شنو الشغلات الي تزيد حجم و نمو الجنين ساعدوني

[بــــدره]

بنات انا حامل ب الاسبوع ال 12 يعني بنص الثالث

كل ما سويت سونار الطبيبه تقول لي موعد الولاده تأخر يوم او يومين
يعني الياهل قاعد ينمو بس نموه مو علا وتيره وحده يعني قاعد يتباطئ فهمتو علي ؟

و انا يا بنات دمي ضعيف و قاعده اخذ حبوب مغذيه وصفتها لي الطبيبه ملتزمه فيها

و شاده حيلي بالاكل متنت خمس كيلوات و مو قاعده اصوم برمضان عشان مابي الغذاء يقل عالبيبي

بنات اذا تعرفون حبوب او اكلات معينه تزيد حجم البيبي ساعدوني ترا احاتي حيل

 

[نسيم الأمل]

إذا ما عندج مشاكل بالسكر .
فالتمر والبرد والسكريات يزيد وزن الطفل
والحليب ومشتقاته

بس التمر لا تاكلينه وايد أول الأشهر يعني بين 3 - 5 باليوم زين ، مع أني كنت أكل بدون عدد معين والحمد لله تأثيره كان جيد علي وعلى البيبي . مع انه في يقولون يسهل الولادة لكن أنا ما أثر علي بالمرة .

هذا عن تجربة شخصية

الله يعطيج الصحة والعافية ويتمم حملج على خير ويكون البيبي بكامل صحته وعافيته إن شاء الله

 

[بــــدره]

نسيم الامل مشكوره عزيزتي عالافاده
اسعدني مرورج و دعائج
يزاج الله خير

 

[منـــاي]

السيريلاك والموز والحليب

 

[بــــدره]

مشكوره مناي
يشرفني مرورج

 

[بــــدره]

بنات انا توني ثلاث شهور و نص
اذا في شغلات مكملات غذائيه او هرمونات او شي جذي
طبعا باخذها بعد استشارة طبيبتي بس حابه استفيد منكم و من تجاربكم

 

[اخت خالتهم]

المووووووز و البرتقال لان يمتص الحديد

 

[بــــدره]

شكراً اخت خالتهم تسلمين

 

[دلوعه ناعمه]

واااااااايد يمدحووون اللبن يقولون يزيد بحجم البيبي وبس هذا اللي سمعته والله يسهل عليييج

 

[إم بــــرٍآك]

كثري موز وحليب وتمر

 

[beauty rose]

شربي حليب و اكلي رهش يزيد الوزن و يقوي حليب الرضاعه

 

[نسيم الأمل]

أخذي حبوب أمياج وايد مفيدة وفيها كل الفيتامينات إلي تحتاجيها إنتي والبيبي
وإسألي الدكتورة إذا تقدرين تاخذين كالسيوم osteocare أنا أخذتها من نص الرابع تقريباً لأن ظهري عورني وايد وريلي يابة لي والدكتورة قالت وااايد زين وصج من ثالث يوم راح العوار والحمد لله .

الحين بحط صورهم لج إن شاء الله

 

[نسيم الأمل]

هذي الحبوب أنا أخذتهم أمياج من أول شهر والكالسيوم من نص الرابع واااايد مفيدة عن تجربة وماشكيت من شيء كالأسنان وغيرها والحمد لله رب العالمين

أخذي نفس هذي العلبة فيها كالسيوم ومغنيسيوم وزنك وفيتامين d
وفيها 90 حبة تكفيج 3 أشهر .

وهذي حبوب أمياج

 

[بــــدره]

نسيم الامل بعد قلبي مشكووووره تسلمين
ان شالله راح اكلم دكتورتي عن هالحبوب عشان اخذهم
مشكوره وايد حبيبتي

 

[بــــدره]

دلوعه ، ام براك ، بيوتي روز
تسلمون حبايبي علا مروركم و تفاعلكم
شاكره لكم وايد

 

[worood82]

انتي نفس حالتي بس على اخر الاشهر شديت حيلي بالموز والتمرواصب روحي بالكل والاحبوب الي حاطين صورها البنات اكلتها وغير الحديد ماكو فايده متنت عالفاضي والبيبي نفس الشي ما يكبر وايد في بطني وغير هذا عديت شهري اسبوع كامل واخر شي يبت بنتي ٢،٥ ولي الحين اسم الله عليها بنتي نتفه

 

[أإلع ـشق دلع ـهـأإ]

شوفي حبيبتي سالفة السونار ماعليج منه السونار كل يوم راح يعطيج وقت

يعني لا تحاتين حبيبتي

شوفي جم وزن الجنين الحيين ؟؟ وابحثي عن وزن الجنين بالشهر الثالث يطلع صغيرون

ومانصحج تاكلين وايد حييل راح يكبر الجنين حييل واهو توه باول الشهورً وراح يقولج الدكتور وقفي سوي حميه !!

لا تفكرين بحجم الجنين. لانه لو كان خطر لنصحتج الدكتوره ومتى يقولون للوحده اكلي وزن البيبي صغير بالشهر السابع تقريبا

ويمكن انتي حملج صار متاخر قبل الدوره باسبوع

نصيحه لا تفكرين وايد بتتعبين واكلي اكل صحي ومفيييد

ودايما ادعي ربج يرزقج بالولد الصالح كامل الخلق من غير لا زياده ولا نقصان بصحه وعافيه

واستودعي جنينج داايما وربي بيحفظه

 

[سفرجل]

موز وتمر وفي بودره بروتين تخلطينه مع الحليب

 

[بــــدره]

ورود بالضبط الحين انا الي قاعده امتن و البيبي صغيرون

العشق مشكوره حبيبتي كلامج ريحني

سفرجل حبيبتي شسم بودرة البروتين

 

[توفـــا]

الله يسهل عيل انا ضعيفه واصوم برمضان الله يستر ولازم اكل عدل بس رمضان مايساعد وانشاءلله ماكو الا كل عافيه يارب ​