شنو الشي اللي يمنع الولاده المبكره؟؟

[^^الكويت نورتي^^]

السلام عليكم حبيباتي
عسي الله يتمم علي كل حامل *ويقر عينها بالبيبي
ويرزق كل محروووومه قولو اميييين:yaaaaaarb:

ياجماعه انا قاعده اتييني طلوق ومتوقعيني ولاده مبكره
المشكله اني مابي اولد ت،ني اخر اسبوع بالسابع

ماجهزت شي...
خدامتي انحاشت يعلها الضربه:eh_s(11):
وانا عندي بنت وولدين يبيلهم مدارات
اهلي مسافرين يعني وحدانيه:eh_s(16):

مابي اولد مابي اولد مابي
:eh_s(16)::eh_s(16)::eh_s(16):

وبيني وبينكم لو اولد يعني بفطر رمضان كله
وانا مدرسه يعني اخلص الاجازه الصيف والنفاس بوقت واحد:rgewrg:


في حل يوقف اللي انا فيه؟؟
شرايكم اكل حبوب مثبت تعرفونها الدفستون
زين محد سمع عن اعشاب تاخر الولاده؟؟


علي فكره كليت لحم بعير من الخوف:eh_s(11):




ناطره ردودكم :eh_s(10):

 

[ام عفاف الكويت]

اول شي قبل ماتفكرين بالولاده طيران طقي ابره الرئه حق البيبي
وبعدين في ابر ترفع الطلوق
والرحم عندج مبطل او لا
وراجعي صباح شوفي شيقول
ترى عندهم خبره
والله يتمم عليج وتولدين بالتاسع

 

[الأميرة جوري]

شوفي دكتورتج الخاصه اكيد اهى اعلم بحالتج...والدفستون لتثبيت بالاشهر الاولي بسفي ابر توقف الطلق....واخر شيء اذا الله كاتب هالشي بيصير لوشنو تسوين اهم شيء تولدين بالسلامه انتى والبيبي

 

[^^الكويت نورتي^^]

مشكووره ام عفاف ياقلبي
انا نوموني بالمستشفي يوم كامل وعطوني ابره الرئه وابر مسكن ولما تاكدو مافي طلوق ردوني البيت بس قالولي حسبي حسابج يمكن تولدين مبجر


من جذي افكر لابد في اعشاب او دوا معين يمنع هالطلوق اللي تروح وتجي

والحمد الله فحصتني الدكتوره قالت مو مبطل ولا سانتي بس الخوف من هالطلوق لا تبطل الرحم

 

[^^الكويت نورتي^^]

صااااجه الاميره

لو الله كاتب مافي شي يرد القضاء الا الدعاء لله سبحانه ولازم انت ياعبد تسعي بعد من جذي قاعه ادور وابحث يارب تمم علي وعلي طفلي بالعافيه ياااااارب

 

[زين ودلال]

ان شاء الله يارب تولدين بالتاسع

 

[^^الكويت نورتي^^]

امين يارب

مشكوره يالزين والدلال

 

[االفرس]

حبيتي انا عندي رفيجتي نفس حالتج بس عطوهاا ابر تثبيت روحي لخاص خليها تعطيج اسبوعين او ثلاث ابر تثبيت
وانشالله يكتب لج اللي فيه الخير ...

 

[عبث طفله]

انا جتني طلوق بالسابع وكنت مفتوحه 1 ونص .. وعطوني ابره الرئه وابر توقف الطلق والحمد لله ما ولدت الا بالتاسع
ابتعدي بس عن محرضات الطلق .. مثل المشي والدرج والجماع والحركه الزايده وشيل الشي الثقيل
الله يتمم لج بخير يارب

 

[ام قدووور]

انتي نعمه عني انا باول السابع وتييني طلوق

المهم الدكتوره قالتلي ان رجعلج العوار تييين لي طياره اعطيج ابر تثبيت

ماكو حركه زايده ولا مشي وايد ماكو جماع لحد ما تستقر الحاله

روحي وطقي الابره

وخلي في بالج متا ما ربج كتبلج الولاده بتولدين لو شتسوين

 

[جمالي خيالي]

سمعت هالمعلومه ببرنامج ذا دوكتورز وطبقتها طلعت صح
شرب الماي بكثثثثثثره يبرد الطلق لان الطلق يصير مبجر بسبب نقص الاوكسجين اللي يوصل الرحم
فكثر ماتشربين ماي يوصل دم اكثر للرحم والدم يوصل الاوكسجين اكثر
وبعد التنفس العميق والاسترخاء يأخر الطلق
وانتي لاتفكرين وايد واسترخي وشيلي فكره الولاده المبكره لان تو الناس عليح

 

[^^الكويت نورتي^^]

مشكووووورين بنات

الله يتمم علي وعلي كل حامل

انا الحين دشيت الثامن والدكتوره مارضت تعطيني ابر مثبت تقول مايحتاي عادي لو تولدين امورج زينه





بس

انا مابي بطبق اللي قالو البنات وبشرب ماي وبسترخي ويااااارب تسهل

 

[عيون السعودية]

الله يعينك ويثبت حملك

 

[*ريما*]

ان شاء الله تولدين بالتاسع ع خير

 

[نور الدنيا 88]

مالج الا الدعاء
و ان شاء الله تولدين بالتاسع يارب
و ابتعدي عن المشي و السوائل الحارة و الجماع

 

[-_-Designer-_-]

انتشالله تولدين بالتاسع , الله يتمم عليج يا رب

 

[ice-moon]

الله يتمم عليج وعلينا لي شهر 9 ونولد بالسلامه

 

[zntoosha]

حياتي ان شاءالله تولدين بالتاسع يارب

 

[خيشة شكر@]

الله يتمم عليج

 

[^^الكويت نورتي^^]

ماقصرتوووو


والله اني ارتحت مع ادعيتكم عسا الله يعطيني من خيره ويعطيكم يارب