلون بحياتج

الله يهنيكم و يهديكم لبعض

 

[حلمي وامالي]

الله يسعدك زوجك نادر وجوده ربي يتمم عليكم
وش تنفع الهدايا وهويخونك لاسمح الله
يمكن مايعرف يهدي او يستحي مايعجبه ذوقك
انتي جيبيله هدايا لو بسيطة وهو اكيد ماراح يقصر عليك ترا في رجال كذا وكفاية كلامه الحلو ومعاملته الطيبة هذي اكبر هدية

 

[Q8ya2012]

صح نفسالموضوع اللي كاتبته

والحين بينفصل منها والسبه هالشغلات

 

[!! دلوعته !!]

مووووووووووووشرط الهدايا صدقيييييني
الله يوفقج

 

[al3neda]

ما عليج من كلام حد لا تفتحين عيون الناس عليكم

المهم زوجج ومعاملته معاج ما يخصهم جابلج والا ما جاب


لله يهنيكم ويتمم عليكم

 

[ككاوة بدر]

مشكورين حبايبي عالرد والله لايحرمني منكم
يعني انا صح مولازم اسمع كلام احد والصج الي عور القلب ان هالزمن زمن هدايا ماكو حب
واذا حبج اصير شكله غلط هذا تفكيرهم
الله اخلي ريلي حقي ولا يحرمني منه
بس بعرف ليش الهدايا اهيه كل شي

 

[كريزية]

الكلام الحلو والحب ماتلاقيه كل وحدة فخلج مقتنعة ورااضية
والهدية تبين شعوور بالحب والاهتمام اكثر لكن مو تعبير عن الحب
لاتنطرين اييبلج شي .. انتي ييبي هدية بدون مناسبة كل فترة
ساعات انكون انانيين نبي كل شي يسويه الطرف الثاني بس ننسى ان نكون مقصرين
(عامل الناس كما تحب ان تعامل) طبقي هالشي مع الكل واول الناس زوجج

 

[فاطمة3]

واللة انا لا هدايا ولا كلام حلو حمدللة علا كل شي