شنو تستعملون علشان تنظفون الزوليه من البقع؟

[لمار4]

بنات عفيه بسألكم شلون اتنظفون الزوليه من البقع يعني اذا كانت الزوليه كبيره تغسلونها والا بس تستعملون منظف يوخر البقع؟.لان انا ساكنه بشقه صغيره وماعندي مكان يكفي انشرها فيها واغسلها بصابون فأبي منظف اقدر استعمله ويوخر البقع...عندكم فكره عن اي سبراي أو منظف يوخر البقع والوسخ من الزوليه.

 

[ثلاثينية]

انا عن نفسي احط نتفه شامبو فيري على ماي دافي وافركه وبعدين اصب عليه ديتول مخفف واجففه بالفوط وبقعد عن بقعه تفرق

 

[همسة ورد]

انا شاريه بخاخ حق تنظيف السجاد بس مو من الكويت ..

روحي مركز سلطان او سيتي سنتر اتوقع تحصلين هالشغلات هناك

 

[لمار4]

ثلاثينيه وهمسه ورد مشكوريييييييييييييييييين وايد على الرد

 

[Katkota_46]

في بالجمعيات منظف اسمه فانش مع بروش خشن وبعدين فوطه فيها ماي وكمفورت ..

 

[اعييز]

كل مره أجرب شي من هاللي يكتبون عليهم مزيل البقع .. لحد الحين مااستقريت على بخاخ يوخرهم 100%

بس عموماً يخف وايد من هالمنظفات .. وعقب ماترشين عليهم نطري شوي ومسحيه ، يفضل عقب تغسلينه بماي مره ثانيه عشان لايبقى شي من هالصابون

 

[Tender Heart]

حبيبتي انا عن نفسي احط في تب فانيش الوردي او كلوركس ملون اخلطه مع شوية ماي وافرك البقعه بالفرشاه الخشنه عقبها بنفس الفرشا افركها بماي وكمفرت واخليها لما تجف

 

[منيرة خالد]

أنا استعمل شامبو الاطفال جونسون لا دموع بعد اليوم ( اعرضوه برنامج بيوت قذره ) وفعلا يزيل الاساخ بشكل عجيب اذا كانت البقعه قديمه صبي عليها مباشرة الشامبو وفركيها بفرشه مبلوله بالماي واذا بقع جديده حطي شوية شامبو مع ماي وفرشيها وشوفي النتيجه العجيبه

 

[كيفانية المنبع]

بالنسبة لي انا استخدم فانيش الوردي مفعوله عجيييييب واذا كانت البقعة صعبة جدا استخدمي شوية جاز مخلوط مع ماي وفركي البقعة وعلى فكرة ماياثر على اللون