شنو تاخذين حق عيالج معاج بالسفر؟؟؟؟ خل نفيد ونستفيد :)

[om MaRyooM]

الســــــــــــــــــــــلام








اول شي الله يخليلنا عيالنا وعيالكم آميييييييين ..


وثانيا .. انشالله عن قريب بسافر وحابة استفيد منكم عن الاغراظ اللي تاخذونها للسفر معاكم حق اليهال ..

من ناحية عدد الملابس والبجامات والادوية والتنظيفات وكل شي كل شي ..

ان كان بالطيارة او بجنطة الشحن





وانا ببدي من خلال خبرتي المتوااظعة

سافرت من فترة مع بنتي لدبي .. وكان عمرها سنة وشهرين

طبعا أذتني :eh_s(11): .. بس شنسوي لازم كنت اخذها لوول


وبقولكم عن تجهيزاتي ..




طبعا اول شي جنطتها وعفيستها بروحها .. ماحيت اغراظها معاي

وحطيت فيها الحليب والمميات طبعا .. ومطارة الماي

وخذيت جم كلونيا حقها

عندكم عطر سوسن من عبدالمحسن حييييييييييل حلوة ... واحب بعد المسك الابيض من القرشي رهيييب طبعا حقج وحق الياهل .. وبعد كلونيا سارة اللي لونها فوشي من الجمعيات .. حللوة بعد




والمشط

والشورجل والشامبو

طبعا بيجون لايعلى عليهم


ولاتنسون فوطة الاستحمام طبعا . . وخذيتلها فوطة ثانية للغسيل العادي



واكيد البامبرزززززز ... اهم شي لوول

حطيت جيس كامل في الجنطة ... وتقريبا خمس حبات في جنطة الايد ... منعا للتوهق بالاوقات الحرجة


وبالنسبة للهدوم


طبعا صداري

وداخلي

وبجامات على حسب عدد الايام

وبدل طلعة .. .الهدوم كلهم كانو خفاف .. وخذيت على عدد الايام لأن ادري الزيادة بشتريهم من السووق :ioljnmlk:

وشبابيص طبعا


وتقريبا 3جواتي .. واحد رياظة واثنين مفتوحين


ومانسيت الكمبل .. لأن نظام بنتي ماتحب غير كمبلها :eh_s(16):


وبالنسبة لجنطة اليد .. حطيت مثل ماقتلكم جم حبة بامبرز
والمشط


وكلنكس ديتول .. وكلنكس بامبرز الوردي

وكلنكس نااشف طبعا .. حق الازمات ماتدرون سنسون ينزل مني ولامناك ولاسعبول ينزل الا انتي مجهزة عمرج لوووول


وحطيت قطعة هدوم ثانية للاحتياط

وعدة الحليب


وحبيب القلب طبعا ..............

المصاصة .... الصديق الصدوق لأغلب الهيال بس خذيت 2 عشان اذا وحدة ظاعت ولاطاحت لانبجي انا وبنتي مع بعض :eh_s(11): لووول



وخذيتلها جم حبة عصير جونيور .. وبطاط .. وككاو

وبالنسبة للادوية ..

بجنطة السفر حاطة البلاسترز و ادول خافض الحرارة وتحاميل البنادول للاحتياط لاسمح الله صار ماصار الا الدوا جااهز

وبجنطة اليد خذيت من الصيدلية fludrex لأن يدوخ الياهل .. عشان لاتلعوزني بالطيارة

والموقف اللي يظحك ان الصيدلانية قالتلي قبل نص ساعة من الطيارة عطيها شوية ..
عاد وقت الساعة ولما عطيتها نامت بعد عمري بسرعة .. وعلى مادخلنا البوابة وركبنا الطيارة طافت الساعة جان تقعد وصحصحت ع الآخر بالطيارة لوووول وهاااات يا فشيلة :s142:




وهذي الاغراظ اللي ذكرتها واي شي ثاني يليت تفيدونا وتظيفونه ..

وباجي الاغراط من مأكولات خذيتهم من كارفور هناك ..




وبانتظار مشاركاتكم وتجاربكم الحلوة

 

[Hello_kitty]

موضوعج عجيييييييييييييييييب كالعاده وكنت مفكره انزل نفس الموضوووع لأني بسافر واخذ اعيالي معاي هالمره

ونفس من الحين افكر شنو باخذ واخلي وفكرت اني ما اخذ قواطي حليب و بامبرز لأن كل شي متوفر هنااااك وعلشان لايصير علي وزن

حتى اكلهم مثل الروب والسيرلاك وغيره القاه هناك اكيد متوفر.....

