شنو تفضلين زواج صبي صغير ولاكبير...

[توفة الحلوة]

السلام عليكم
بصرااحة حبيت اعرف رايكم شنو تفضلين زواج صبي يكون صغير يعني 18 او 19 او يكون كبير والله انا بصرااحة عمري 20 وعرسي بعد جم يوم ومتزوجة واحد اصغر مني بسنة بس والله خووش واحد ومحترم ويشتغل وعلى قد مسؤؤلية
انا حبيت اعرف رايكم يعني عااادي وحدة تتزوج واحد اصغر منهااا وشنوو عندج احسن زواج الصبي يكون مبجر ولا ليمن يكبر؟؟؟؟
وشكرااااااااااا​

 

[ريم خانم]

عادي مو مهم العمر اهم شي الحب والتفاهم والاحساس بالمسؤوليه

 

[اميره1980]

انا شخصيا افضل الزوج يكون اكبر من الزوجة بس بسنين معقولة يعني مو اكثر من 10 سنوات
انا ريلي اكبر مني ب 7 سنوات و هذا وايد زين
بالنسبه ان يكون اصغر مني ما افضل هالشي لان المراة يبين عليها الكبر مع تقدم السن بس اذا اصغر بسنة وحدة بس مو مشكلة

 

[q8ya fa9la]

اهم شي انج مرتاحه معاه ..
بس انا افضل الي اكبر مني بسنين مو بسنه
يعني مثلاً لمه انا لمه يكون عمري19 سنه اهو 29 او 28
احسه فاهم الدنيا عدل ويعرف الصح والغلط ومخه شوي كبير
ويبي يتزوج يعني يبي يستقر ..​

 

[دنيتي تهواك]

افضل يكوون اكبر عنها اكثر من ثلاث سنين وفووق ببعد

صهري ماخذ وحده اكبر عنه بثلاث سنين وشحلاتهم متافهمين وكل شي

بس وجهة نظري افضل يكون اكبر عني

 

[iLLuMinaTion]

الكبير افضل

 

[الحلم اللطيف]

ياحياتي لاتقارنين حياتك بزواجك بواحد اصغر منك بحياه وحده ثانيه ماخذه اصغر منها
هاذي قسمه من ربك واهم شئ الاخلاق اذا كانت اخلاقه حلوه شوفي حياتك شلون تصير
وناسه اهم شي انتي استخرتي؟
ولد جيرنا ماخذ وحده اكبر منه ب4سنوات وعايشين بعسل مشاء الله
لا تخافين

 

[متواضعة]

الله يهنييج حبيبتي

 

[الأميرة جوري]

الله يوفقج في الصغير عقله عقل واحد فاهم ...وفي الكبير عقله عقل ياااااااااهل ....موشرط

 

[برنسس كاتي]

عمرج 20 وبتتزوجين واحد عمره 19 !!
وااايد واايد صغييير توه مرااهق !!
بس يالله
الله يوفقكم

 

[روزالين]

انا عن نفسي احس فيني عقده نفسيه احب الرجال الكبير واموووت ع الشيب معا اني صغيره توي ببداية العشرينات
لو يخطبني واحد كبير عاااتي
مممممم ما افضل اخد واحد اصغر مني
بس تدري الحياه قسمه ونصيب واهم شي يكون مرتاح بالج

 

[منال $]

اهم شي انكم متفاهين وقد المسؤلية لانة الزواج مو لعبة
وبعدين ياحياتي عمرة19 بيتزوج مررررررة صغير
الميزة الحلوة بالموضوع انة اولادكم بيكبروا معكم
الله يوفقكم

 

[بعد روحي]

لا بصراحة ما أفضل إن آخر واحد اصغر مني
لان الريال ماينضج بسرعه نفس المره
المره تتكلف شرعاً وعمرها 9
والريال يتكلف شرعا وعمره 15
شوفي اشكثر فرق امبينهم ؟
هذا فرق بين عقل الريال والمره
19 واييييييييييييد صغير وقليل اللي بهالعمر ويتحملون المسؤولية
بس الله يوفقج يقلبي

 

[ShEmOkH]

انا احس العمر مو مقياس
بس عن نفسيي افضل الكبير

 

[ạ7ạśêś ~]

العمر ماله شغل احيانا صغير وعقله وتفكيره اكبر من عمره والعكس
يعني على حسب شخص نفسه؟.

 

[احلام بسعاده]

اعرف ناس ابنهم متزوج بنت عمه اكبر منه بي 11 سنه وبيحبو بعض
بس انا افضل الرجل الا فوق الخمسه والعشرين بس اهم شيء يكون قد المسئوليه والله يوفقك

 

[عطرالكلام]

الله يهنيكم
بس رايي الكبير افضل

 

[مـزآج ــــية]

ع حسب الريال نفسه

اهم شي استخرتي

و الله يوفقج

بس بالنسبة لي احب اكبر مني بجم سنة بس مو اكثر من 10 سنين