شنو رايج ؟؟؟ وشنو تولدين فيه الشفا ولا المواساه..؟والسهاله من ورب لعالمين

[غير كل الملآ]

السلااام عليكم ورحمته الله وبركاته







ادري كثرت المقارنات بين المستشفيات والسهالات من رب العالمين ....
انا الصراحه جربت الشفا كمامهم حلو ورعايتهم بالبيبي حلوه .. بس المشكله ان بغرفه الولاده محد يدش وياج الا لازم يدفع 60 على شنو ندفع لازم يدشون بدون فلس ... وثاني شي الازعاااج انا توني والده الساعه 3 الفجر تقريبا وازعاج الناس وصوت الجهااال ويصفقون البيبان بغيت اموت ابتلشت بعوار الخيااط والازعاج ما قدرت ارتاح جنه مستشفى حكومه من كثر الناس ....:nocommint:


بغيت اسال عن كمام المواساه حلو وغرفهم مريحه واهم شي البيبي يهتمون فيه وامانه للي مجربه تقولي الله يوفقها ويهون على كل حامل ويرزق كل محرومه ياااااارب :bye22:

 

[غير كل الملآ]

شدعوواااا بنات لو كلمه ارفعي الموضوع ..

 

[miss-winter]

والله ماعندي فكره عن الشفا بس وايد ولدو بالمواسات يمدحونها قلت ارد كسرتي خاطري لول
ان شاءالله البنات يفيدونج

 

[tota q8ia]

انا مثلج انطر الرد

 

[غير كل الملآ]

والله ماعندي فكره عن الشفا بس وايد ولدو بالمواسات يمدحونها قلت ارد كسرتي خاطري لول
ان شاءالله البنات يفيدونج

مشكوووره فديتج

 

[غير كل الملآ]

انا مثلج انطر الرد

يالله ان شاء الله احد يعطينا جواااب وافي الله يهون علينا

 

[بدر البدور 1]

انا ارشحلج المواساة

 

[SaD FaCe]

انا توني والده بالشفا صح كلامج عيبهم ان ازعاج الياهال ولووويه

بس المستشفى عجبني من رعايتهم واهتمامهم ونظافتهم

 

[_Pure_]

اذا على سالفة الازعاج صج مشكله

بس انا والده برويال حياة هدوووووووووووووووء

 

[حرم_طيار]

رد : شنو رايج ؟؟؟ وشنو تولدين فيه الشفا ولا المواساه..؟والسهاله من ورب لعالمين

ما ادري عن الكمام

بس احس المواساة اهدى واحسن مافي لويه و زحمه الشفا

والسهلات من رب العالمين

 

[bto0olah]

الاثنين تقريبا نفس الشي وهالحجي من تجربة اهلي بس المواساة اغلى ولا يمدحون الاثنين

 

[Ms.Roon]

انا نفسج محتاره بين المواساه والشفا ؟؟
اسال للي مجربين الاثنين قالولي المواساه افضل من الشفا
انا ابي دكتوره وما ادري عن دكتورات المواساه شلوونهم ؟؟

 

[موجة ~ بحر]

انا صارلي تقريبا اسبوعين والدة بدار الشفا عنايتهم حلوة ونظافة لا يعلى عليها بالعكس مكان هدوء لان غرفتي بالدور ٨ اخر دور ماكان في ازعاج ابد

 

[موجة ~ بحر]

انا صارلي تقريبا اسبوعين والدة بدار الشفا عنايتهم حلوة ونظافة لا يعلى عليها بالعكس مكان هدوء لان غرفتي بالدور  اخر دور ماكان في ازعاج ابد

 

[حرم يوسف بيك]

رد : شنو رايج ؟؟؟ وشنو تولدين فيه الشفا ولا المواساه..؟والسهاله من ورب لعالمين

روحي المواساة وانتي مغمضه اصلا انا مرتين ولدت فيه ولا احاول افكر اولد بغيره والحين اذا ولدت بسلامه بروح المواساااة من غير كلام اهتمام بالام والبيبي مابعدة اهتمام والله مابالغ السسترات بالولادة بس يمسحون عليج ويبتسمون ويهونون عليج وبالهم طويل وعناية حيل واهتمام بعد بالياهل على طول يطلبون ملابس حق الياهل ويحنون علي حنه عشان ارضع الياهل طبيعي يحرصون على هالشي ونظافه الغرفه على طول يدشون ينظفون واول ما اطقين الجرس ايونج على طول ويهتمون باكلج ايبولج منيو. تختارين اكلج والابتسامه ماتفارقهم ويدشون معاج الحمام ويساعدونج والمستشفى هدووووووووووء وراقي وخبرة ورفيجتي من. اسبوعين والدة عندهم وتمدحهم حيلللل روحي وتوكلي على الله شيلي من بالج دار الشقا والموت لعبو باختي لعب وتوفت بنتها. بالولادة الله يعوضها ولعبوا بحماتي والحين بنتها الله يشافيها فيها اعاقه وكلها اخطاء دكاترتهم بالولادة غلطتهم الله فوقهم ادري قرقت عليج بس ماشفت ردود اتبرد الجبد من البناات وانا ورفيجاتي كل ولادتنا بالمواساة