باخذ لهم ملابس بس اليهال ماش الله يحتاجون يبدلون على طوووووول محتراه اخذ كمه ملابس وايد ولا اغسل ملابسهم هناك؟؟

وباخذ طبعا ادواتهم الشخصيه من شامبو وكريمات وصابون جل معقم وكلينكس مرطب ومشط وعطور ةغيره

والمميات لأن الحمدلله اعيالي ما يحبون المصاصه وبينهم حاله عداااااااء

وباخذ مثل ما قلتي عدة الإسعافت الأوليه من بندول وغيره

بس اللي عندهم خبره يا ليت يفيدوني اخذ عربانة التوام ولا كل واحد عربانه احسن؟؟

لأن عربانة التوام ما تدخل بالطياره صح؟؟وتاخذ وزن وايد؟؟ويمكن ما تكفي بسياره التاكسي؟؟؟

 

[جـــواهر]

موضوعكم حلو ومفيد

ام مريوم ترا كفيتي ووفيتي .. ولاتحاتين خلج ريلاكس ترا احنا من حنتنا وتورتنا نوتر عيالنا معانا

بس مشكووووووووره ع الدوا فلودركس توني ادري فيه

هيلو كيتي اخذي لكل واحد دراجه ماضن تدخل دراجة التوم
ومثل ماقلتي الاشياء اللي متوفره بالسوبر ماركت برا لاتاخذونها عشان الوزن

 

[Hello_kitty]

موضوعكم حلو ومفيد

ام مريوم ترا كفيتي ووفيتي .. ولاتحاتين خلج ريلاكس ترا احنا من حنتنا وتورتنا نوتر عيالنا معانا

بس مشكووووووووره ع الدوا فلودركس توني ادري فيه

هيلو كيتي اخذي لكل واحد دراجه ماضن تدخل دراجة التوم
ومثل ماقلتي الاشياء اللي متوفره بالسوبر ماركت برا لاتاخذونها عشان الوزن

مشكوووره جوج حبيبتي وهذا اللي قاعده افكر فيه عربانتين احسن واخف

 

[eman84]

خوووش موضوع
ام مريوووم شلوون السفر مع الياهل ؟؟ ولا مره سويتها بس مالي قلب اخلي بنتي لازم اي سفره يايه تكون قبلي ماراح استانس ونوعي احاتيها واااايد

والاغراض اتوقع كافيه

خواتي يعطون اعيالهم دوا اسمه زيرتك جنه حق الطياره يقولون ينوم ؟؟

 

["*آآآنؤؤؤقهـ*"]

رد : شنو تاخذين حق عيالج معاج بالسفر؟؟؟؟ خل نفيد ونستفيد

مشاء الله

مشاء الله ياحيااتي رووعه موضووعج

صج بنوتي صغيره للحينهاا على السفر بس بسيفه عندي للزمن رووووووووووووووعه

 

[%ورد طايفي%]

انا خذيته مره وحده وبس وطبعا معاي الخدامه وانتو ذكرتو كل شي
بس سالفة الحليب انا اعطيه بروجرس3 واخذت علبه وقلت اكيد موجود لاني رايحه عمره وجده وفعلا موجود الحليب بس الكتابه مختلفه شوي والطعم فيه فرق وقعد ولدي يبجي ومايرضع وصارت عيشته على السيريلاك

 

[حصووونه]

انا يوم سافرت في بنتي عمرها كان 8 شهوربالاظافه حق اللي ذكرتيه اخذت هالاشياء واستفدت منهم صج
اكياس رول من بو اميه حطيتهم في الجنطه اللي بيدي مالتها وصج استفدت تكرمين احط البامبرز فيها واربطهم واقطهم بالزباله انظف
قفاش بلاستيك صغار حق الوجبات السريعه بين الرضعات بالاماكن العامه
اخذت من مذركير علب حافظات الاكل التبروير اللي لها غطا اخذت 5 حبات قسمتهم بالجنطه العوده كل تبر وير احط فيه قفشتين سيريلاك واصكه واخليه بالجنطه معانا وطبعا اذا صار وقت السيريلاك اطلع المطاره الماي الحار واصبها على التبروير السيريلاك واحوسه وااوكلها واذا خلصت اصكه وارجعه بالجنطه واقط القفشه بالزباله..
واهم شي العربانه والمصاصه
اي والحليب خفت اتوهق اخذت بجنطه بروحهم9 قواطي حليب وفعلا يوم سافرت مالقيت حليبها هناك الحمدالله جبته معاي

