شنو الشي الي شفتيه بمدرسة اعيالج واعجبج؟

[cancel]

السلام عليكم


بنات حابه بهالموضوع اعرف منكم شنو الشغله او النشاط الي شفتيه بمدرسة اعيالج او اي مدرسة اورياض اطفال زرتيها واعجبتج ونحاول نستفييد منها بتطبيقها


حتي لومثلا عجببج مثلا طريقة ترتيب الصف ولا الوانه ولانشاط سوه او رحله اوغيره فماعليكم امر بس تكتبونه اهني

 

[أمانيQ8]

ولا شي ..عاجبني ...مدارسهم تعبانه من كل صوب لا اداره لا تدبير لانظام ولا دراسه!! مدارس تعبانه وتقييمها صفر من عشره حسافه بس انها بهالمنطقه وبالعاصمه المفروض تنقط بالعبدلي واذا في ابعد خليودونهم ابرك

والله اسمع خواتي يسولفون العجب من السنع بمدارس اعيالهم الا احنا شقول بس اقط اللوم على المدرسه ولا على المنطقه ولا على الوزاره بكبرها؟!

 

[البيداء_77]

الله يهداج ما ييتي الا اخر السنة حتى مالي خلق اتذكر هههههههههههههههه

 

[ريماا]

انا عيالى بمدرسة خاصة
عجبنى فيها المبنى الفصول كاميرات بكل مكان
خدمة الامن ممتااااازة لكل بوابة حارس وينتبة عدل لكل طفل مايخلى طفل يزرق بروحة مستحيييل يعنى لوتتأحرين تطمنين على عيالج

 

[كويتية صغيرة]

انا عيالي بمدرسة حكومية و في اكثر من شغلة عجبتنى بمدرستهم بصراحة:

* وقت الفرصة الرقابة مشددة ...... يعنى تلقين في كل ممر يوجد ابلة مناوبة تراقب الوضع ....ومايخلون ولا طالب داخل الصف .. و هذا شي وايد زين يعطيهم العافية بصراحة

* منذ تطبيق لائحة الغياب ..... و فعلا نسبة الغياب قلت بكثير و هذا شي ايجابي ...... اول يغيبون اليهال على دلع .... الاهل بيروحون الشاليه .... غياب ..... يبون يسافرون وقت المدارس ..... غياب ...... اخر الايام .... غياب ..و بعد ما اودي عيالي الا كله احتياط ولعب بلعب........ألحين صار التزام اكثر و هذا افضل ..... على الأقل الكل يتفق متى يداوم و متى يغيب


* فكرة المفكرة اليومية للواجبات وايد ريحتنا كأمهات و فعلا خففت الجنطة على اليهال .... بس اذا عنده امتحان او واجب يحطون الكتاب و غير جذيه الكتب عند الأبلة


* وقت الهدة ..... كل الأطفال داخل المدرسة ..... تستلمين عيالك من داخل المدرسة.... و ممنوع اي طفل يخرج الا برفقة ولي أمره......... و هذا يخلينا نحس بالأمن على عيالنا مو هدد بالشارع و طبعا عند كل بوابة يوجد رجل امن


* المراجعة اسبوعية و مفتوحة لكل الحصص تبين اي ابلة تلقينها موجودة


* يوم مفتوح لكل مرحلة تحضرين الصف يوم دراسي كامل مع ولدك او بنتك تشوفين شلون يشارك بالصف و مستوى شرح الأبلة.

* قبل الامتحانات ..... يراجعون معاهم كل الدروس اللي خذوها .... و هذا يخفف علينا التدريس بشكل كبير

* اثناء الامتحانات ...... اذا طالب نسى يحل سؤال ..... الابلة ترجع له الامتحان و تقوله حل السؤال ولاتخلي ولاسؤال ماتحله .......و تقريبا اغلب الأبلات يتأكدون ان الطالب حل كل الأوراق قبل لاياخذون منه الامتحان ........و ماشاءالله دخلت الصفوف وقت الامتحانات ....و الا ادعية المذاكرة و الأحاديث و الايات القرآنية بكل مكان ...... و هذا الشي وايد حلو يريح الطالب نفسيا ..... و تذكره بالاستعانة بالله قبل كل شي و بعد ماسألت لقيت اغلب المدارس يسوون جذيه فيعطيهم العافية .... حتى وقت املاء العربي الأبلة تقرا عليهم الفقرة الإملائية تقريبا 3 او 4 مرات

