شنو تنصحوني

[Deeep]

سلام بنوتات
في واحد متقدملي اكبر مني بـ10 سنوات تقريبا
اهو ريال زين و ما عليه كلام
و انا من رايي ما عندي مانع بس امي تقولي كبير و من هالكلام
انتوا شرايكم انا بصراحة ما افضل اتزوج واحد اكبر مني بسنه ولا سنتين
الكبير بيكون فاهم الدنيا و تجاربه و خبرته بالحياة احسن مني
بس هل فيها شي اذا كان اكبر مني بعشر سنين ؟

 

[احلى سماء]

والله من رايي اذا رجال زين وقد الزواج
ومسؤوليات الزواج هذا المهم

انا زوجي اكبر مني بخمس سنين
ومطلع روحي معاه

لا خدامه
لا يجيب ماجله للبيت
اذا احتجت طبيب ما يوديني
وانا على الله وعلى هالاعانه
ويعطيني 60 ويقولي صرفي منهم
وانا بكل روحه مع سايق اجره اروح انا وامي وادفع له 3 دنانير
لان يمر بيتي السايق ويمر بيت امي اول ويودينا مره سوق مره جمعيه مره طبيب
كنت اراجع للحمل وعقب اكتشفت ان زوجي فيه سبب ما اقدر احمل والحين هو معالج مو راضي كل يوم يقول باجر اعالج كسل منه

 

[Deeep]

رد : شنو تنصحوني

الله يعينج و ليش جذي
اهو ريلج و ملزوم فيج ليش ما يوصلج اهو ؟

 

[قمر^خالد]

شوفي حبيبتي .. دامج مرتاحتله ورياال زيين وتحسينه يبييج وشااريج لييش لأ... رفيجتي كبري .. عمرها 20 ماخذه واحده عمره 31 ... عاااااادي .. مو بالعمر يااقلبي

 

[DooLy88]

بالعكس ترا 10 سنين مو وايد كبير يعتبر

وفعلا يكون ريال وفاهم - توكلي على الله اذا خوش ريال

انا خالتي زوجها اكبر من ب 10 سنين

اهم شي يصلي

 

[قمر^خالد]

والله من رايي اذا رجال زين وقد الزواج
ومسؤوليات الزواج هذا المهم

انا زوجي اكبر مني بخمس سنين
ومطلع روحي معاه

لا خدامه
لا يجيب ماجله للبيت
اذا احتجت طبيب ما يوديني
وانا على الله وعلى هالاعانه
ويعطيني 60 ويقولي صرفي منهم
وانا بكل روحه مع سايق اجره اروح انا وامي وادفع له 3 دنانير
لان يمر بيتي السايق ويمر بيت امي اول ويودينا مره سوق مره جمعيه مره طبيب
كنت اراجع للحمل وعقب اكتشفت ان زوجي فيه سبب ما اقدر احمل والحين هو معالج مو راضي كل يوم يقول باجر اعالج كسل منه

أنتي لاتسكتيين .. هذا ريلج ملززوم فييج شلوون أهو موجود ويخلييج تروحيين بتاكسي هذا من صجه ... سمااء لاتسكتيين .. شنو هذا ...؟؟ هو ملزووووووووووووم فيج وااي ماني عارفه ليش يتزوجون دامهم جذي :eh_s(12):

 

[Deeep]

رد : شنو تنصحوني

اهلين قمورة فديتج هذا الكلام اللي يريح القلب
لأن معقديني من سالفة اكبر مني بعشرة والله
انا اقولج من ناحيتي مقتنعه بس كلامهم مادري ينرفز!

