شنو تسوين اذا تغير عليج شخص غـالي ؟!

[om_dodo]

سبحان الله صارلى مثل موقفج لا واللى كملة قامت تسولف فينى بابشع الكلام وحاولت اعرف اشفيها ولاحياة لمن تنادى وللعلم كانت علاقتى فيها قوية بمعنى ما تحملة هذى الكلمة ...والحين صارلها ما تحاجينى جريب 3 سنين ...ولاحول ولاقوة انا مومنة ان كان لى حق بيطلعة رب

العالمين...و من راح من كيفة وكيفة مودية

خلة على كيفة وكيفة يردة ...

 

[ReeM ^ Style]

اممممممممم طبعا فيه وايد اشياء ممكن اتغير رفيجتج عليج يعني يمكن وانتي ماتدرين غلطتي بحقها او يمكن احد قايلها شي عنج يعني مخربين بينج وبينها قعدي معاها وفهميها انه انتي مهتمه لها واتحبينها واتعزينها وتبين اتعرفين شاللي مضايقها قوليلها اذا انا ضايقتج بشي قوليلي يمكن انا مو مستوعبه او غلطت بحقج من غير مادري وبعدين اذا قالت لج لا قوليلها احد قايلج شي عني نتواجه لاني عمري مايبت طاريج الا بالخير جذي بهالاسلوب فهميها واذا قالت لأ قوليلها عيل ليش متغيره علي انا صج احبج واعزج بس ترى لي كرامتي واذا انتي اتحسين انه ماله داعي تستمر صداقتنا قولي عادي يعني حاولي تفهمين الموضوع وتنهينا بسرعه يا اما ترد نفس اول يا اما ماله داعي هالصداقه كلها

انا ماراح اقولج هالموضوع صار معاي كلنا صارلنا جذي بس انا كنت فيوم من الايام مكان رفيجتج لانه كان عندي رفيجه اذا مو كل يوم تغلط بحقي ماترتاح مع انه كنا ليل نهار مع بعض وانا كله اسامحها وما اقولها ضايقتيني بكل شي كانت اتغلط بالمذهب بالمصلحه تاخذ كل اللي عندي وماتحس تحش برفيجتنا الثالثه جدامي واخر شي قامت تدخل بحياتي بكل شي لما خلاص قمت ابتعدت شوي شوي وعقب طلعت كل اللي بجبدي وهم عمري ماحشيت فيها وعقب كل اللي سوته راح حشت فيني وطلعت اسراري ولما يسألوني اقولهم مايخالف خلاص مثل ما اهيا قالت اهيا الصح وانا الغلط وهذي اختي ما اتكلم عنها بس بالنهايه كل من راح بحال سبيله بس ليلحين احبها واعزها واشتاقلها

تسلمـــين حبيبتي ومثل ماقلتلج انا ماضؤيتها ابد لامن قريب ولا بعيد اهي من نفسها تغيرت بدون سابق انذار مادري شالموضوع

ماقصرتي اختي وردج عين العقل تسلمين

 

[ReeM ^ Style]

كل من بقلبه شقى اللي له

حبيبتي

بقولج شغله وحده بس

يمكن انعكاس لتجربه شخصية او يمكن دارجة بين البشر

في ناس سبحان الله تحب تتلذذ بتعذيب اللي يحبونهم

بمعنى

شخص يعرف غلاته ويدري انه مهم فمهما سوا هفواته مُبررة

هذا الشخص يسوي ويسوي ويتمادى

مو لسبب معين

بس علشان يغيض اللي يحبه ويحيره ويخليه يمشي يكلم نفسه ويحاسبها

احيانا في سبب للي قاعد يصير واحيانا الشخص هذا يكون قاعد يدور الزلة على قولتهم

انتي حاولتي تعرفين سبب التغير

اذا مافي اجابة منطقية .. خلاص لا تحاولين اكثر معاه

ادري المساله صعبة

واللي يحب شخص سواء اخت او صديقة او اي كان

صعب الابتعاد فجاه

لكن شتسوين !!

اخيتي .. اذا كانت صديقتج من هالنوع .. الافضل انج ما تعطينها اكبر من حجمها

لان النوعية هذي ترد وتعيد كرَّة الزعل على اتفه سبب

لانها ولسبب بسيط عارفه غلاتها

في ناس يستاهلون الحب

ويستاهلون ماي العيون

وناس ما يستاهلون دمعة حيرة منج

ربي يطمن قلبج ويهدي بالج ويصلح الامور

اتمنى اني ما غثيتج بكلامي

​

يعطييييييج الف عافيه وكلامج عين العقل الظااهر انها بدت تعرف غلاتها عندي وقاعده اتسوي هلامور اللي مالها معنى ردج مقنع وعجبني

تسلمين وماقصرتي بالعكس لاغثيتيني ولا شي عادي مو فارقه معااي لان كل واحد حر بصرفاته ​

 

[ReeM ^ Style]

تسلمووووووون بنات ماصرتوا على ردودكم الطيبه

وبانتظااار البااااااااااجي

 

[*حبيبة أعمامها*]

أممممممممم آنا دوم أشرح بأ شغله بس هذا كلامي باختصار بس معناه كبير
روحي للشخص هذا بنفسج كلميه فهميه اللي بقلبج وليش يعاملج جذي من بين كل الناس
لا تخلني ولا شي بقلبج عشان يحس باللي سواه وفهمي منه ليش يعاملج جذي حتى لو قال لج
ماكو شي غصبيه خليه يقول أن في شي..
أما إذا عاند فخلاص أنسي أن راح يرد يكلمج..لأن بكل بساطة اهو نساج وما عدتي تهمينه
بس هااااااااا دام أن اهو غالي مثل ما قلتي لا تكرهينه حتى لو هو ما يبلعج

أتمنى ما طولت عليج بس للفايدة

 

[DALAL.21]

أكيد بروح له و أقول اللي بقلبي

يمكن أني غلطت بحقه و أنا مادري يمكن سويت شي غلط من غير قصد

أحاول أصلح الموضوع قبل ما يتطور

ما أسكت

 

[Be colorful]

شوفي اذا تغير مني وطريج بدون سبب كيفه عادي اتضايق شويه بس اخليه
اذا كان بعيد عن عيني ماراح اضايق وايد

انا الموت اذا الضروف تحتم عليج تشوف هالشخص كل يوم وتتعاملين معاه وتشوفين الجفى منه
هذا القهر صج والله اموت من الحره لان جدام عيني
وما اقدر اطنش ولا انسى صج راح اتعب

يعني ممكن النهايه يا ذابح يا مذبوح

 

[3aboora]

يعتمد على شكثر اهوا غالي عندي ..
في ناس اقول باللي يحفظهم و اللي يبيعني ابيعه .. و في ناس لا احاول اشوف شنو السبب < و هالشي عمره ما صار

لانه اذا انا اغلي احد اكيد بيكون اهووا يغليني بنفس المستوى فا ماراح توصل لدرجه انه نتغير على بعض