شنو تعرفين عن Smash box ولج مني دعوة من القلب

[albarooona]

قوة شلونكم شخبارك
بدش بالموضوع بسرعة :eh_s(4):

هالجمعة عرس رفيج زوجي الروح بالروح وعازمينا :ggdw:

وبالصراحة أبي أحسن ماكة حق قاعدة المكياج ( بيس ) شنو أستخدم أنا سمعت عن Smash box

لأني أبي شي يثبت المكياج ويخلي شكلي حلو وأخطف الأنظار :eh_s(6):<<<<< حلوه أخطف الأنظار صدقت عمرها :krkrkr:

فياريت تفيدوني وراح أدعي لكم من كل قلبي بالتوفيق والزوج الصالح وإن الله ييسر أمورها ويفرج عنها كربه من كرب يوم القيامة مثل ما فرجة عني هالكربة

فديتكم

 

[عز النفس يغنيني]

حبيبتي صح كلامج .. بيساته من أفضل وأحلىى البيسات ..

انا أستعمل الاخضر لان بشرتي حساسه وتميل للاحمرار ..

إنتي شوفي بشرتج وإللي يناسبها .. بس الاغلب الشفاف يناسب كل البشرات ..

وترى الماركه تهببببببببببل .. هم طلي على إضائتهم شكلها نفس قوطي البيس .. يمكن تعجبج ..


وموفقه إن شاء الله

 

[أسيرة_أحزاني]

رد : شنو تعرفين عن Smash box ولج مني دعوة من القلب

لووول ان شاءالله تخطفين الانظار بس ليش ماتحطين بصالوون مكياجج يطول اكثررررر واضمن لج

 

[^حبيبة الكل^]

كلامي مثل كلام عزووووو لان البيس هذا مثالي وفي بعد بيس قيرلان اللؤلؤي يهبل على مدح البنات
بس انا استخدم بيس سماش بوكس الي انتي حاطه صورته وفعلا روووووعة

 

[^حبيبة الكل^]

رد: رد : شنو تعرفين عن Smash box ولج مني دعوة من القلب

لووول ان شاءالله تخطفين الانظار بس ليش ماتحطين بصالوون مكياجج يطول اكثررررر واضمن لج

هلا اسور شلونج لا قطيعة ليش تحط بصالون اذا اهي تعرف حق عمرها
قطيعة نفسهم خايس وايدينهم وصخة وشغلهم على عيلة ومايخوفون الله فيج و اسعارهم بالعالي و الله بملجة بنت عمي
شهر 6 حطيت انا مكياجي شحلاته يهبل و قررت ما احط مكياج بصالون من بعد ماساه مكياجي بصالون الصهباء الله ليعوده من يوم
صج صج تفشلت بعرس بنت اختي

 

[albarooona]

فديتكم أنزين وين ألاقي هالماركة وجم سعره بليز فديتكم والله
وطريقة الاستعمال بعد
لا خلا ولا عدم منكم حبيباتي ناطرتكم

 

[عز النفس يغنيني]

تلقينها بـ سيفورا الافنيوز ..

وفافافوم الافنيوز بعد ..

طريقته تحطينه ورى المرطب .. وإذا بشرتج مو محتاجه ترطيب سيده حطيه ..

بس دامج بعرس رطبي بشرتج عدل لان معروف كريمات اساس العروس ثقيله وتحتاج مرطب زين ..

يعني مرطب بعدين بيس بعدين كريم أساسج بعدين البودره ..

وموفقه

 

[albarooona]

بعد عمري عز النفس يعنيني أنزين بسألج ألاقيه بمحلات التجميل إلي بالجمعيات التعاونية شيوديني الأفنيوز

 

[خُزام]

سماش بوكس يهببببل آنا مجربة الشفاف
بس ترى البيس يساعد شوي بالتثبيت بس الأكثر يعطي نضارة ويخلي البشرة ناعمة
والأساس يتوزع عليها بسهولة وشكل حلو
اذا تبين شي قووووي بالتثبيت استخدمي بيس وهم بعد مكياجج بخي بخاخ
مثبت للميك اب من دييغو دالا بالما أو كريولان
اثنينهم حلوييييين ويثبتون مكياجج طول السهرة

 

[Killer^Girl]

انا جربت واااااايد
مالقيت احسن منه .. جربيه بتحبينه

 