 

[طيبة الكويتية]

اعيالي بمدرسه خاصه بالامارات بس الحمدلله وايد مرتاحه عندهم من وايد شغلات
اهم بالروضه لكن يأسسونهم عدل و الشغلات اللي عاجبتني
مره رحت المدرسه علشان اسألهم اشلون ادرس ولدي لما كان في كي جي 1, المسؤوله مالتهم قالت لي, ما نبيج تدرسينه, لما يرجع البيت بس لعبي وياه و حسسيه انج ولهانه عليه مو اكثر.
مدرسة اعيالي 3 فصول دراسيه, و بكي جي 1 بداية من الفصل الثاني يبدون معاهم بالقراءه و كل اسبوع يغيرون القصص مالتهم مرتين, علشان يحببون الطفل بالقراءه و يعودونه على الكتب من صغره.
عندهم في المدرسه وايد انشطه, واللي يبي يشترك يدفع مبالغ رمزيه و يختار النشاط اللي يبيه الياهل, و يكون دوام الأنشطه كل سبت من الساعه 9 لي 1.
وايد بعد شغلات بس مو متذكره الحين, متى ما تذكرت اكيد راح اكمل ان شاءالله.

 

[ReeMaN]

والله خوش موضوع دام الموضوع فيه مدح على المدارس ياليت كل وحده تذكر اسم المدرسه وتقول اللي عندها عشان نستفيد منكم

كويتيه صغيره والله زين مدارس الحكومه جذي نظامهم اكيد نظام مدارس المستقبل ماغيره

 

[manarah]

ولدي بمدرسه خاصه واهي التكامل واللي خلصنا منه الحين مرحله الكي جي بالنسبه لي المدرسات اعطيهم تقدير امتياز على المعامله اولا والتدريس ثانيه يعني عمره ما ولدي اشتكى من مدرسه تهاوش والا تصرخ سواء مدرسه صفه او غيرها يعني كلهم يحتوون اليهال ويحببونهم بالمدرسه .. تأسيس المدرسه قوي .. الانشطه حلوه يعني البوك ويك من خلاله الياهل يشتري القصص اللي يبيها وعموما اهو طريقتهم بالتدريسالأغلب عن طريق القصص وبجذي يحب القصص هذا النشاط بالنسبه لي وايد مفيد وطبعا ما عندهم اي احتفالات دخيله علينا مثل الكريسمس يعني حتى لو المدرسه تكون اجازه بهاليوم ما يذكرولهم سبب الاجازه ... في رقابه على الاطفال يعني الحارس والخدم على طول الصبح موجودين عند الباب وهم بالطلعه ما في ياهل يطلع من الباب بروحه وهالشي انا تأكدت منه بكذا موقف صار جامي .. هالسنه الشي اللي واااايد عجبني ان زادوا عدد رحلاتهم وولدي كان بقمه الوناسه

 

[Miss_Tiger79]

مثل كلام مناره
واحب ازيد عليه متابعتهم اذا في شي بالياهل بالايميلات ومرات تطلبج بالتلفون
مثلا ولدي العود اول سنه له بالروضه ما كان يحب الرسم ولا يركز على شي بس يبي يلعب ونادتني ابلت العربي وفهمتني وقتلها لانه حركي وايد وتقبلت وقالت راح اعالج هالشي والحين الحمدلله
والثاني ما كان يمسك القلم عدل وكلمتني ابلته وعنم التطورات الي تصيرله وعشان اشوف الشي جدامي والحين الحمدلله

 

[الفرحه]

والله انا اعجبتني روضه ولدي
روضه الصباح الي بصباح السااالم
روضه اتهبل والابلات روعه والناظره مشاااء الله عليها طابعه كتب حق اليهااال
ثانيه روضه يدرسونهم من هل الكتب يعلمونهم الكتابه والروضه من داااخل عجييبه والصفوف اتهبل
..
الحين سجلت بنتي عندهم مع إني طلعت من صباح السالم بس مستعده اوصلها كل يوم

