شنو اهو التلقيح الصناعي

[zozowat]

بنات انا صارلي 10 شهور متزوجه والدكتوره قالت بسويلج تلقيح صناعي ؛( وانا حدي خايفه

شنو اهو عمليه ؟ يعور ؟ اليهال يطلعون طبيعيين ؟؟ الله يخليكم فيدوني ساعدوني بلييز
وانا تبويضي قوي ووايد زييين ممتاز بس الدكتوره كتبتلي اخف نوع كلوميد خايفه اخذه شرايكم ؟؟

 

[حرم عبدالله]

عادي سهالات والله ماتحتاج..
حييييييل بسيطة وماتعور والولادة اطفال طبيعيين باذن الله..

 

[سعودية بالكويت]

هلا والله حياك

أول شيء شنو هي مشكلتك وأخذتي كورس علاج

قبل مايقول بنسوي تلقيح صناعي

بعدين لاتحاتين حبيبتي والله مافيه أحد يخاف كثري

من أي شيء بالدنيا وسويته قبل عشرة أيام وهذا أنا انتظر

النتيجة الله يبشرني يارب وكنت أبكي وخايفة من أول مادخلت

الدكتورة بس لأني خوااااافة ولا للأمانة مايعور بس تحسين بألم

بسيط لمجرد ثواني وتخلص وبعدها تعيشين حياتك طبيعي

والجهال أكيد يطلعون طبيعين بعد أمر الله

طبعا طريقته بعد أخذ المنشطات أو الكلوميد إذا أحتجتي أبرة تفجيرية

تعطيك وتحدد لك 36 ساعة بعدها تجين ويأخذون عينة من زوجك يفحصونها

ويركزونها ساعة إلا ربع بعدين تحقنها فيك بأنبوب طويل داخل رحمك مثل ماتسوي

السونار وتقعدين منسدحة على ظهرك نص ساعة وتروحين بيتك بالسلامة

والله يكتب لك اللي فيه الخير هذا اللي صار معي والله يفرحني

عند منو تراجعين​

 

[فطووومة]

الله يسهل اموركم ويرزقكم الذرية الصالحة ولكل اللي يبي

 

[فلنتينو]

حرااام ليش تسووين تلقيح صنااعي وانتي توج لج عشر شههور
بس يمكن دكتورج افهم بحالتج

 

[ملكه الحطب]

صح تو الناس عليييييييييج اذا طولت يعني سنتين ثلاث اهني سوي التلقيح بس توج عرووووووووووس

 

[c a t w o m a n]

جنه مبجر عالتلقيح الصناعي

الله يسهل عليج ماله داعي تخافين

 

[zozowat]

والله حتى انا اقول مبجر و وايد متردده ابي طبيعي

الحمدلله انا ما عندي اي مشكله ودايما تقولي انتي فله وكل شي اكثر من ممتاز عندج وتبويضي قوي وايد وما احتاج منشطات

بس ريلي عنده بطئ خفيف جدااااا بالحركه يعني 5%اقل من الطبيعي وعطتنا حبوب لمده شهر و اعتقد عقبها ممكن احمل طبيعي بس ليش قالتلي تلقيح صناعي ؟؟؟(*

انا مستغربه منها ليش بتعطيني كلوميد تبويضي مافيه شي و اخاف احمل ب١٠ توائم

انا اراجع بعياده دكتوره ماجده اليتامى عند دكتوره سمر

والله يرزقكم كلكم ويفرح قلوبكم انشالله وانا وياكم يارب*

 

[Q8_QT]

دام تبويضج ممتاز وانتي توج ماصارلج سنة ليش تسوين التلقيح
اهو مايعوركلش آنا بعد خوافة بس الحمدالله ماحسيت بشي حبيبتي ليش متتصلين استخارة قبل لا تسوينه

 

[توكلت على الله 22]

الله يرزقج حبيبتي

بصراحة ماعندي فكرة ودشيت بشوووف الارااااااء لاني اقكر اسوية

انا الحمدلله عندي اطفااااااال بس بسوية عشااان اجييب ولد مادري يصير ولا لا

وبعد اذن صاحبة الموضوع
منو احسن دكتوورة تلقييح لانجااب الذكر ؟؟

ومشكورين مقدماااااااا

 

[فرااااولة]

مادري احس وايد مبجر عالتلقيح
اذا انتي وريلج مافيكم شي لا تجازفين
روحي عند كذا دكتورة وسمعي رايهم واذا اتفقوا عالتلقيح سويه

 

[@الليدي لين@]

دام السبب من ريلج اهوه اهم شي يعالج هذا اهم شي
والتلقيح الصناعي مايعور جربيه ان شاء الله تحملين في ناس من اول مرة يحملون

وعلى سالفة العشر توائم ضحكتيني لووول لا ان شاء الله ماتحملين بعشر انا نفسج مافيني شي وتبويض زين الحمدلله والسبب من ريلي عطتني الدكتوره ابره وحتى ماادري شنو اهيه الابره بس قالت لي خفيفه وسويت تلقيح وماحملت بولاواحد ً بس ان شاء الله انتي تحملين ب٢حلوين :*