شنو اللي سمعتوه بعد هالقرار

[kajool_80]

ابلات ماادري ابارج لكم القرار اليديد والا اقول لكم الله يستر من اللي ياي
تصدقون احس بننكرف كراف على هالقعده والعيون بتطلع من الحره من المراحل الثانيه
تصدقون اليوم صار لي هالموقف ناس تبارج لي بالقرار وناس تقول بل بل بعد شتبون معاشاتكم بتنزل وقاعدين لا شغله ولا مشغله ..... عفيه بنات انا محتره وادري انه ما راح نقعد بطاليه بيشغلونه يا بلجنه الطوارىء يا يخلونه نسوي ورش والا يدخلونه دورات والاخييره استبعدها
الله يستر من عيون المراحل التعليميه الثانيه ​

وانتو يا ابلات شنو اخر التطورات اللي صارت لكم وشنو سمعتوا من غيركم بعد هالقرار

 

[*أم*خالد*]

ماسمعنا شي
هذا سيفوه وهذي خلاجينه

 

[kajool_80]

مريحج القرار اخت أم خالد ؟

 

[الشهدوالدموع]

والله انا معاج بهالنقطة انسي نقعد فااضيين:0bee2e8d89: ,,اتوقع راح نداوم الروضة وصخة مافي فراشات.:cxxxp:..يعني احنا بنظف المدرسة....ثانيا بيستعلون الفرصة ويعطونا دورات وندواات...وطبعا النااظرة تموت على التصوير وادزه المنطقه بتسوي ندواات ومحااضرات وتصور:s141:..علشان يقولون ونعم النااظرة اللي مااتخلي مدرساتها يقدون فااضيين_03BA:

 

[Om_Ksha]

ادعوووووووووووووو يخلووونه نقعد امبي مو متخيله الوضع


الروضه بدون يهال ماتسوى .. شبنسوي طول هالفتره وشنو هالشغل اللي بتم 3 اشهر !!












والله حرام .. احا ااوادم بعد

 

[remoo_007]

صااااجه عيون الناس اوووووووف جنا اهما الوزارات الباجيه مو طووول السنه قاعدين ماكووو شغل قهوه وحلوووريوقات بس طبعا مو

الكل مانقدر نعمم

واحنا طوووووووووووووووول السنه والله نكرف والله والله بس نلم الامراض

انا شخصيا

قولون عصبي و فتاق بل السر من دز هل الكباته والاركان كل يوم ودي الركن هذا مني ودي هذاك الزكن هناك شيلي ركن البيت وطاولات

شثقلها لااا تقولولي وين الخدمات الابلات اكيد معانين خدمات نفسيه وتلحقينهم مني ومناك

شيبووون والمراحل الثانيه مع كل احترامي انتو صج تتعبون بس والله مو مثلنا احنا والله خدامات مع وقف التنفيذ ماعندكم مسؤوليه الاطفال الي

والله تخوف طول اليوم عينكم عليه

ابيييييييييه والادراه الي كل يوووم يطلعولج شي من تحت الاض


ابيييييييييه ادري سولفة وااايد بس والله من الحره

 

[عبق الورد]

لا راح يقولون يا ابله الروضه طلعي ابداعج كلمتهم الدائمه .. طلعي بداعج واخترعي لنا علاج
ام كشه ايه والله ثلاث اشهر موشويه والله ماساه بيطلعون لنا شغل من تحت الارض عاد ياليت نافع بس حق ترزز الموجه
الله المسنعان !!!!

 

[^اغلى البنات^]

اي والله كلامكم صج
انشالله يارب يشافي المسلمين اجمعين قولوا آآآآآآآآآآآآآآآآمين

 

[*أبلة*]

عاد تصدقون ؟!!؟
هالسنة فيني فتور مو طبيعي ولاني ولهانة على الدوام كلش كلش
...
بنات .. انا كل سنة اييب الخدم ملوتي واخليهم ينظفون الصف و يمسحون ويرتبون معاي
لكن هالسنة حلفت اني ما اجيس عود ولا اييب الخدم
يا يوفرون لنا عاملات والا اييبون لنا شركة تنظيف
ترا مو شغلتنا ان ننظف
ادري بتقولون اذا يت على هذي تهون !! احنا طول السنة نكرف على اشياء من صميم عملنا وعلى اشياء مالها دخل في مهنتنا
بنات ترا صج ما تسوا علينا من اول يوم مسحي ونظفي وشيلي وحطي
هذا شي
الشي الثاني اللي بسالكم عنه : انا اليوم وصلني خبر ولكن مو أكيد .. ان السنة هذي مافي توجيه على المعلمات .. وان التوجيه مقتصر على المشرفات .. يعني تيي الموجهة وتشوف سجلات المشرفات.
والخبر منقول على ذمة اللي قالت لي​

 

[*أم*خالد*]

مريحج القرار اخت أم خالد ؟

والله ياختج القرار صار مو لأهل القرار

وترى مو كل شي بكيف الوزيره اكو اشياء واكو ناس تحتها توسوس لها من جذي مهما يتغيرون الوزرا تظل وزارتنا من اردى الوزارات في العالم كله

