مساكم الله بالخير
ق ق ج هي اختصار لـ( قصة قصيرة جدا )
والقصة القصيرة جدا يعني طولها لا يتعدى جمل معدودة .. وممكن تصير جملة وحدة،
والأديبة ليلى العثمان لها كتاب صغير من 100 ق ق ج ... اسمه ( قصيرة جدا )
وهذا الأدب الجديد على الساحة، جعل بعض المثقفين مؤيد ومعارض،
المعارضين يقولون ما يبون يخرجون عن المألوف وهذي ما تتسمى بقصص!
والمؤيدين يقولون ليش لأ .. وليش ما يتطور الطرح الأدبي ..!
عموما .. هذا النوع من القصص مو سهل ويحتاج تركيز عالي وقوي لأن كل ما اصغرت مساحة الكتابة صار الموضوع أدق ومركز .. فلذلك يعتبر من ذكاء الأديب أن يطرح قصة قصيرة جدا ويكتبها ويوصل رسالته للقارئ.
وهذا سبب قلة طرح هذا النوع من القصص في السوق .. مو كل من يكتب قصة أو رواية يقدر يكتبها بهالقالب الجديد من الـق ق ج.
وان شاء الله راح أحط لكم كم قصة من هالنوع هنا
واترك لكم رايكم .. شكرا لكم
