شنو تسوين اذا تغير عليج شخص غـالي ؟!

[ReeM ^ Style]

السلام عليكم

شنو تسوين اذا تتغيــــر معــاملـــة شخـــص غالـــي عليــج ؟؟ ....

يمكـــن يكـــون هــذا الشخـــص رفيجتج .... او احـــد من اهلج ... اوشخص غالي عندج


فجـــأة اتغيـــر معــاملتـــه معــــك ..

وبـــدون أي سبـــب ..

فأنــــت لــم ترتكـــب معـــه أي خطأ ..

وما جرحته عشان تقـــول لنفســـك انـــه غيـــر معاملتـــه عشان يحسســـك بالذنــــب..!!

اذا كلمتــه يــرد عليـــك بقســـوه . . وعـــدم اهتــــمام ..
وإذا ســألتــــه عـــن سبـــب ضيقــــه .. يـــرد عليــــك ويقــــول ولا شئ ..
تحـــاول الاقتراب منـــه .. واهـــوه يبتعــــد عنــــك ..
وإذا اجتمعتـــوا فـــي اي مكـــان مـــع اصدقائكم ...
يكـــون مستانس .. ويتكلم ويضحــــك ..
واذا راحوا وبقيـــت انـــت واهـــو بس .. يرجـــع مثـــل ما كان ..
جنه كـــل الضيـــوف راحوا ..وانت جنك مو مــوجـــود .. ..
تطلـــع .. ما يــودعـــك ..مثـــل اللي راحوا .. تغيـــب مـــا يســـأل عنـــك . .
وإذا ييت انـــت وسألتـــه عـــن شـــئ يـــرد عليـــك .. بأسلـــوب يضيـــق الخلـــق ..
ويقـــول ولا شـــئ ..
وفجـــأة تلقاه يتكلم مـــع واحـــد مـــن الأصدقـــاء عـــن الشـــيء الـــذي ســـألت عـــنه انـــت ...
تحس انـــه ما يبيك تعـــرف ..
والمشكلـــه الاكبــــــر مـــن هـــذا كلـــه .. اذا كانـــت علاقتــــك فيه قويــــه ..
اكثـــر مـــن الشخـــص اللي يتكلم وياه ويقـــول له المــوضـــوع ..
واشيـــاء تصير .. وانــــت آخــــر مـــن يعرف ..
والمفـــروض انـــت قبـــل كـــل النـــاس تــعرف ..
ومـــع هـــذا كله تعـــامله مثل اول ...
ومــازلـــت تعتبــــره شخـــص عــزيـــز وغـــاالـــي ...




فـــي هـــذا الوقــــت !!!

تحــس كـــل النـــاس يكــرهـــونــك .. حتـــى تكــره نفســـك ..

تصيــــر الدنيــا في عيــــنك كلـــها ظـــلااااام .. ما فيها حتى نـــور خفيــف ..

تحــــس انك قاعد اتعاقبت بجريمه مـــع انـــك ولا مـــره غلطـــت ..

تحــــس انــك غلطـــان مـــع انــك ولا مـــره جرحتــــه ..



شنو الحـــل فــي راايـــكم ؟؟!!!





تروحله ... وتقـــوول لــه عـــن اللـــي بقلبـــك .. ؟؟...

او تسكــت وتخلـــي همـــك بقلبـــك . .؟؟؟

منقول بس ابي تفاعل هالشي بالضبط صاير معااي

​

 

[اميرة-الاحجار]

اكلمه مره وحده واقوله عسى ماشر شنو سبب التغير؟؟
اذا ماحصلت اجابه مقنعه بخليه على كيفه ..

 

[هيوونه@]

اسأله شنو سبب الزعل
اذا مافي رد مقنع مايشوف شر
على راي المصريين اشتري دماغك

 

[زينة الشرق]

ما أسوي ولا شئ أراقب الوضع من بعيد لبعيد لما أعرف السببب بدون حتى ما أسأل هالشخص ليش تغيرت علي لأن احنا بزمن من الصعب يبقى الحال عليه كما هو كالمعتاد.يعني الصديق الصدوق عملة نااااااااااادرة جدا جدا.