 

[محبوبه25]

رد : شنو تاخذين حق عيالج معاج بالسفر؟؟؟؟ خل نفيد ونستفيد

موضوعج حلو
انا سافرت قبل مده مع ريلي وولدي
طبعا حطيت حفاظات وملابس ولوشن وفوطه
المميات والحليب ومطارة الماي و جوتيين حقه
و يبت معاي علوج حق الطياره لوول و قعدنا نتعلج
بس ما اخذت معاي ادويه
و بس هذا كل اللي اخذته معاي
و موضوعج حلووو ويشوق
عاد الحين ودي اسافر شوقتيني

 

[wafa82]

رد : شنو تاخذين حق عيالج معاج بالسفر؟؟؟؟ خل نفيد ونستفيد

حبيبتي مشكووووووووره ولاني انشالله بسااافر وباااخذ عيالي خوووووش موضوع

 

[sharoo_e5]

يعطيج العافية

 

[{بسكوتهــ~}]

رد : شنو تاخذين حق عيالج معاج بالسفر؟؟؟؟ خل نفيد ونستفيد

العاب __ حلاوة

 

[opera]

رد : شنو تاخذين حق عيالج معاج بالسفر؟؟؟؟ خل نفيد ونستفيد

اللي قلتيه كله بس اني ما اخذ ادويه لانه الديره كل ديره سافرتها مع ولدي متروسه صيدليات

اهم شي ما انساه الصدريات عشان لي رحنا مطعم مانتبهدل

و نايلون مال تبديل الحفاضات

مطاره ماي بارد حق الولد عشان لي عطش واحنا طالعين يشرب منها

عربانه ....... شي اساسي

مادري هذا اللي ذاكرته زياده على اللي قلتيه

 

[الأميرة جوري]

رد : شنو تاخذين حق عيالج معاج بالسفر؟؟؟؟ خل نفيد ونستفيد

موضوعج وايد حلو والبنات ماقصروا

 

[جوزائيه مغروره]

زيدي بعد ادويه للمغص وللنشله

ولا تنسين الالعاب

اخذي جم لعبه يحبونها

 

[om MaRyooM]

موضوعج عجيييييييييييييييييب كالعاده وكنت مفكره انزل نفس الموضوووع لأني بسافر واخذ اعيالي معاي هالمره

ونفس من الحين افكر شنو باخذ واخلي وفكرت اني ما اخذ قواطي حليب و بامبرز لأن كل شي متوفر هنااااك وعلشان لايصير علي وزن

حتى اكلهم مثل الروب والسيرلاك وغيره القاه هناك اكيد متوفر.....

باخذ لهم ملابس بس اليهال ماش الله يحتاجون يبدلون على طوووووول محتراه اخذ كمه ملابس وايد ولا اغسل ملابسهم هناك؟؟

وباخذ طبعا ادواتهم الشخصيه من شامبو وكريمات وصابون جل معقم وكلينكس مرطب ومشط وعطور ةغيره

والمميات لأن الحمدلله اعيالي ما يحبون المصاصه وبينهم حاله عداااااااء

وباخذ مثل ما قلتي عدة الإسعافت الأوليه من بندول وغيره

بس اللي عندهم خبره يا ليت يفيدوني اخذ عربانة التوام ولا كل واحد عربانه احسن؟؟

لأن عربانة التوام ما تدخل بالطياره صح؟؟وتاخذ وزن وايد؟؟ويمكن ما تكفي بسياره التاكسي؟؟؟

هلا والله بحبيبة قلبي ..


نورتي الموضوع والله


ومشكورة على تعليقج .. وانشالله تتهنون بسفرتكم .. عاد بتاخذين الشغالة ولا لا ؟؟ لأن اول سفرة مع بنتي خذيت الخدامة وارتحت واايد .. مع ان تأذيت منها معانا بكل طلعة اوووف لزقة لوول

بس هالمرة مارح اخذها مابي اتقيد وشايلة همممممم شلون بتصرف بروحي:lkmnkl:


وبالنسبة للعربانات والله احسنلج ام التوم بس نفس ماقلتي خوفج ماتكفي .. فمادري والله الافضل تاخذين عربانتين احسن

ومشكوورة ع المشاركة مرة ثانية

 

[om MaRyooM]