ناس مادري من وين ولا نعرف اساميهم ولا شي عنهم ماسكين الوزارة من بلاعيمها ومن دهليز لي دهليز اهيه مناهج اهيه قرارات اهيه ميزانيات مادري وين تنصرف وتروح

الله كريم يا خواتي

واذا على القرار انه احنا نداوم بدون يهال .. ترى شي متوقع انا كنت اتوقع مايلغون شي من أساسه بس زين طلع فيهم خير
وكويت الخير راحت افتقرنا من الحسد نتحاسد بعضنا بعض وهذي اخرتها

 

[د۾ــξــھ حــڒڼ]

اللهم احفظ شعب الكويت من كل سوء وابعد عنا شر هذا الوباء واحفظ ديرتنا من المخربين ومن طمع الطامعين
الله يحفظنا من شر هذا المرض ويشفي كل مريض قولوا آمين

أنا مالي خلق للروضة ولا للمدرسات كلش واستانست من القرار بس هم أقول ان شاء الله خير أهم الشي الصحة والعافية
وبالنسبة للكرلااف حبيباتي حسب الروضة الروضة النشيطة والشديدة بتدعبس وراكم لكن روضتي نايمه وسكرانه بعد فان شاء الله قاعدين صج زهقة بس أحسن
والخبرات ريضين عليها بيعطونا جدول الخبرات
ومادري يمكن أقول يمكن من عندي موتسونها اشاعة يشيلون عطلة نص السنة عنا بس الأهالي يحبون العطل بيغيبون عيالهم ويمكن الخبرات على اسبوع اسبوع
والله يحفظكم ياهل ديرتي وكل من يعيش فيها

 

[randomy]

شكو نحسدكم ( انا مدرسة بالمرحلة المتوسطة)

كل مرحلة ولها ظروفها , احنا عندنا منهج لازم نمشي عليه ، وبصراحه انا ورفيجاتي ضد التاجيل لانه احنا المتضرر الاول منه

بالعكسمو حاسدينكم

وعلى فكرة قلة قليلة من المدرسات اللي يبون التاجيل

انا مستغربة ليش بالجرايد مبينين ان المعلمين يبون التاجيل!!

 

[عاليه2008]

يا ليت يعطونا دورات او اشياء مرتبطة بشغلنا توني قريت ان مدرسات الرياض ستتم الاستفادة منهم في المراحل الاخرى يعني مو بس تكرفون بالروضة لا طلعوا ابداعاتكم برا الروضة يا حبيباتي

 

[طيرشلوا]

أبلة انا نفسج مالى خلق
تدرون يابنات للحين مازهبت للدوام ولاشئ واهو بعد يومين العادة من شهر 7 اكون مخلصة ومجهزة شغلى بس ما ادرى شفينى

 

[طيرشلوا]

واذا على الكراف ترا مكروفات مكروفات ولو اقل شئ يدخلونا دورات للنظام الجديد
ماكو راحة ياصبايا

 

[درر**]

الله يعين يارب

 

[عبااير]

شنو مصيرنا ...اذا ماكو اطفال ؟؟

سلااااااااام عليكم
حبايبي ...ابي اعرف اذا ماكو دوام اطفال شنو راح انسوي احنا الابلات ؟؟؟؟؟؟
لاتقولون انظف الخزانات هههههههههههههه:eh_s(6):
لا صج انا سامعه انهم بيودونا مراحل ثانيه نكرف عندهم احتياط ؟؟
هزلت اذا صج

 

[kajool_80]

مشكورين خواتي عالردودو بس مبين عليكم ......قلبه متروسه وايد
واحلى شي مثل ما قلتي اختي الفاضلة لي قالو نبي ابداعاتج ولا يبونه بعد شوي نخترع الدوا حق هالمرض
والفتور خو بعد ما يبيله ومن يوم ماقالو ماكو يهال انا بعد مو مشتهيه
حتى اضبط النومه حق الدوام

 

[*نوفه*]

شنو هذا

من قالهم اجلوا

احنا ماانبي ناجل كله علينا احنا

اخر شي ماكو عطل وتعالي ضغطي عمرج بوقت معين

وغير جذي الموجهه بتنضغط وبطلع الحره فينا

شنو هذا

وخوفج يكنسلون عطلة نص السنه

عاد والعطله كله اسبوعين

وبعدين حرام اذا كنسلوها نشتغل من 9لي 6 هذا اذا ماخلوها لي 8

والله حرام شلون يعني مانرتاح؟؟


مو معقوله هالحاله

اتوقع بخلون الخبرات اسبوع

وبعدين اخر اسبوع من نوفمبر عيد الاضحى الاطفال غايبين

وبعد العيد اسبوع اسبوعين ومحد يداوم خلاص

مايصير جذي انا منغثه منهم حاريني

 

[kajool_80]

اذا داومو بيكون اول 12 والفتره تهيئه وعلى ما نهيئهم الا يت عطله نص السن
وبعد العطله البر والغياب والعيد الوطني
ووو يعني الشغل يبدي من شهر 3 و4 كله وشهر 5 يبدون الشغل حق التخرج
يعني من غير خميس ويمعه لو بنحسب
شغلنه مع الاطفال بيكون بس شهرين
والكراف بالمراحل الثانيه يعني شغلنه صار دبل من غير الاطفال