شنو تقدمون بالبوفيه الصغير حق اجتماع الأمهات

[anona79]

السلام عليكم
باجر اجتماع امهاتنا
شنو تقدمون للأمهات ومن وين
يعني الحلو او الفطاير
انا محتارة

 

[kokah]

مرحبا انا صراحة كنت اطلب من كل مشاركة و عموما طلبي الفطاير الحجم الصغير و حلويات للقهوه و طلب زهبي مطارات للشاي و القهوة و طقم الاستقبال

 

[nero]

انا اجتماع امهاتنا كان الاسبوع الي طاف

طلبت من وحده معانا بالمنتدى اسمها Mis$ Leo

بصراحه شغلها اينن وذرب وتعاملها حلوو

مو اول مره اتعامل معاها مجربه وايد اشياء عندها صج توايه

حق الاجتماع طلبت منها صينية سندويشات + كب كيك .. زينته لي حق اليهال

كل الامهات استانسسو عليه

 

[^ليلاس^]

عاد تصدقون ان روضتنا اهم يطلبون من الامهات اييبون حلو وقهوه لوووول فشله

 

[عبق الورد]

صراحه صفي هالسنه الامهات اي شيء نفسيات وشكايات
والله انا واللي معاي حطينا شيء بسيط
.. المشكله وحده من الامهات اليوم بعد ما خلصنا من الحلقه تهددنا انتم طاقين ولدي وراح اشتكي
وراح اخفس فيكم الارض ... خوش اسلوب حسافه ما وجهتني والا راح ارد عليها الرد المناسب لا والطامه الكبرى مو كويتيه !!!
والا لو كويتيه جان اسلوبها مو جذي .

 

[nero]

عطينا رقمها نيرو

للزمن ولا الروضة ما تستاهل

94059199

 

[*أم*خالد*]

عبق الورود

والله ابتلشنا بهالقانون مرت الكويتي تتجنس لو اهيه شنوو
طاح حظ العدوو

واي استغفرالله مابي اييب شي بعد ليش البلعه كافي متن خل يسوون رجيم ..
مابي اييب شي وكيفهم مو لازم ياكلون شنو داشين روضة ولا بيت ؟

 

[^ليلاس^]

اي والله يام مناف شنو استقبال لووول

 

[*أم*خالد*]

ليلاس اكو ابلات اييبون عطور وسوالف وناس تبخر وتطيب

مادري تغرف فلوسها من بير :s

 

[عهود الحب]

بوفيه لمنو ؟
لسوير وعوير امهات الشكاوي ؟
جايات ايد ورى وايد جدام
ماجابن معاهن شي

صينية حلو وتخب عليهن
والله حرام فيهن



ولما اخلصن من البلع مشن وخلن عيالهن على قلوبنا عديمات المروة ههههههههههههههههه


قهر لو راشة الصحن بف باف ما انلام

 

[nero]

هههههههههههههه


عهود مجرمه لحد يسمع كلااااااااااامها

 

[السنعة2]

انا ولية امر وصراحه عمري ماحضرت حق اجتماع بالروضة
الا ومعاي صينية حلو او ككاو
وصينية معجنات غير الهدايا حق اليهال
المدرسات شنو يلحقون عليه الصج مو ملزومين المدرسات

 

[القرآن ربيع قلبي]

خخخخخخخخخخخخخخخ
الله يقطع ابليسكم ببس كل هذا من ورانا
يبة عوع مانبي هالحلو
انا احضر الاجتماع واقب انحااااااااااااااااش
بانت علومكم ياابلات الروضة
حنا روضتنا تطلبب منا حلو )))ترى والله فشلة
بعدين انا والله لوشنو عيالي يقولون لي مااشتكي على ابلة الروضة لاني كويتية خخخخخ
لا الصراحة اقدر معاناتهم ومااقول الا الله يقويكم ان شاء الله

 

[^ليلاس^]

