شنو الطريقه اذا أبي ولد والا بنت ؟ بعد الله سبحانه اكيد

[OM BARAK]

بنات انا الحمدالله والشكر عندي ولد بدون أي طريقه و ريلي يحن يحن يحن يبي ولد ثاني و سمعنا وايد عن طرق انجاب الولد.
سواء بالاكل او الجدول للمعاشره او طريقه المعاشره او استخدام غسول؟


طبعا بعد الله سبحانه و الدعاء و قيام الليل هالشي أكيد بس الطب تطور الحين و في أوقات يكون فيها انجاب الولد أكثر


لو سمحتوا ابي احد يفيدني بالضبط شسوي حاشتني كآبه والسبب هالشي :eh_s(2)::eh_s(2):​

 

[ام ساره 4]

كثري دعاء واستغفار وقيام الليل وربج مايقصر باذن الله البنت والولد بيد الله سبحانه والله يرزقج إن شاء الله باللي تتمنين

 

[امـ خــزامـى]

اسمحيلي تعليقي بيزعلك فابحتفظ فيه لنفسي

واااااااب لعيونك

 

[أم عزيـز]

والله انا سمعت عن الجدول الصيني وايام التبويض
وكلهم خرطي ما ضبطوا معاي لوووووووووووول

 

[c a t w o m a n]

في غسول بيكربونات الصوديوم اخذيه من الصيدلية مو الجمعية مثل دوش مهبلي اهو استخدمته بنت خالتي

في شراب قلوي اسمه يورال طعمه مثل السڤن أپ تشربينه

نظام غذائي قلوي

يتم الجماع من التبويض و طالع

والأرزاق بيد رب العالمين أهم شي الصحة و العافية سواء بنوتة أو ولد

والله يرزقج بايللي تتمتينه

 

[OM BARAK]

في غسول بيكربونات الصوديوم اخذيه من الصيدلية مو الجمعية مثل دوش مهبلي اهو استخدمته بنت خالتي

في شراب قلوي اسمه يورال طعمه مثل السڤن أپ تشربينه

نظام غذائي قلوي

يتم الجماع من التبويض و طالع

والأرزاق بيد رب العالمين أهم شي الصحة و العافية سواء بنوتة أو ولد

والله يرزقج بايللي تتمتينه

حبيبتي ما قصرتي بس الغسول و الشراب متى أستخدمهم؟

 

[حرم_الغلا]

هلا حبيبتي الله يرزقج

شوفي هذا رابط تجمع البنات اللي يبون الحمل بولد يمكن في معلومات تفيدج



http://www.q8yat.com/t585339.html

 

[ناتشوو]

الله يرزق الجميع بالذرية الصالحة

الله يرزقج بالولد الصالح المعافى يارب

 

[توحه1]

الله يرزقج بالولد الصالح البار المتعافي كامل لا زيادنه ولا نقصان

 

[hayo0ona3]

الله يرزقج بالولد ان شاء الله

 

[kuwaitiya_84]

حبيبتي عندج دكتوره ماجده اليتامي يمدحونها وفوزيه القطان بهالسوالف وطبعا كل شيً بيد الله بنت او ولد والله يرزقج الي فبالج انشالله

 

[c a t w o m a n]

الغسولراذا ماني غلطانه من اليوم ٩ للتبويض لي اليوم ١٧

والشراب مرة باليوم ووقت التبويض يصير مرتين

 

[شفايف كرزيه]

كلهم خير ونعمه والرضا بقسمه الله حلوه وصدقيني ماراح تفيدج سوالف الغسول والخرابيط هذي
اطلبي ربج قادره يرزقج باللي تبينه

 

[Q 8 Y A t]

اختي لايقصون عليج

الطريقة الوحيدة هي اللجوء لله

يرزقج الذرية الصالحة


وبسسسس

 

[أإلع ـشق دلع ـهـأإ]

حبيبتي مافي شي يجيب الولد او البنت الا الله لو تسوين اللي تسوين كله جذب اخذي مني جذب والله !!

حتى في دكتور قال مافي شي يجيب ولد لا غسول ولا يوم معين قال كله جذب

سوفي تجارب البنات وبتعرفين انه جذب

دامج تعرفين ان الرزق عند الله وتصلين وتدعين ليش تروحين للشي هذا ؟

داامج موقنه ان الرزاق الله خلاص توكلي عليه اهو فقط لانه كل شي بيد الله

 

[الجوهرا]

استغفرالله الحمدالله على الصحه والعافيه

 

[ام الحلوااات]

اللــــــه يــــرزقـــــج ويـــرزقـــنـــــي الـــحــمــــل بـــاالــــولـــــد الـــســـلــيــم
تـــااام الـــخــلــقـــه والــخـــلــــق
عــــاجـــــلآ يـــاااارب يـــااااكــــريــــم

 

[tmtmt]

استغفر الله
ياشين الي ايون يعلقون واهما مايدرون شسالفه

مايدرون اذا افتتوا من كيفهم ان هالشي كبير


سالوا شيخ دين قبل لا احد يعلق ويكتب حرام وماله داعي واستغفر الله جنها مسويه منكر

شيوخ الدين يحللون هالشي
دام مافيه ضرر على الام ...

وهذا علم وطب ...

واكييييد مافي شي مضمون بهالشي وغيره
كل شي بايد رب العالمين بس الواحد يسعى ويجتهد


حاله حال الي يروحون ياخذون حبوب وابر عشان يحملون

الله يرزقج ان شاءالله ويرزق كل من يتمنى ..

 

[ام برروك]

حبيبتي كل هالاشياء خرابيط جربتها وسويت جداول وخرابيط وماصار اللي ابيه لاتعبين نفسك بس اللي اقدر افيدك انه في حديث عن الرسول عليه الصلاه والسلام في ما معناه انه اذا علا ماء الرجل على ماء المراه يطلع ذكر واذا علا ماء المراه على الرجل يطلع انثى اتمنى تكونين فهمتي قصدي اما الجدول الصيني وهالاشياء اصلا حررام وكثري من الدعاء والاستغفار والله ينولك اللي تبين ويعطيني ان شالله اللي ابي