شنو تشترون من الجمعية حق ماجلة البيت سواء اكل او منظفات

[أم راشد المطيري]

السلام عليكم

خلونا نستفيد من بعضنا

كل وحدة تقولنا شنو تشتري من الجمعية سواء اكل او منظفات او خرابيط حق ماجلة البيت

وشنو الشي اللي ما تستغنين من ماجلة البيت

 

[شيــوخه]

هلا والله

انا الي مااستغني عنه من الجمعيه الخضراااااااااء

احبها تازه سعني جرجير كزبره اشبنت الشغلات هذي والمعلابات مرات اتخلص من عندي اشتري من الجمعيه

من غير اغراض لليهال الحلويات وجذيه لانه جمعيتنا اتسوي عرووووض دايم استانس عليهاااا

عيل مره امسوين عروض على الخضراء الخيار على خمس فلوس يا بلاش

الببسي دايم اشتري من عندهم البن جذيه يعني

 

[أم راشد المطيري]

اب

اب

اب

 

[[]نهاوند[]]

اكيد الخضار الفرش دايم بيوم مهرجان الخضار نجيل للبيت لأنهم يسوون تنزيلات وتلاقين مرات كرتون الخيار بخمسين فلس وكرتون الطماط بربع وانا دايما اجيل للبيت الخضار مثل الخيار والطماط والبطاط والبصل والورقيات بس ماكثر منها لأنها تخترب بسرعه والزهره والقرع وكل الخضار اللي نستخدمها وبيوم المهرجان دايما آخذ كوسا واسوي محشي بيومها لأن الكرون مرات يوصل 200 فلس

وطبعا الكلينكس والرول جق المطبخ وحق الحمام تكرمون والمنظفات ولو اني قمت اجيب المنظفات من رامز لأنه فرق بالسعر صراحه لكن اذا خلص شي واحتجناه ضروري نجيبه من الجمعيه واكيد المعلبات والعصاير الخبز والصمون والتوست والشغلات اللي نجيبها يوميا او حق كل كم يوم​

 

[تنايفـ]

سؤالج وااااايد عام بحاول اذكر لج الي في بالي
زيت الزيتون الاردني الي يعبونة من قسم الاجبان فضيع - حليب kdd الازرق مالنا غنى عنه نموت عليه - الكرنيشن الاحمر المعروف و ابوقوس بالهيل - جاي ريد ليبل وايد حلو مع حليب الهيل والزنجبيل من الصبح - قرص عقيلي مال المطاحن - عصير كوكتيل ومانجا kdd نعز المنتج الوطني لووووول - طبعا خضرة ما خضرة سوالف طماط بصل خس خيار نعناع وجذي - طبعا معجون اسنان لازم ومنظفات وغسولات - كلنكسات
وايد اشياء ما تطري على بالي الحين .. ان شاء الله لي ذكرت شي برجعلج
​

 

[غيمه ظميانه]

والله الماجله ماتخلص واحس كل شي مهم للطباخ

والخضار مهمه والمعلبات

والسناك اهم شي خخخخخخخخخخخخخخخخ كيك بسكوت مناقيش بطاط عصائر

 

[أم راشد المطيري]

مشكورين بنات على المرور

بنات انا مو قصدي بس جمعية لا يعني شنو تجيبون اكل حق البيت

سواء من سوق عادي او جمعية او مركز سلطان


المهم اللي ابي اوصلة شنو تجيبون اكل للبيت

 

[بنت الكويت العسل]

رفع للفايده

 

[@ بنت النـور @]

رد : شنو تشترون من الجمعية حق ماجلة البيت سواء اكل او منظفات

اب اب وناسة

هالموضوع حلو لو خليناه مرجع حق الماجله,, لأن انا دااااايم انسى وايد شغلات ههههههه

 

[أم راشد المطيري]

بنات شريت من سوق اسعار زمان كل منظفات ومسوين عرض روحوا لحقوا

 

[احساسي غريب]

رد : شنو تشترون من الجمعية حق ماجلة البيت سواء اكل او منظفات

اختي مع احترامي لج سؤالج غريب اكيد كل بيت يجيبون ماجلتهم حسب رغبتهم وفيه اساسيات الكل يجيبها والكل عارفها مثل الخضار والخبز والأجبان والصمون وغيره اما الباقي فهي على شهوة اهل البيت وشنو يحبون مادري شنو الفايده اذا عرفتي شنو نجيل لبيتنا وآسفه اذا ردي ضايقج