 

[عزة نفسي]

اولنا الغيااب بكثر ممنوع



وثانى يسون دروس تقويه للجميع المواد

ويعطونهم شهادة تقدير

ولدى بالمتوسط


اي امتحان او غياب اوتهريب على طوول مسج

بس لويحطون كامرت احسن واامن

 

[رفرف]

بنتي بمدرسة خاصة تقريبا نفس كلام مناره وتايقر وزيادة المدرسات لي شافوج اهمه من نفسهم يكلمونج عن الياهل بشنو يحتاج متابعة يعني ما ينطرونج تسألينهم ومتابعة اول باول واهتمام غير ان نفسية اليهال حلوة ويحبون المدرسة من معاملة الابلات وحتى الابلات اللي ما يدرسونهم يلممونهم ويسلمون عليهم يعني تحسون بيئة مريحة للياهل ..


ويطرشون شغل اليهال وانتاجهم معاهم اول باول ويكتبون عليه نوتس ..

ولكل صف بورد خاصة فيه بالممر يتعلق عليها شغل الطلبة فتلقينهم فخورين بشغلهم كل ياهل يوري امه شنو امسوي وطبعا تتجدد على طووول ..

 

[cancel]

مششششششششاءالله يعطيكم العافيه بنات حركتوا المووضوع


لي عوده برد عليكم وحده وحده

 

[طيبة الكويتية]

سلام عليكم
باجي الشغلات اللي عاجبتني بمدرسة اعيالي
حاطين لهم بورد بالصف و فيها اسماء كل اليهال ( هذا بصف ولدي الصغير كي جي 1) , و كل ياهل ياخذ معاه المدرسه اكل صحي يحطون يم اسمع استيكرز. ز ممنزع عندهم تودين مع اعيالج حلاو و بطاط و خرابيط حق المدسه.
حاطين لهم بعد بورد بأسماء اليهال, و اللي يقرا عدل. و منو Star of the week بالقراءة ( بصف ولدي الكبير كي جي 2)
و اهم شي انه عندهم Year Book فيه شنو الأحداث اللي صارت بالمدرسه خلال السنه مع التصوير طبعا, و صور اليهال و اسم كل ياهل. ماشاءالله كتابهم وايد حلو و يشوق بصراحه.

 

[cancel]

ولا شي ..عاجبني ...مدارسهم تعبانه من كل صوب لا اداره لا تدبير لانظام ولا دراسه!! مدارس تعبانه وتقييمها صفر من عشره حسافه بس انها بهالمنطقه وبالعاصمه المفروض تنقط بالعبدلي واذا في ابعد خليودونهم ابرك

والله اسمع خواتي يسولفون العجب من السنع بمدارس اعيالهم الا احنا شقول بس اقط اللوم على المدرسه ولا على المنطقه ولا على الوزاره بكبرها؟!

الله يعين

 

[cancel]

الله يهداج ما ييتي الا اخر السنة حتى مالي خلق اتذكر هههههههههههههههه

اي لازم اخر السنه عشان تكون المدرسه مشطبه ع كل شي ونستفيد منها للسنه الجديده

 

[cancel]

انا عيالى بمدرسة خاصة
عجبنى فيها المبنى الفصول كاميرات بكل مكان
خدمة الامن ممتااااازة لكل بوابة حارس وينتبة عدل لكل طفل مايخلى طفل يزرق بروحة مستحيييل يعنى لوتتأحرين تطمنين على عيالج

حلو هالنظام


بس في شي موحلو فيه انا ممكن نستخدم بمدارس الثانويه بنات وفي بنات متنقبات وفي بنات يقطون حجابهم بالمدرسه فماندري هالكامرات وهالافلام من بيشوفهم

 

[lyale]

خووووش موضوع بس ياريت الامهات يذكرون اسامي المدارس علشان نستفيد اكثر لان اذا المدرسه عندها مميزات شي حلووو والكل وده يدخل عياله المدارس المميزه

 

[حلم الطفولة]

رفع

 

[حلم الطفولة]

رفع