شنو المنتج الي جربتيه ... و ماعجبتج النتيجة

[زوجة جوجي]

مساء الخير :tek:

امس خطر على بالي هالموضوع و قلت خل انزله بس يارب ما يكون مكرر

بما ان الدعايات زايده هالايام و ما ينعرف الشي الزين من الخربوطة

موضوعي ...

شنو المنتج اللي شفتي دعايته و شريتيه
و بعد ما جربتيه اكتشفتي انه مو زين
او ما عطاج نفس النتيجه اللي تبينها


بنات نبي تفاعل خل نفيد و نستفيد

:gathering:

 

[زوجة جوجي]

انا ببلش

اول شي داوني
انا على طول استخدم الكومفورت بس مرة قلت خل اغير و استخدمت داوني
حيل ما عجبني اصلا ريحته ما تلزق بالملابس كلش

 

[توت وتين]

لي عودة مع المنتجات

تحياتي

 

[زوجة جوجي]

حياج الله حبيبتي

بنات وينكم نبي تجاربكم خلونا نستقيد

 

[ياعشيري جعلك السلال]

صابون تايد يحرق الملابس قوووي حييييل

احسن شي اريل او برسيل

 

[زوجة جوجي]

صح كلامج
اصلا انا لمن جربته كان ما ينظف عدل

 

[رايقة1980]

صابون تايد يخرب الغسالة فل اوتوماتيك حتى لو كان مخصص لها

..


شاي احمد بالهيل .. طعم الهيل قوي وضيع نكهة الجاي >>>>>ماعجبني

 

[برونزية رشيقة]

صابون للملابس اسمه : بونكس

دعايات أكبر من حجمه .. كللللللللللللللللللللللللش ما ينظف ( بونكس نظافة ريحة توفير هذي دعايته ) طبعا لا نظافة ولا ريحة ولا توفير !!!

حمام زيت + كريم للشعر من ماركة براشوت أللي عليهم صورة زينب العسكري كللللللللللللللللللللللش ما ناسبني ( دعاية على الطل )


ألويز ( فاشل ) أستخدم أي فوط صحية من أي ماركة ثانية إلا ألويز ( حكة وألتهابات وما يمتص شي ) وييييييييييييييييييييييييييييييع ..

وبعد ؟؟؟؟

مادري إذا تذكرت شي راح أقولكم

 

[عاشقة الكاكاو]

صح حبيبتي اولويز ما حبيته كلش كلش وحااار حييل عالمنطقه لانه فيه نايلوون

ما قدرت استحمله

 

[بمبة المفترسة]

عندج منتجات المراعي الخضراء القشطة والحليب كلش مو شي

كريم برت للشعر لووعة يخرب الشعر اول ماتستخدمينه حلو بس بعدين تشوفين شعرج تقطع
حمام زيت بانويل مو شي يحرق الشعر ريحته ريحة كريم فرد الشعر ويقطع الشعر
كريمات اولاي
الشبس المثلج صناعة مصرية موشي
شاي ليبتوون مو شي صراحة مو مثل اول

 

[زوجة جوجي]

صابون تايد يخرب الغسالة فل اوتوماتيك حتى لو كان مخصص لها

..


شاي احمد بالهيل .. طعم الهيل قوي وضيع نكهة الجاي >>>>>ماعجبني

صاجة التايد انا بعد ما حبيته
حسيته يبقع الملابس


مشكورة عل المشاركة

 

[زوجة جوجي]

قطوة 1
صاجه الاولويز كلش مو شي
مشكورة وايد على المرور و المشاركة

عاشقة الكاكاو
حياج الله حبيبتي

بمبة المفترسه
بوناويل انا جربته صح كلامج ريحته خايسه و ثقيل بعد
و شاي ليبتون بعد صار حيل حيل خفيف
و مشكورة على المرور

 

[الكويت حياتي]

شامبو جونسون اطفال البنفسجي كلش ما ينظف جربته للبنات كانه ما سبحت البنت

 

[مدرسة كويتية 95]

حفاظات البامبرز للاطفال اختربو مو مثل اول تسرب وتنتفخ كلش مو شي

 

[زوجة جوجي]

مشكورين على الردود


بنات نبي تفاعلكم معانا

 

[سمرة كويتية]

جف للمطبخ .. دهني ويلزق وما يرغي