 

[بـــــــــدور]

صراحه انااحب الجمعيات واتسوق فيهم فتلقيني احب اخذ من كل بستان زهرة مع اني ساكنه الجهراء فتلقيني قليل اتسوق فيها احب جمعيه الصليبخات فيها منتجات التجميل المصريه بكل انواعها وجمعيه الشاميه احب الكريمات تلقين كل الانواع والماركات جمعيه قرطبة والفيحاء والروضه فيها محلات حلويات وفطاير روعه
اما بالنسبه لاكل البيت اتسوق احيانا من الجمعيه او من جمعيات الشويخ لندن او سيتي سنتر واسعار زمان والخضرة اقرب شي لي امر اخذ واحيانااخذ من المبسطين بالشارع خاصه الحين الجو شتوي وبارد ماتخافين تكون خضرتهم خايسة

 

[بـــــــــدور]

صراحه انااحب الجمعيات واتسوق فيهم فتلقيني احب اخذ من كل بستان زهرة مع اني ساكنه الجهراء فتلقيني قليل اتسوق فيها احب جمعيه الصليبخات فيها منتجات التجميل المصريه بكل انواعها وجمعيه الشاميه احب الكريمات تلقين كل الانواع والماركات جمعيه قرطبة والفيحاء والروضه فيها محلات حلويات وفطاير روعه
اما بالنسبه لاكل البيت اتسوق احيانا من الجمعيه او من جمعيات الشويخ لندن او سيتي سنتر واسعار زمان والخضرة اقرب شي لي امر اخذ واحيانااخذ من المبسطين بالشارع خاصه الحين الجو شتوي وبارد ماتخافين تكون خضرتهم خايسة :denya:

 

[dlo3trylha]

رد : شنو تشترون من الجمعية حق ماجلة البيت سواء اكل او منظفات

اممم انا ماعندي خدااامه في الوقت الحااالي فاشتري كل شي مثلج البيتزا البرجر والناغيتس او هالسواالف
الشي الي ما استغني عنه احب الشواامبو والاهم من كل هذا الفواكهه والشوربات او غرامي البروكلي +الفطر
والمنظفات خوو انا فيني فوبيااا لازم ديتول او تايد هذا الي اذكره

 

[حوراء العين1976]

:n2006107:

 

[حوراء العين1976]

_03BA: والله البيت كل شى يبى انا قبلها بيوم اشوف بالبيت شنو ناقص اسجل بورقة واروح الجمعية مرات الشى الى ابيه مو موجود اروح مركزسلطان وجذى اكون عارفه شنو محتاجه للبيت :ggdw:

 

[rhofa-q8]

رد : شنو تشترون من الجمعية حق ماجلة البيت سواء اكل او منظفات

اب
اب
اب

 

[مرايــــــــم]

اشتــــــري خضـــــرا وفواكـــــــه
وتايــــــد وصابـون بيجـون لبناتــــي
وحليـب كرنيشـن
ومعلبـــــات
وككــــاو وعصيـر كي دي دي
وقيمــرومربـى واجبـان
وبامبــــــــــرز
وتقريبـــــــا كـل شـي من الجمعيــــه

 

[قدســـاوية]

بالعكس مادري ليش في وحده مو عاجبها الموضوع

انا اشوف ان هالموضوع يساعد الكل

مرات ننسى شنو نبي ومرات في اشياء ما نعرفها ونفيد بعض فيها

وفي بنات توهم متزوجات ما يعرفون شنو ياخذون

والمنتدى حق تبادل الخبرات بعد شنو

المهم النا بالطويلة

انا اقولج شنو اخذ

اول شي بكتب المعلبات:

فول - حمص - تونة - مربى - قيمر - عسل - جبن كرافت او المراعي الازرق الغامج - قشطة

ورق عنب بس مو الجاهز ما احبه

الصلصات:

احب صلصات امركان قاردن - كاتشب - مايونيز عادي - مايونيز بالفلفل - صلصة الككاو - صلصة

الفراولة

المثلجات:

عصير منجا مثلج+توت+فراولة - هامبرجر - ناقتس - جكن فليه - بوفتيك - نقانق - فليه سمك -

