شنو تختــارين .. ابرة الظهر او الكمــام ؟؟

[ام الشوامس]

كمـام

ما اضمن نفسي ما اتحرك بأبرة الظهر :/

 

[مسك81]

كمام

 

[zntoosha]

ابره الظهر طبعا

 

[موجة ~ بحر]

اكيد كماام لاني مجربته عجييييييب

 

[asOola_21]

كماااااااام

 

[تناهيد }~]

انا بصراحه خالتي بعيالها كلهم أبرة ظهر وانصحتني .. بس قالت من اثارها ألف بالرقبه والأكتاف ..

طبعا جربتها بأول ولاده لي .. على اساس انه ولادة طبيعية ..

طلعت قيصرية وولدت بتخدير نصفي يعني أحس وأسمع واشوف تحركاتهم طبعا بيني وبين مكان القيصرية ستاره حاطينها وكنت حيييل خايفه لايروح البنج :s

أثارها بعد الولادة ألم صج بالرقبه بس مدة أيام .. لكن الصداع لازمني حتى بعد النفاس وكنت حييييل ابجي منه رجت الدكتور وقالي انه من اثار ابرة الظهر
الكمام يدوخ حزته بس .. لاني جربته في بداية الطلوق مو الولاده ..

والحين ما افكر إلا بأبرة الظهر وان شاء الله يكون طبيعي ..
دعواتكم لي .. ~

 

[reemo90]

الكمام كثرة استخدامه وقت الولاده تسبب حول للبيبي .. ؟؟ ما ادري هذا اللي اعرفه مو متأكده :d


بس افضل شي الابره وتكون من اخصائي تخدير مو اي كلام .. وسلامتكم​

 

[هنـاتي]

جربت الأثنين و اكيييييييييييد ابرة الظهر ولازم تكون في دار الشفا لانهم احسن شي في ابره الظهر اول ولادتي كانت كمام في مستشفى هادي مت وحييت مليون مرة و قعدت ما اتذكر شي بس ثاني و ثالث ولادة ابرة والله العظيم ونااااااااااااسه ما تحسين ابعوار كلشششش انا اقرا مجله و اتيني الدكتورة تفحص و تقولج يالله الحين البيبي يبي يطلع بووووووووووووووووووش بوووووش و احلى لحظه لمن تطلع البيبي و اتلفه واتحطه ايحظنج والله لحظه تسوى الدنيا ما تنسينها لو شنو يصير و دايما ادخل اختي و امي معاي بس اخذ غرفه برايفت و طبعا محد يشوف تحت لاني اكون امغطيه ابشرشف بس اختي اتصور البيبي اول ما يطلع و امي على راسي تقرا علي والله احس بالأمان و اكون حدي مرتاحه و تالي يودوني الغرفه .. بس انصح الكل لا تطوفون هاللحظه الحلوه من حياتكم بلا كمام بلا خرابيط الكمام صج يفر راسج بس والله العظيم حزتها احس بالعوار و اقعد من النوم امنتفه شعري ولا حاسه ابعمري ولا اتذكر اني ولدت اصلا .. وعلى فكرة سالي اي دكتور تخدير بالعالم ابرة الظهر مااااااااااااااالها علاقه بعوار الظهر بعد الولاده .. العوار يكون بسبب ارتخاء عضلات الرحم اللي تسند الظهر بعد الولاده .. اشاعات هاذي

آنا سويت عمليه تجميل تحت و عطوني ابره الظهر​

و حاشني عوار بالظهر فترة وحسيت بمكان الابره ألم جنه الابره للحينها مغروسه فيني​

ما اظن عشان الولادة لان فعلا حسيت بالام ظهر تقريبا شهرين ،،، و فيه بنات يقولون ما يحسون بعوار بعدها ؟؟ يمكن على حسب​

بس هم ابره الظهر مثل ما وصفتيها اهم يشقون و يقصون ويخيطون وانتي ولا حاسه ولا شايفه​

تسولفين وتضحكين و عادي الوضع واعيه بكل شي يصير حواليج بس طبعا ماكو احساس بالنصف السفلي من جسمج كله وفعلا مريحة حزتها​

بس اللي أبي اسأله الحين شلون يصير دفع للبيبي بحاله الولادة الطبيعيه و تحت مخدر يعني شلووون​

انا والله يوم تخدرت ما كنت اقدر اسوي اي شي حتى مثلا لو بتشفطين بطنج وترخينه ماتقدرين ولا تحسين لوووول​

فمادري ؟؟؟؟؟؟​

 

[لاتنوي الفرقا]

انا خاطري بابرة الظهر بس صج اللي تتحرك حزتها يصيدها شلل

 

[ام هيونه111]

في ولادتي الاولى جربت ابرة الظهر والحمدلله ما حسيت بالطلق وبعد الولاده حسيت بتعب وثقل من الابره

في ولادتي الثانيه جربت الكمام وحسيت بالطلق وبعد الولاده حسيت براحه

افضل الكمام اذا تستحملين الم الطلق

 

[Xtina]

ابرة الظهر طبعا

الكمام يخدر ويعيشج جو بس تحسين بألم الطلق بس ابرة الظهر مافي الم تنامين تقعدين تلاقين روحج ولدتي

الله يسهل على كل الحوامل يا رب وييسر ولادتهم

 

[q.u.e.e.n]

اكيييييييييييد ابرة ظهر الولاده بدون الابر عذااااب

 

[^سكر زيادة^]

أنا جربت بولادتي الكمام وااااي ضييييييم يلوع الجبد ويفر الراس وتحسين انج بعالم ثاني احساس مليق الصراحه ماحبيته واحس أثر وااااايد على ذاكرتي وصح مثل ماقالوا البنات يتلف خلايا المخ لو اهو زين جان أمريكا والدول المتقدمه استخدموه !!!

 

[travel_addicted]

أنا بجر بس ان شاءالله ناوية على إبرة الظهر
حتى الدكاترة ينصحون فيها

 

[christal]

كمام

 

[ام اغلى الناس]

ابرة الظهر وبس
تهبل
جربوها ماتندمون

 

[امواج الكويت]

عوار الظهر ماله علاقه بالابره انا اخذتها يوم سوولي تنظيفات وما حسيت باي شي الحمدلله

وقبل ثلاث ايام اخذتها لاني سويت ربط والحمدلله هم ماكو عوار

بس بالولاده ان شاءالله ما اعتقد اني اخذها اخاف يكون لها اثر اني اخذها مرتين خلال خمس شهور مع ان دكتور البنج قال عادي

 

[" ام حمود "]

أكيد أكيد
" كمــآم "
والله يسهل عليء وعليكم ياررب

 

[[[ عيون جابر ]]]

انا ليلحين محتاره وخوافه بس شكلي راح اختار الابره مابي ادوخ بالكمام واسمع اصوات مثل مايقولون للبنات ابي اكون واعيه بدون الم

 

[Talyan Rose]

ابرة الظهر السحريه العجييييبه


اخذتها بولادتي والحمدلله ارتحت