بس اذ العلاقة فعلا كانت قوية الشخص من نفسه مثل ماتغير هو بنفسه يعرف سبب تغيره اذ كان السبب ايجابي ! ورح ترد العلاقة أحلى

أما اذ كان السبب سلبي !!! فأتوقع العلاقة من الأساس خطأ وتقل العلاقة تدريجيا الى أن تصبح عادية أو حتى أقل من عادية ........


ووللموضوع آهات وشجون بس أكتفي بهذا القدر من المشاركة البسيطة ....

تقبلي مروري ...

 

[أم حمد =)]

اكلمه واصارحه واعرف منه السبب ..

اذا تغير بدون سبب كيفه ..

 

[• قلبه نصيبي •]

بعرف شسالفه اذا والله فاهم الموضوع غلط افهمه الصح واخليييه بعدين صدقني ولا ماصدق

 

[خــجــولــه]

حدي حدي راح اضايق لانه موشويه شخص احبه ويحبني ونعز بعض يتغير علي !!!!!

ويدون ذنب !!!!

اكلمه واقوله شنو سبب تغيره ونتفاهم ونتناقش

 

[almassa]

نفس الشي صايـــر معاي ....

ولاحياة لمن تنادي .....

ماقول الا
دع الامور تجري في أعنتها
ولاتنامن الا خآاالي البالي
فبين غمضة عين وافاقتها
يغير الله من حال الى حـــــــــال

 

[$الـــحـــلاوه$]

اكرررره شي بالنسبه لي
اذا حبيت شخص وصرت معاه حييييل وكان يبين لج انه يحبج واسلوبه وسوالفه حلوه معاج
وفجأه يتغير !!! ياااااااو ضيقه ضيقه ضيقه مو طبيعيه
واللي يغث اكثر مثل ما قلتي اسال شصاير يقولون عادي
لا والله مو عادي اهيء

شنسوي !! مافيش حل؟؟؟؟؟؟؟؟

 

[تفـاحهـ]

اكييد بكلمهـ واشووف شالمووضووع لييش متغير ...؟

 

[شانييل]

صارلي بناس وايد
أقولج لو يهمني حيل أكلمهم وأقول عسى ولازم أستفسر عن السببب خاصة لما يتكرر الموقف.
بس صراحة في ناس قلابية وتتغير من حرف أو ظن صراحة هذيلة ما يستاهلون تتعبين نفسج معاهم
لكن ما أخلي الي أحبهم, وما أدري من شنو تغيروا
لازم أظل لو سنين إلاما أعرف وأخليهم يتحسفون على تصرفاتهم
وخليج فوق
وأنا أشوف ماكو إنسان يتغير عليج إلا سامع له كلمة وضايقتة من داخل
من ناس اشتغلوا بالفتنة حسبي الله عليهم

 

[سكادا بلو]

صاااارت لي للاسف ...

كنت اسال وابي اعرف شنووو سبب التغير وكانوا يقولون ماكو شي وانصدم اكثر ان الاتصال والتواصل مع غيري ... اول شي تضايقت وحسيت بغصه بس عقب فتره قلت من عافنااا عفناااه لو كان غالي ومااايشووفووون شررر لاني حاولت اكثر من مره افهم الوضع ولا حياة لمن تنادي

 

[ReeM ^ Style]

بعـــد عمـــري بنـــااااااااات ماقصـرتووا

بس عجبني هالرد


ماقول الا
دع الامور تجري في أعنتها
ولاتنامن الا خآاالي البالي
فبين غمضة عين وافاقتها
يغير الله من حال الى حـــــــــال


طيب انا حاولت افهم السبب والعذر الشغل ؟! واحس هالعذر سخيف طيب كلنا مشغولين وقاعدين نتواصل مع اللي نحبهم ويعزون علينا

وخصوصا الحين صارلي اكثر من اسبوع ماطرشت مسج ولا دقيت والوضع عادي لاحياة لمن تناادي :0bee2e8d89:

مادري شنو السبب؟ خصوصا قبل كنت مو مهتمه فيها ولا اقعد معاها نهائيا الحين صارلنا مع بعض اكثر من5 شهور وعلاقتنا حيل مع بعض وصارلها شهر متغيره علي بدون اي سبب واذا سالتها قالت مشغوله فرضا لو مشغوله تقدر ادز مسج ؟!