شبس - تكا تندوري - كباب - جباتي - بيتزا مثلجة - خضار مثلجة

اخذ زيت زيتون اردني من قسم الاجبان اللي يبيعونها بالكيلو واجبان بعد بس انا اخذها من كارفور

حلوم - روب - لبن - عصاير - كولا - زبدة - كريمة الخفق - بيض نشا - طحين - ميني كوكيز -

معمول التمر - احب اخذ سوالف البسكوت والمعول والغريبة من امير الامراء او ن محل بالسالمية

جبال مستشفى الراشد

حليب بو قوس بالهيل - شاي الوزة رويال احلى شي جربته - شوربة ماجي بانواعها

بهارات مجدي - قبل كنت اخذ بهارات من محل باسواق القرين بحارات بحرينيه بس حسافة تسكر

كان وااااااااااااااااااااااااايد حلوووووووووو ويخلي طباخج وغداج روووووووووووعة

زعفران - هيل اخذه من الطحنه احسن سواء حب او مطحون.



منظفات:

كلوركس ملون وابيض - كومفورت داوني احلى شي - شامبو عبي - معطر جو - ملع زجاج -

ملمع خشب - بودرة معطرة للسجاد - دسوس - اقراص معطرة للافرجني - معجون اسنان - صابون

يد - شاور جل - شامبو - مغذي للشعر - فرش اسنان - عواد اسنان - خيط للسنان - ديودرنت -

ديتول شخصي - ديتول مال التنظيف احلى شي تاج - غرغرة للفم - غسول شخصي - لوشن - قطن

اذن - نايلون حفظ الطعام - قصدير - كياس لحفظ الطعام - كياس فرن - منظف الفرن - اسفنج -

سيم - سيروم للشعر - غسول للوجه - اسكينول - قطن مدور او مربع للوجه - ملمع ارضيات -

عطر ارضيات - نايلون سفرة - فازلين - صابون ملابس - كلنكس ديتول - مزيل المكياج - كلنكس

فحم - فوط للمسح - كياس للزبالة وانتوا بكرامة - فلاش لتنظيف الحمام - صابون سائل لتنظيف

الحمام - شموع معطرة.

كوتكس نانا احلى شي بس يارب هالشهر ما احتاجه يارب - كير فري نانا بعد

فواكة :

تفاح - موز - برتقال - كيوي - عرموط - عنب - نجا وفراولة اذا مو سمهم - افندي .. والذي منووو

خضار:

شبنت - جرجير - بقدونس - كرفس - بصل اخضر - بصل - بيديان - بطاط - زهرة - فلفل بارد -

علوب فلفل - جزر - خس العادي واريكي - ملفوف (لاهانا) - بروكلي - اكو شي لونه بنفسجي

مثل الخس الامريكي بس مادري شسمه ههههههه


ممممم مادري شنو بعد

اي وصبار اللي هو تمر هندي ـ سمبوسة - كلنكس مطبخ للقلي - ورق للتقديم وكلنكس المربعات

للتقديم - شموع للفواحات - ككاو - شبس - حلاو - علوج - بسكوت اكثر شي اخذ ماري

ودايجستف الاصلي ووانت ونايس بالسكر - كورن فليكس يم يمي - مرات اخذ سيريلاك بالقمح

احبه ههههه يارب اشتريه حق ولدي مو حقي يااااارب

اروح رامز قسم العطور اشتري عطورات حلوة احطها فالحمامات

وبس هذا اللي اذكره

وطبعا مو كل روحه جمعية اشتري هالكم الهائل الموجود عتدي ما اشتري يعني القائمة عندي وايد

اقل نم جذي - المنظفات اشتريها من رامز لانه اووووووووووووووفررررررررررر

الاجبان اللي بالكيلو كنت اشتريها ن كارفور بس الحين لولو هايبر باسواق القرين

طوّلت عليكم بس حبيت افيدكم باللي اعرفه وان شا الله اكون ما قصرت

وابي دعواتكم لي بأن يمتلي البيت علي وعلى زوجي بالذرية الصالحة ويفرّح قلب امي وابوي

بشوفة واحد يكبرهم ويقولهم ماما عودة وبابا عود

 

[أم راشد المطيري]

مشاءالله يا قدساوية في وايد اشياء كنت ناسيتها وسجلتها منج

ربي يرزقج الذرية الصالحة عاجلا غيلا اجلا ياارب

ويعيطيج العافية على المرور الرائع