شنو الحل لهالمشكلة ؟؟؟ دشوا فيدوني

[تبارك الرحمن]

السلام عليكم

بنات شنو الحل لمشكلة التابعه انا اعاني من التابعه يا بنات بحملي احلم بقطاوة و القطاوة تشمخني او تشبك بملابسي

يا بنات السالفة سالفة عين وتابعه سبحان الله شنو اسوي لا تقولولي قفلي وسوي ربط لاني مو معترفة بهالسالفة

كلش منو كان عندها لاتابعه و تعالجت منها شلون ووين وشنو الطريقة

وفهموني سالفة اني اربط او اقفل صج مو مقتنعه فيها بس ابي احد يفهمني شلون ؟؟

تكفون اختكم محتاجه وقفتكم ابي اعالج من التابعه ​

 

[مدرسه فنيه]

وعليكم السلااام


هلا حبيبتي

طمنيني عنج الحين شلون صحتج؟؟

افتكيتي من المستشفى؟؟

واذا عن التابعه والله مادري عنها ومااعرف


بس سامعه ان وحده جابت عيال معوقين قالولها انتي فيج التابعه وما صدقتهم

المهم قالو لها تحط اعتقد القرآن بقلاده وتلبسه طول حملها المهم قالت خلني اجرب

ويوم جربت في حملين جابت عيال صاحين

وحملت عقبها وقالت يمكن صدفه وجابت معوق

عاد انا مادري قصه وسمعتها وقلتها لج يمكن تستفيدين

والله يسهل امورج

 

[تبارك الرحمن]

رد : شنو الحل لهالمشكلة ؟؟؟ دشوا فيدوني

مدرسه فنيه : حبيبتي الحمدلله انا بخير و طلعت يوم الاحد من المعتقل رب لك الحمد
بس التابعه تسقط الاجنه مادري و الله
مشكوووووووورة ياريت الي تعرف تفيدنا

 

[مدرسه فنيه]

طالعه من الشر ان شا الله

والحمدلله على سلامتج

 

[تبارك الرحمن]

رد : شنو الحل لهالمشكلة ؟؟؟ دشوا فيدوني

رفع

 

[LiL MaMa]

رد : شنو الحل لهالمشكلة ؟؟؟ دشوا فيدوني

ايييييييييي انا اعرف وحده

و الحين حملت و يابت بيبي بعد ما طاحوا 7

الصبح أسأل امي و اردلج خبر

 

[هـآيـدي]

الله يشفيج يآرب

ويرزقج بالتوأم الي يعوضونج عن هالسنوآت يآآآآآآرب

 

[تبارك الرحمن]

رد : شنو الحل لهالمشكلة ؟؟؟ دشوا فيدوني

ايييييييييي انا اعرف وحده

و الحين حملت و يابت بيبي بعد ما طاحوا 7

الصبح أسأل امي و اردلج خبر

اي و الله جزاج الله خير ساليها بعد التوكل على الله شنو الحل

 

[LiL MaMa]

رد : شنو الحل لهالمشكلة ؟؟؟ دشوا فيدوني

شوفي هالرابط يمكن يفيدج

http://www.q8yat.net/showthread.php?t=54402

 

[غــلآ]

رد : شنو الحل لهالمشكلة ؟؟؟ دشوا فيدوني

الله يحفظج يارب

اعتقد ان سورة البقره والرقيه الشرعيه والاذكار اهم احسن حل حبيبتي

وطبعا السدر والماي المقري عليه وزيت الزيتون المقري عليه بعد زين

 

[.:lady bug :.]

رد : شنو الحل لهالمشكلة ؟؟؟ دشوا فيدوني

الرقية الشرعية ي حياتي طوال فترة حملج كل يوم والفاتحة سبع مرات
والله يعوضج خير انشالله
وحمدالله ع سلامتج ي قلبي

 

[انا حبه للابد]

رد : شنو الحل لهالمشكلة ؟؟؟ دشوا فيدوني

الله يعوضج خير يا رب ويكتب لج الذريه الصالحه سوره البقره كل يوم تسمعينها وتقرينها والرقيه الشرعيه واذكار الصباح والمساء

 

[chanel N22]

الله يشافيج
ويرزقج ويعوضج خير

 

[ديما ..]

رد : شنو الحل لهالمشكلة ؟؟؟ دشوا فيدوني

الحمدالله على سلامتج والله يعوضج خير
بس انا اعرف انا القطاوة عين
داومي على الاذكار وايه الكرسي
حبيبتي تبارك ابي ادز لج على الخاص

 

[** باربي **]

حالي حالج فيني مو عارفة شسوي ووين اروح

 

[تبارك الرحمن]

رد : شنو الحل لهالمشكلة ؟؟؟ دشوا فيدوني

مشكورين بنات بس عفية نبي تجارب

 

[قلبي القرآن]

رد : شنو الحل لهالمشكلة ؟؟؟ دشوا فيدوني

هلا حبيبتي انا خالتي جذي
وسوت ربط واقعدت بشقتها تخيلي
9 شهور طول حمالتها ماتطلع مكان
حتى ماتنزل اللي يبيها يصعد لها
بس ماسكه القرآن
والرقية الشرعيه والدعـــــــــاء
والحمدلله ربي رزقها بتوأم

 

[الأماكن]

رد : شنو الحل لهالمشكلة ؟؟؟ دشوا فيدوني

مالج الا الرقية الشرعية هي العلاج

أنا اختي كان فيها تابعة

و يابت بعد 3 سقطات

 

[غلاي غير]

هلا وغلا
شلونج الحين

ليش من الاول ماقلتيي عن الاحلام سبحان الله هالاحلام مت تجيج تعرفين ان معاج تابعه

بنت خالتي معاها تابعه
ومن تعرف انهعا حامل لازم ترقي نفسها ويوميا تقرا سورة البقرة بصوت مسموع ومتواصله في بيتها ولازم تكون فاتحه شوي الباب او الدريشه
وكانت تاخذ زيت مقري وعسل وماي مقري وملح وسدر من الحداد وماشاء الله الحين عندها خير وبركه بعد ماكل حمل اتعور
ما عليج من القفل وهالخرابيط اتجهي لله وكلامه هو الحل
الله يرزقج الحمال التام ويعوضج خير ياارب

 

[شووقة]

رد : شنو الحل لهالمشكلة ؟؟؟ دشوا فيدوني

الحمدلله على سلامتج حبيبتي تبارك
روحي عند الشيخ الحداد يعطيج علاج للعين
وانشالله تحملين هالشهر