 

[أم حمودي**MALL**]

انا مرتين اولد بالشفا
حلو المستشفى وانشالله هالمره بعد عندهم

 

[غير كل الملآ]

مشكوووورين بنات على ردوودكم

 

[غير كل الملآ]

رد: رد : شنو رايج ؟؟؟ وشنو تولدين فيه الشفا ولا المواساه..؟والسهاله من ورب لعالمين

روحي المواساة وانتي مغمضه اصلا انا مرتين ولدت فيه ولا احاول افكر اولد بغيره والحين اذا ولدت بسلامه بروح المواساااة من غير كلام اهتمام بالام والبيبي مابعدة اهتمام والله مابالغ السسترات بالولادة بس يمسحون عليج ويبتسمون ويهونون عليج وبالهم طويل وعناية حيل واهتمام بعد بالياهل على طول يطلبون ملابس حق الياهل ويحنون علي حنه عشان ارضع الياهل طبيعي يحرصون على هالشي ونظافه الغرفه على طول يدشون ينظفون واول ما اطقين الجرس ايونج على طول ويهتمون باكلج ايبولج منيو. تختارين اكلج والابتسامه ماتفارقهم ويدشون معاج الحمام ويساعدونج والمستشفى هدووووووووووء وراقي وخبرة ورفيجتي من. اسبوعين والدة عندهم وتمدحهم حيلللل روحي وتوكلي على الله شيلي من بالج دار الشقا والموت لعبو باختي لعب وتوفت بنتها. بالولادة الله يعوضها ولعبوا بحماتي والحين بنتها الله يشافيها فيها اعاقه وكلها اخطاء دكاترتهم بالولادة غلطتهم الله فوقهم ادري قرقت عليج بس ماشفت ردود اتبرد الجبد من البناات وانا ورفيجاتي كل ولادتنا بالمواساة

جزاااااج الله خير على ردج :hjy5jewf:
بس بغيت اسال عن البيبي كل يوم يطلبون ملابس لن الشفا عجبتني فيهم شغله كل يوم لازم يبدلون الملابس حتى لو مو وسخه ؟؟

 

[sweetkoko]

اله يقومج ويقومنا بالسلامه اول شي انشالله
ثانيا انا بقولج تجربتي الشخصيه مو منقوله ولا سامعه وطبعا اولا واخيرا وين الواحد يلقي راحته النفسيه انا عن نفسي ماحب اراجع عن عيادات خارجيه يعني لازم دكتورة المستشفي الي بولد فيها

بالنسبه لولادتي بالمواساه اولا كنظافه ورعايه طبعا توب وعموما انا ارتاح بالمواساه احسها راااقيه وخاصة غرفها صج كشخه وتسوي اما الولاده وهذا الاهم تجربتي فيها تعيسه مو عن شي بس الكمام زيرررررو ولا بيزه وطلع مخي وانا اشم مافي شي ثانيا ولا دكتوره سنعه عندهم سواء بمراجعاتي او حتي وقت الولاده لا دكتورة الطوارئ ولا الولاده اما الستاف النيرسز روعه والخدمه قمه حتي البيبي اهتمام ورعايه عن نفسي عندي ارقي مستشفي وخبره واهتمام بس مااقدر اولد فيها عقب الكمام ومعاملة الدكتوره

اما الشفا كل دكاترتهم"النسوه" كفائه وروحهم حلوه ويجابلونج ويراعونج اما الاستاف اذا غرفة خاصه يهتمون فيج عامه ماجربت بس سمعت موذاك الزود الكمام روووووووووووووووووووووووووووعه مايدوخج هلوسه مثل كمام الهادي لا يخدر الالم وانت بوعيج بس ماتحسين اما المستشفي

صراحة مزجه زحمه الاليفيتر طابور الغرف مو كلها نفس التقسيمه انت وحظج وعاديه يعني مو كل امبراطوري تقسيمته مرتبه واحسه ضايع مو مرتب حتي الملكي بس اذا الله كتب راح اولد فيها مره ثانيه لاني وااايد ارتحت لولدتهم

 

[الخيال المتلاعب]

المواساه رووووووووعه ومنو قال غالي انا ولادتي مع التامين والتجميلي كلف 80 طلع كله مع التجميلي
540
والاهتمام اكثر من رائع ماشالله واذا طلبتي البيبي علطوول يجيبونه والله وهدوووء وكمامهم حلو
ودكتوري يهبل وتعامله روعه حيان الاحمد انشالله الحمالات الجايه عنده
واذا تحاتين الدخله بغرفه الولاده بالمواساه بلاش انا امي دخلت معاي
ورفيجتي امها وام زوجها
انصحج فيه وانتي وراحتج انا احس دار الشفا زحمه ودكاتره وايد تحتارين وحولي زحححمه
الله يسهلج
على فكره انا من 3 اسابيع والده توني نفاس