موضوعكم حلو ومفيد

ام مريوم ترا كفيتي ووفيتي .. ولاتحاتين خلج ريلاكس ترا احنا من حنتنا وتورتنا نوتر عيالنا معانا

بس مشكووووووووره ع الدوا فلودركس توني ادري فيه

هيلو كيتي اخذي لكل واحد دراجه ماضن تدخل دراجة التوم
ومثل ماقلتي الاشياء اللي متوفره بالسوبر ماركت برا لاتاخذونها عشان الوزن

جواهر


مشكورة ياقلبي افدتيني على سالفة الاغراظ اللي ممكن تاخذ وزن زايد .. الله يخلي الجمعيات هناك


ودوا الـ fludrex ينفع للياهل اللي الى عمر ال4او5 سنوات . . بس اذا السفرة طوييلة وعندج احد معرفة اخذي دوا منوم احسن وبكمية بسيطة مارح تاثر على الياهل
في دوا بلبنان اسمه بيبي شغلة مادري شنو .. ماياثر اذا استخدم مرة وحدة



ومشكورة مرة ثانية

 

[om MaRyooM]

خوووش موضوع
ام مريوووم شلوون السفر مع الياهل ؟؟ ولا مره سويتها بس مالي قلب اخلي بنتي لازم اي سفره يايه تكون قبلي ماراح استانس ونوعي احاتيها واااايد

والاغراض اتوقع كافيه

خواتي يعطون اعيالهم دوا اسمه زيرتك جنه حق الطياره يقولون ينوم ؟؟

هلا والله ايماان .. نورتي ياقلبي

والله انا جربت السفر مرة وحدة مع بنتي بس مع الشغاالة طبعا وارتحت وايد لأن شالت وايد شغلات عني اشوا

بس قيدتنا حييل .. بالمطاعم بالسوق بالرحلات :eh_s(4): ..


بس هالمرة انشالله باخذها بروحها باخذ راحتي مع اهلي وزوجي .. اكيد بتأذيني بس شسوي ماقدر استغني عنها


وبالنسبة لدوا zyrtec اهوا اصلا للحساسية بس يدوخ الياهل . . ومشكووورة مرة ثانية ع المرور

 

[om MaRyooM]

انا خذيته مره وحده وبس وطبعا معاي الخدامه وانتو ذكرتو كل شي
بس سالفة الحليب انا اعطيه بروجرس3 واخذت علبه وقلت اكيد موجود لاني رايحه عمره وجده وفعلا موجود الحليب بس الكتابه مختلفه شوي والطعم فيه فرق وقعد ولدي يبجي ومايرضع وصارت عيشته على السيريلاك

هلا والله ..


انا بعد اعطي بنتي بروجرس .. وقبل كنت اعطيها بيبي لاك وصارت نفس سالفتج يوم خلصت العلبتين رحت الجمعية ولقيت فيه اختلاف شوي وتأزمت بنتي شوية
فشكلي هالمرة باخذلها ماجلة حليب


ومشكوورة على المرور والمشاركة الحلوة

 

[om MaRyooM]

انا يوم سافرت في بنتي عمرها كان 8 شهوربالاظافه حق اللي ذكرتيه اخذت هالاشياء واستفدت منهم صج
اكياس رول من بو اميه حطيتهم في الجنطه اللي بيدي مالتها وصج استفدت تكرمين احط البامبرز فيها واربطهم واقطهم بالزباله انظف
قفاش بلاستيك صغار حق الوجبات السريعه بين الرضعات بالاماكن العامه
اخذت من مذركير علب حافظات الاكل التبروير اللي لها غطا اخذت 5 حبات قسمتهم بالجنطه العوده كل تبر وير احط فيه قفشتين سيريلاك واصكه واخليه بالجنطه معانا وطبعا اذا صار وقت السيريلاك اطلع المطاره الماي الحار واصبها على التبروير السيريلاك واحوسه وااوكلها واذا خلصت اصكه وارجعه بالجنطه واقط القفشه بالزباله..
واهم شي العربانه والمصاصه
اي والحليب خفت اتوهق اخذت بجنطه بروحهم9 قواطي حليب وفعلا يوم سافرت مالقيت حليبها هناك الحمدالله جبته معاي

هلا حصووونة

اييييي الجياس هذي انا خذيتها بعد نسيت اذكرها واايد تنفع صج صج ..

والقفاش هم خووش فكرة ..


وسالفة الحليب وايد توهق ناس .. احس كل ديرة لها حليبها الخاص لوول ..

ومشكورة على الافادة يقلبي