وي عطور وبخور شدعوه يبالغووون

انا هالسنة ماعتقد راح اييب شي لان الامهات هالسنة مو متعاونين وكل مره اطلب منهم يحفظون عيالهم نشيدة او اية يطنشون وفوق كل هذا شكايات على اقل شي وماكو اسلوب حلو بالكلام بالمره لا يبا حدي حلقه وبااي باي لوول

على قولة عهود هالنماين يبيلهم بف باف لوووووووووول بس اكيد في امهات يهبلون ويا زينهم زيناه بس مو بصفي

 

[Om-FahooDy]

احنا محتارين و لي الحين ما سوينا شي
المشكله ان انا و اللي معاي علينا النشاط الاسبوع الياي
و عندنا اجتماع الامهات
يعني حدنا حايسين

 

[القلب الصافي]

والله شوفي صينيتين حلو بس شي بسيط مو مبالغ فيه وصينية معجنات وورق عنب ومطارتين جاي مع قهوه وبس هذا قبل امس حطيناه :ggdw:

 

[منورة]

السنعة صج انج سنعة والله

شوفي حبايبي احنا روضتنا قبل الامهات كانوا كبار بالسن <<مالحقت على هالفترة الحلوة الا سنة خخخخ توني ترى لاتقولون قديمة بس فعلا كانج باستقبال بس وناسة كل وحدة جاية ومعاها صينيتها وقهوتها وسوالف تشرح الصدر امهاااااااااااااااات اول والغريب هالسنوات الاخيرة اغلب المهات صغار وشوفي تخزز وماكواسلوب الا من رحم ربي لييييييش شفيهم الناس قبل الاجتماع حلو ووناسة الحين هم ع القلب وكل شي تسوينة حتى القهوة والعام ناظرتنا سوتها سالفة ليش ماجبنا قهاوي يختي لاهم يستاهلون ولا انتي تستاهلين هع




حبيبتي لاتخبين عمرج اتفقي مع جناحكم طاولة برة وفيها القهوة والحلو وهلب يور سلف وبس

 

[anona79]

الحمدلله خلص الاجتماع
يبت صينية معجنات وصينية حلو قهوة وقهوة
بس وسلامتكم
والمصيبة بعض الامهات تسئل اخذ ولدي والا بنتي نقول لها الاغلب ياخذون ...... خلته وراحت
مسكين مع طفلين والا ثلاثة اللي امهم مايت بعد انتي واصله الروضة واصله
شييبج مرة ثانية بالزحمة جان خذيته وفكيتي عمرج وريحتينه شوي
شدعوة ..... حسباله احنا بيبي ستر بعد الأطفال يدامج راحوا مع امهاتهم الا بتخينها
واللي قاهرني أكثر في بنت سألت الخدامة ليش ماما مايجي روضة انتي ماعطيتها الورقة
تدرووون شنو قالت .... بلى انا يعطي بس ماما في نوم
يعني انتي ربت بيت ما تشتغلين تنازلي هاليوم وتعالي شوفي مستوى بنت
أمبيييه هالسنة اللأمهات كلش اللهم الا ثنتين والا ثلاث ينعدون على الأصابع اللي تسمعين منهم حجي حلو يشرح القلب والباقي ادنات الدون تشتكي ولدا يطق واذا انطق تيي تشتكي ترى ولدي الأطفال يطقونه
آسفة كثرت الحجي بس كان لازم اطلع اللي بصدري

 

[معلمة متقاعدة]

لا تخبون عمركم مطارة قهوة عالباب وسلام عليكم

وخلوا الحلو عليهم

شدعوة

اذكر الامهات اهم عليهم الضيافه قهوة وشاى وهبة ريح وفزعه للابلة يا حلو الناس الراقيه

لا والبعض يحرجك جدام الناظرة هدايا ودروع

يا حلوهم

الله يذكرهم بالخير

 

[Eva-SS]

اجتماعنا الاسبوع الجاي

وعلينا القهوة والجاي والحلو والفطاير .. نعمه إذا جن الأمهات بس وتلقين الواحده نفسها براس خشمها

اخييييييييييه بس على روضتي اللي قبل ياحلوها ويا حلو اللي فيها