[noty]

هلا حبيبتي

سماش بوكس حلوو بس ما يثبت بالصوره اللي متخيلتها و نضاره

سوي تنظيف بشره و مساج حق الويه قبل الحفله بتحسين ويهج فرش و نظيف و لا تحطين ميكاب ريحي ويهج ليوم الحفله

و الاهم اهو الفاونديشين متى ما اخترتيه صح راح تكونين مررتااحه

و بالنسبه لسماش بوكس موجوده بسيفورا الافنيوز و السعر و الله ناسيته

مو موجود حبيبتي بالجمعيات

و انا احب بلاشاتهم و غلوساتهم حلووه وايد

 

[noty]

هلا حبيبتي

سماش بوكس حلوو بس ما يثبت بالصوره اللي متخيلتها و نضاره

سوي تنظيف بشره و مساج حق الويه قبل الحفله بتحسين ويهج فرش و نظيف و لا تحطين ميكاب ريحي ويهج ليوم الحفله

و الاهم اهو الفاونديشين متى ما اخترتيه صح راح تكونين مررتااحه

و بالنسبه لسماش بوكس موجوده بسيفورا الافنيوز و السعر و الله ناسيته

مو موجود حبيبتي بالجمعيات

و انا احب بلاشاتهم و غلوساتهم حلووه وايد

 

[Layali Dashti]

رد : شنو تعرفين عن Smash box ولج مني دعوة من القلب

انه بعد سامعه وايد يمدحون الماركه
اي زين تسوين كشخي عدل وخطفي الانظار

 

[عز النفس يغنيني]

لا ما تلقينه بـ مراكز تجميل الجمعيات ..

وسعر البيس أتوقع 12 أو 11 ..

والاضاءه نفس الشيء ..

موفقه

 

[Killer^Girl]

الكبير 12
الصغير 4

 

[albarooona]

حياتي ماقصرتوا بس صج مهم أي أعرف وين ألاقين أمس رحت المركز الفرسني بس قالولي ماعندهم هالماركه وقعدت تعرض علي ماركة ثانية من بيس مو معروفه وتقول طبية بس أنا ماخذيته خفت تقص علي

الحين إذا رحت فافافوم إلي في المارينا ألاقي عندهم وإذا رحت صيدلية بوتز Boots ألاقي عندهم ؟؟؟

أنزين أبي البنات إلي اشتروا السماش بوكس البيس من وين يابوه

 

[آبـلـہ نـونـو]

مآ جربت منهُم شي والله ..

..

 

[عز النفس يغنيني]

حياتي ماقصرتوا بس صج مهم أي أعرف وين ألاقين أمس رحت المركز الفرسني بس قالولي ماعندهم هالماركه وقعدت تعرض علي ماركة ثانية من بيس مو معروفه وتقول طبية بس أنا ماخذيته خفت تقص علي

الحين إذا رحت فافافوم إلي في المارينا ألاقي عندهم وإذا رحت صيدلية بوتز boots ألاقي عندهم ؟؟؟

أنزين أبي البنات إلي اشتروا السماش بوكس البيس من وين يابوه

أكيد تلقينه بـ فافافوم المارينا دامه موجود بـ فافافوم الافنيوز ..

وما تلقينه بـ بوتس ما يبيعونه ..

انا عن نفسي شاريته من سيفورا ..

 

[albarooona]

فديتج حبيبتي عز النفس يغنيني والله ماقصرتي
عسى الله يوفقج ويعطيج على قد نتيجة ويحقق لج مبتغالج يارب

والله يوفق كل وحدة دش موضوعي وساعدتي وكتبت رد

يزاكم الله كل خير وجعله في ميزان حسناتكم يارب

 

[noty]

حبيبتي مادري انا اللي اعرفه انه الماركه موجوده ب سيفورا الافنيوز ما شفته لا بوتس و لا ب فافافوم المارينا

مو شرط اذا في ماركات ب فافافوم الافنيوز تكون بالمارينا مثل ارماني بس بالافنيوز

الافضل توكلي على الله و روحي الافنيوز و اخذي المواقف الاخيره صوب الاكتنشين اليديد على طول انتي عند سيفورا
مشوارج كله ما يصير حتى نص ساعه اذا بتقعدين بالمحلل بتشوفين