يعني الناس الحين ماتحب اللي مهتم فيهاا تحب الي مطنشها ولا انتو شرايكم؟!
​

 

[لوكي 22]

بتضايق ..
ومن نوعي اذا شفت جذي انسحب ع طول : (

 

[العين الكحيله]

أكيد راح افقدهـ

وان شالله الله ما يجيب فرااق

 

[خياله]

صارت لي وسألت الشخص بس ماكو فايدة
انسحبت على طووول كرامتي أولى من عافنا عفناه لوكان غالي

 

[ReeM ^ Style]

يعطيكم العافيه بناااااااات

وين باجي البنات ناقشونا فديتكم

 

[hello.kitty_85]

اممممممممم طبعا فيه وايد اشياء ممكن اتغير رفيجتج عليج يعني يمكن وانتي ماتدرين غلطتي بحقها او يمكن احد قايلها شي عنج يعني مخربين بينج وبينها قعدي معاها وفهميها انه انتي مهتمه لها واتحبينها واتعزينها وتبين اتعرفين شاللي مضايقها قوليلها اذا انا ضايقتج بشي قوليلي يمكن انا مو مستوعبه او غلطت بحقج من غير مادري وبعدين اذا قالت لج لا قوليلها احد قايلج شي عني نتواجه لاني عمري مايبت طاريج الا بالخير جذي بهالاسلوب فهميها واذا قالت لأ قوليلها عيل ليش متغيره علي انا صج احبج واعزج بس ترى لي كرامتي واذا انتي اتحسين انه ماله داعي تستمر صداقتنا قولي عادي يعني حاولي تفهمين الموضوع وتنهينا بسرعه يا اما ترد نفس اول يا اما ماله داعي هالصداقه كلها

انا ماراح اقولج هالموضوع صار معاي كلنا صارلنا جذي بس انا كنت فيوم من الايام مكان رفيجتج لانه كان عندي رفيجه اذا مو كل يوم تغلط بحقي ماترتاح مع انه كنا ليل نهار مع بعض وانا كله اسامحها وما اقولها ضايقتيني بكل شي كانت اتغلط بالمذهب بالمصلحه تاخذ كل اللي عندي وماتحس تحش برفيجتنا الثالثه جدامي واخر شي قامت تدخل بحياتي بكل شي لما خلاص قمت ابتعدت شوي شوي وعقب طلعت كل اللي بجبدي وهم عمري ماحشيت فيها وعقب كل اللي سوته راح حشت فيني وطلعت اسراري ولما يسألوني اقولهم مايخالف خلاص مثل ما اهيا قالت اهيا الصح وانا الغلط وهذي اختي ما اتكلم عنها بس بالنهايه كل من راح بحال سبيله بس ليلحين احبها واعزها واشتاقلها

 

[[[ عيون جابر ]]]

اذا الي زعلان مو من الأهل بالطقاق خخخخخ لأن ماحب اراضي أحد والي يحبني يعاتبني مو يزعل علي

 

[*أبلة*]

كل من بقلبه شقى اللي له

حبيبتي

بقولج شغله وحده بس

يمكن انعكاس لتجربه شخصية او يمكن دارجة بين البشر

في ناس سبحان الله تحب تتلذذ بتعذيب اللي يحبونهم

بمعنى

شخص يعرف غلاته ويدري انه مهم فمهما سوا هفواته مُبررة

هذا الشخص يسوي ويسوي ويتمادى

مو لسبب معين

بس علشان يغيض اللي يحبه ويحيره ويخليه يمشي يكلم نفسه ويحاسبها

احيانا في سبب للي قاعد يصير واحيانا الشخص هذا يكون قاعد يدور الزلة على قولتهم

انتي حاولتي تعرفين سبب التغير

اذا مافي اجابة منطقية .. خلاص لا تحاولين اكثر معاه

ادري المساله صعبة

واللي يحب شخص سواء اخت او صديقة او اي كان

صعب الابتعاد فجاه

لكن شتسوين !!

اخيتي .. اذا كانت صديقتج من هالنوع .. الافضل انج ما تعطينها اكبر من حجمها

لان النوعية هذي ترد وتعيد كرَّة الزعل على اتفه سبب

لانها ولسبب بسيط عارفه غلاتها

في ناس يستاهلون الحب

ويستاهلون ماي العيون

وناس ما يستاهلون دمعة حيرة منج

ربي يطمن قلبج ويهدي بالج ويصلح الامور

اتمنى اني ما غثيتج بكلامي

​