شنو تنصحوني فيه ؟؟

[~..MiMiNi..~]

مساء / صباح الخير

اشلونكم ؟

طبعا ً انا على ويه زواج .. و حاليا ً ادرس بره ..

خطيبي قالي ليش ما تحولين تربيه اساسيه رياض اطفال بما انج تحبين اليهال .. و الاعلام اول ماتخلصين تربيه اساسيه روحي اخذي دورات بالأكاديميه الاعلاميه ..

المهم ،،

انا صج فكرت فيها انه اريحلي اني اكون يم ريلي و بيتي اذا حولت تربيه اساسيه و هم معاشهم زين واقدر اعيش عيالي بالمستقبل بمستوى احسن ..

بس قريت موضوع اهني وكانت اكو ردود انه مو شي رياض الاطفال ..

فحبيت اخذ رايكم !!

 

[عهود الحب]

والله ما ادري شقولج
خطيبج يحدد لج دراستج ؟
ما ادري هذا مستقبلج وميولج الدراسية
انتي شنو تبين بالضبط ؟؟
يعني رياض الأطفال كـ عمل ولا كـ دراسة ؟

 

[روح البخور77]

انا وجهت نظري كل وحده وشخصيتها عشان تححد اذا رياض الاطفال تنفعها ولا لا واخذيها مني كلمه ماكو احد ينجبر على شي واذا معلمات رياض الاطفال مو لاقين مزايا اكثر وتقطي على العيوب جان ما استمروا وما كا اسهل من تحويل المعلمه الى اداريه ولا تسمعين من اي احد يمكن انا اقولج وايد حلو هالمجال او غير يذمه وانتي تشوفين العكس على حسب ....... صلي صلاة استخارة وتوكلي والله يوفقج

 

[أم سعـود]

ان كنتي تحبين اليهال ولج مقاقه لهم توكلي على الله وترا صح كلامه انا كنت اعلام قبل لاروح تربيه اساسيه وحولت

موووشي فرق المعاش والمكان وكلشي

مهما كان احنا مرتاحين ومالج شغل من كلام الناس كل وحده لها رايها انا اشوف وظيفتي ممتعه غيري حول ماقدر يقعد

شوووفي انتي شنو تبين

استخيري

ماخاب من استخار

 

[طيرشلوا]

نصيحة من اخت ابتعدى عن رياض الاطفال
لان رياض الاطفال الحين موللاطفال للادارة والموجهات
وصاير مجال اللة لايوريج واسطات ومحسوبية ولاحبتك عينى ماظامك الدهر

 

[[..كـــــرك..]]

حبيبتي انتي لاتسمعين لكلام احد

ولاتاثرين بكلام البنات كل انسان نفسيته غير

انتي عجبج غير مايعجبه !!

موشرط

نصيحه لاتسمعين كلام حد وانتي حددي شنو تبين وجربي روحي لاحد الرياض احضري يوم دراسي كامل شوفي الوضع عجبج او لا

لان كنت مثلج سمعت كلام البنات بالمنتدى << مو كلهم ولاقصور فيهم

بس مثل ماقلت لج كل انسان له نفسيته

كرهت شي اسمه رياض ورحت الروضه الوضع غييير يهبل

والله يوفقج

 

[~..MiMiNi..~]

اختي عهود .. اهو لا يحددلي مستقبلي ولا شي .. بالعكس لو يبي يحدد مستقبلي جان حددلي اياه من زمان

اهو اقترح هالاقتراح عشان راحتنا احنا الاثنين خصوصا ً انه بنتزوج .. فصج صعبه انه نتزوج و انا بديره و اهو بديره والمده مو قصيره باقيلي 3 سنين ونص ! يعني حتى يهال ماكو :×

فشاف شنو المجالات اللي انا احبها غير الاعلام وقال اشرايج بهاذا وهاذا وهاذا .. انا قلبي فز حق رياض الاطفال

شكلي بروح الروضه و اشوف .. و صج متشوقه حق هالسالفه ..

بس بغيت اسأل .. دراستها صعبه ؟

 

[~..MiMiNi..~]

اي صج ومشكورين ما قصرتوا على ردودكم .. ريحتوا بالي الله يريح بالكم قولوا امين

 

[Fashion Brands]

انشالله تسوين اللي فيه الخير
بس اهم شي تفكرين بميولج اذا تستحملين اليهال و لج خلقهم
و تحبين تتعاملين معاهم
و بالنسبه للدوام التعب بكل مكان
بس الاريح انج تكونين حابه اللي تسوينه

 

[عهود الحب]

شوفي كـدراسة احلى منها ماكو
بس كمجال عمل هم حلو اذا بتكملين دراستج معاها
بس ترى رياض الاطفال مو بهالسهولة عرفتي
في ضغوطات بالعمل بس ممكن انتي بذكائج ومع الوقت تتلاشى بنظرج

انا اقول توكلي على الله
احلى من رياض الاطفال ماكو

للعلم احنا لنا اسبوعين قاعدين ماعندنا شغل والحمدلله
فتقدرين بهالاسابيع اتوقع تكملين دراسة ان كان عندج يعني طموح دراسات عليا
هذا اللي انا استوعبته من كلامج
وان كنت فاصلة لاتلوميني ههههههههههههههه

 

[saroona-84]

استخيري والله يوفقج انشاللة
اهم شي في وظيفة رياض الأطفال انج تحبين الطفل