شنو تسوين بهدومج قبل لا تتبرعين فيها

[Tender Heart]

السلام عليكم بنات شلونكم وشخباركم ؟؟؟ انا وايد احب اجرد ملابسي خصوصا اللي اكون لابستها اكثر من مره وصارت عتيجه بدال لا احطها بالكبت وتسويلي زحمه اتبرع فيها لان وجودها وعدمها واحد المهم شكثر قرقت انا دايم اتبرع حق اللجان بس انصدمت من خالتي تقولي لاتتبرعين بشي الا غاسلته وانا بصراحه هدومي اللي قبل وديتهم اللجنه بدون غسال شلون عليكم انتو بليز فيدوني ؟؟؟؟؟ هل تغسلون هدومكم قبل لا تودونها اللجان الخيريه ؟؟؟؟؟

 

[ام شيوخه]

انا ما اغسلهم بس مو معناته انهم وسخين لا اقصد فيهم العطر او بخور الكبت

 

[Tender Heart]

هلا حببتي ام شيوخه عفوا انا ماقصد انهم نظاف ومعطرين لا لا انا كان قصد خالتي انج تغسلينهم ولاتكون فيهم ريحه جسمج عشان محد يسويلج سحر ...بس انا احس ماله داعي دامهم نظاف ماكو الا الخير وبعدين اللجنه اللي بتودينها مايعرفونج عشان يسحرونج ولا شرايكم كويتيات بلييييييييييييييز نبي تفاعل

 

[Q8Buying]

خلاص من باب الحيطه،.. غسليهم
فقط ليطمئن قلبج،..
بس مادري،، .. ماعتقد الموضوع فيه -سحر- ان شاء الله!.. يعني حرام ماكو مناسبة..
والله يعطيج على قد نيتج!

 

[دي مدو]

انا عن نفسي اغسلهم قبل ما اتبرع فيهم واكويهم احسن سواء ملابسي او ملابس ولدي وبعدين حرام ماتدرين اشلون يوزعونهم يمكن على حطتهم

 

[‏إنگِسَارْ آلشَـوْق ..!]

الافضل غسليهم
علشان حرام اللي ياخذهم بعدج الا هي نظيفه ومافيها ريحه

 

[opera]

اي لازم تغسلينهم

شلون عيل

يعني همن بتتبرعين بشي ملبوس


وهمن مو مغسوووول :eh_s(14):


حتى لو فيهم عطر وبخووور لازم ينغسلون شنو الفقاره مالهم رب يعني :0bee2e8d89:

 

[بنوته جامعية]

اللي اعرفة ان اللجان ما يوزعون الهدوم الابعد ما يشوفونهم
يعني المقطع والمنتف يقطونه وحتى اللي ما في زرارات يخيطون لهم
وبعدين ينغسلون وينكوون قبل ما يتوزعون
هذا اللي اعرفه واذا كان كلامي غلط اتمنى تصلحونه لي

اما عن نفسي اوزعهم بعد الغسيل والكوي
واذا في شي مبقع او مفتوق وما يتصلح اقطه بالزبالة
لأنها تعتبر صدقة فحرام اعطيهم شي ما يستفيدون منه

وعلى فكرة اللجان يعطون الهدوم حق الفقاره حتى في كويتين ياخذون منهم

واسفة على القرقة

 

[UM^LEEN]

لازم تغسلينهم لان النظافة من الايمان مايصير تبرعين بملابس وصخة

 

[أغلى حبيبه]

اغسلهم واكويهم واتبرع فيهم

 

[بسمــ(ツ)ــه]

انا اعطلعهم من الكبت اوردي يكوونووون مغسوولات ومكوياات

 

[dalal]

حبيباتي .. انا مره كنت متواجده بمكان اللجان الي تعطي الملابس حق الفقراء...

وقالنا المسؤول:

الطريقه انه الاغراظ الي تعطونهم مو على طول توصل الفقراء ...

يتم الجرد على جميع الملابس وتصنيفها على حسب الجنس والعمر ..

تالي يتم التدقيق عليها اذا احتاجت الى خياط او تعديل ...

وغيره من الامور ثم يتم الغسيل والكوي والترتيب وارسالها للناس المحتاجه ...

حته الالعاب الي يتصدقون فيها هم يتم الجرد بين الجيد والتالف...

بس هاذا مايمنع انه تتبرعون بالملابس واهما مغسولين ومكوييين ...

لانه في ناس الله يهداها والله شوف عيني يوم بطل العامل الجياس كانها زباله تكرمون !!

خالطين كلشي شي وصخ شي نظيف شي مشقق فوط قديمه العاب قراطيس !!

يعني شي يظيق الخلق... فعشان جذي يتم الجرد والتدقيق على جميع القطع ...

ودمتم سالمين

 

[أم عزيـز]

انا صراحه ما اغسلهم لأن ادري ان اللجنه نفسها قبل لا تتبرع فيهم تخسلهم وتكويهم

واكيد لازم تكون اللجنه ثقه لأن في بعض اللجان يودونهم المصغه وينظفونهم ويجيسونهم وبعدها يبسطون فيهم بسوق اليمعه !!!

 

[بحر الرمال]

انا اللي اعرفه ان اللجان يبيعونهم بسوق اليمعه و العائد المادي من البيع يروح للفقاره

 

[واحشني زمانك]

من الافضل تغسلينهم وجزاك الله الف خير

 

[سلوى هانم]

انا اغسلهم واكويهم و سفطهم و الله ماودي الا شيء يكون زين انا عرف ناس اتوزع الشيء المنتف واللي رايح لونهم ( الملابس اللي رايح لونه و طاعه اخيوطه و موبره اغسلهم و قصهم قطع اسويهم اخرج حق التنظيف ) .