 

[الجود دهن العود]

عادي شنو يعني 10 سنين

اهم شي انه رجال زين ويصلي ويخاف ربي بس اسألوا عنه زين

والاهم طبعا الاستخاره


والله يوفق مابينكم وييسر امرج ويهنيج

 

[Deeep]

رد : شنو تنصحوني

دوليي حبيبتيي ايي يصلي الحمدلله
و انشالله الله يكتب اللي فيه الخير
تسلمون حبيباتي والله تشجعون الواحد

 

[لوازم العائلة]

رد : شنو تنصحوني

استخيري ربج

 

[Deeep]

رد : شنو تنصحوني

الجوود والله مادري الله يهداها امي تقولي عالاقل خمس سنين مو عشرة

 

[Deeep]

رد : شنو تنصحوني

لوازم انشالله بستخير ربي و الله كريم
ما تقصرون حبايبي و الله يعطيكم على قد نيتكم

 

[توليب بنفسجي]

رد : شنو تنصحوني

اهم شي انتي مرتاحه و متطمنه له
قعدي معاه و شوفي تفكيره
لان 10 سنين مو شوي ( يعني اذا انتي عقلج كبيرو تقدرين تتصرفين معاه ) اوكي مو مشكله
انا ما بخرعج بالعكس مناسب بس يعتمد على شخصيتج و شخصيته اهو
لا تستعجلين دام امج تقول جذي
اكيد اهي شايفة شي انتي مو شايفته حاولي تسألين امج خل تقنعج او انتي تقنعينها

 

[Deeep]

رد : شنو تنصحوني

والله مادري شقولج مو غرور ولا شي
بس انا عن نفسي يعني فعلاً يعني تفكيري مو صغير
خصوصاً اني اصغر اخواني فتثدرين تقولين محتكة بالكبار بالبيت
عشان جذي انا ما ودي اتزوج واحد بعمري لأن اغلبهم تفكيرهم مو نفس تفكير الكبار
او مادري شلون اشرحلج بس انا مرتاحه من ناحية هالريال

 

[اميرة-الاحجار]

انا ريلي اكبر مني ب 10 سنوات فديته اصلا ماحس انه في فرق بينا وشكله بيبي فيس بعد ..
انتي شوفيه وقعدي معاه واستخيري ربج تالي
بس سالفة العمر ترى لاتحاتين والله سئلي مجرب انا مو فارقه معاي وماحس انه بينا 10 سنين ..
وبالعكس حلاته بينكم فرق كبير عشان كل ماكبرتو تظلين صغيره ومايقولج عيزتي لوول

 

[أم الغاااالية]

الاستخاره وعشر اسنين حلووووة بالنسبه لج توكلي عالله لان هذي حياتج انا بالنسبه لي عشر اسنين حلوة حقي ولا ياهل يلوع جبدي
الله يقدم اللي فيه الخير حبوبه

 

[Deeep]

رد : شنو تنصحوني

تسلموووون حياتي فديتكم
الله يوفقكم بحياكم انتوا بعد و يهنيكم و لا يغير عليكم الا للاحسن انشالله

 

[ابلة لطوفة]

الف مبروووك ياقلبي

وصدقيني العمر مو معياار اهم شي السمعه الطيبه ويكون خوش وااحد ومعااش زين


انا اعرف وحده بينها وبين زوجها 13 سنه ماشالله شزينهم مستاسين وعسى الله يدوووم عليهم النعمه هذي


اهم شي استخيري ربج وانشالله الله يكتب اللي فيه الخير

 

[Deeep]

رد : شنو تنصحوني

تسلميين حبيبتي الله يبارك بعمرج للحين ما صار شي
بس انشالله خير
امي طلعت علتها مو سالفة العمر يعني صج مو مقتنعه وايد بسالفة العمر
بس تقول ليش انه متزوج من قبل و مطلق
بس عاللي سمعته انه وايد خوش انسان و محترم والله
و مو عشان مطلق نحكم عليه مادري يعني انا هذا رايي
و مو كل زواج فاشل

 

[Australia girl]

التوفيج من الله انا ريلي اكبر مني ب8 سنوات والحمدالله عيشتنا حلوه والله يهديه يارب وماحس بينا فرق وايد بس اهوه مشالله خبرته اكثر واحسه احكم مني في بعض الامور