شنو الخبرة اللي بعد بلدي الكويت ؟؟؟

[rr202rr]

قوه بنات شنو الخبره الجايه اللي راح ندرسها اذا الله احيانا
جنهم مغيرين هالسنه ترتيب الخبرات الاخيره ؟؟؟
ومشكورييييييييييييين

 

[طيرشلوا]

البر والنفط 3اسابيع

 

[أم شواقه]

النفط والبر

 

[عهود الحب]

النفط + البر 3 اسابيع < مصيبة على مستوى ثاني وربيع على مستوى اول
الاتصالات والمواصلات + المواصلات > اسبوعين فقط مع انها من اروع الخبرات التربوية !!!!
البحر > اروع خبرة ولكن لا تأخذ مجال بالشرح والتدريس لتأخيرها لنهاية العام وغياب المستوى الاول
والمستوى الثاني تدريب عالتخرج وبالهم مو رايق لها



انا لو بكيفي احذف خبرة النفط من الوجود وابتكر خبرات جديدة تواكب التطورات بالتعليم

 

[rr202rr]

لا صج
حمدلله افتكيت من الموجهه لاتدخل علي بالنفط
مشكوريييييييييييين وصاجه ياعهود
بس شنو نسوي

 

[عهود الحب]

وي كلكم تحاتون خبرة النفط نفس تفكيري بالضبط
كنت موحابة هالخبرة
وللحين مو عارفة شنو اقدم فيها جديد وحلو للاطفال
لانها غلجة وكريهه بس شنسوي
شكل هيفاء الغانم ماتدري

 

[rr202rr]

منو هيفاء الغانم

 

[عهود الحب]

الموجهة الاولى لرياض الاطفال بالكويت
يعني البيج بوس مالنا

 

[طيرشلوا]

عاد تدرين ياعهود ان هالانسانة هيفاء الغانم روووووووووووووعة صج صج صج أدمية

انسانة نسمة حتى نقدها يهبل وطريقتها واسلوبها كانت عندنا موجهة قمة

واول ماحطت النظام الجديد كان ربيع اول سنتين عقب اللة يهدى الموجهات والناظرات شلون نرتاح فخلطو قديم وجديد وصار تخبط

والا هيفاء الغانم قايلة المثير صفقة \ ورقة \ بس انجنن حسبى اللة عليهن شلون هالسهولة

ياليت الموجهات يصيرن نفسها

 

[عهود الحب]

اعرفها كانت موجهتي قبل
وادري فيها خوش انسانة وادري انها ماتدري عن الي صاير
وانه النفط خبرة فاشلة
كل تجربة ممكن تنجح وممكن تفشل
دام فشلت خل تتغير لواحدة احسن منها
خو مو قرآن ترى مايجوز نغيره
كل سنة نكتب عالخبرة سلبيات كووووووم
ولااحد يلاحظ او يتكلم
وينكم يالموجهات
تحجوا بالاجتماعات
لاحياة لمن تنادي

 

[طيرشلوا]

عهود تبين الموجهات يتحجون كارثة اذا تحجو يجيبون لنا مصيبة اقصد خبرة اغث من النفط
يامعودة خليهن ساكتات وبالذات موجهات الجهرا خلوهن هاجعات
وان تحجينا بالاجتماعات تصير مصايب لفت نظر وزفة وهم يقولون تكلمو لمايصير اجتماع
انا ماصار لى جذى لانى مااحب اروح لاجتماعاتهم بس صار لرفيجاتى

 

[عهود الحب]

فعلا
الموجهات بالجهراء تلقوا ضربة قوية من معلمات الجهرا قبل جم سنة اتذكر
لما ابتكر التوجيه
اللاصفي الاول والثاني
وصار اليوم كله ركض بركض استغفر الله واتوب اليه
بس لولا الاعتراض القوي والاعتصام عند نورية الصبيح وكيلة الوزارة بذاك الوقت
لكنا الحين نعاني ونبجي على الاطلال ونغني ليت الي مضى يعود

اتوقع الموجهات بما اني اعرف موجهة قريبة لي
فيهم الخير والبركة ولكن


ولكن في ناس ماتخليهم يبدعون ويغيرون
وبالنهاية التغيير يبدأ من الرأس الكبيرة
الموجهة الأولى للرياض عندكم بالجهراء كلموها
دام كلكم تعانون اكيد فيها الخير والبركة واتوقع تقدر تغير من الواقع للافضل




اما خبرة النفط
فأنا عندي امل انه تنتهي على يوم

 

[طيرشلوا]

يامعودة عهود المشرفات لما نقولهم ليش جذى وليش
يقولون موحنا يقطونة براس الموجهة الاولى وماندرى منو الصج اللة اعلم
انا وحدة ملتزمة جانب السلم ملينا وخلق اللة ظالمتنا وما اقول الاحسبى اللة ونعم الوكيل