شنو رايكم بالفئه اللي تطلب فلوس في المجمعات التجاريه !!

[ReeM ^ Style]

السلام عليكم ورحمة الله وبركاته

حابه اتناقش معاكم بموضوع

واتمنى يكون النقاش راقي وبدون تعصب او تمسك بالراي او عدم احترام وجهات النظر

بنات امس كان عندي شغل برى البيت تدرون عيد فكان عندي جم شغله مع اني ماحب اطلع كثير

المهم اللي لاحظته امس ( المحتاجين ) اللي موجودين بالسوق وعند البنوك اتوقع فهمتوا قصدي

انا للامانه عمري بحياتي مارديت احد ولا احب ارد احد سالني لان قلبي مايطاوعني بهالشي

بس اللي لاحظته انهم كثروا بشكل غير طبيعي

وصارت لهم طرق واساليب غريبه عجيبه

اللي ماسكه دوا وتقول ابونا طايح بالمستشفى

واللي ماسكه طفل وقاعده معاه بالشمس ( طيب شنو ذنب الصغير )

واللي ماتقعد الا عند البنوك

بنات انا ادري انهم محتاجين وفي بعضهم مو محتاج بس ليش هالتصرفات

يعني معقوله كل شي تقفل بوجيهم بس لقوا هالطريقه

يعني معقوله مافي طريق ثاني ياكلون فيه عيشهم الا هالطريقه

انا بصراحه ماعندي مسمى حق هالفئه لان استحي اسميهم ( متسولين )

لان جد امس انقبض قلبي من هالمظاهر الا تزيد خصوصا بالاعياد او اي مناسبه

انتو شرايكم بالموضوع ملاحظين هالشي او بس انا

واتقبل ارائكم بكل رحابة صدر

واتمنى اعرف شلون تتعاملون معاهم

لان مدري الي اسويه صح او غلط

احس اني قاعده اشجعهم على هالشي

الله يعلم بالنيات

بانتظاركم

 

[المرتاحة]

انا بعد اتضايق لما اشوفهم

والمشكلة ما تدرين اذا هم محتاجين صج او لا

انا سمعت من قبل جم سنه ان وزارة الداخلية تبذل جهد علشان يقضون على هالظاهره مادري عاد لما الحين مستمرين ولا وقفوا

صراحه انا ما ودي تصير بشوارعنا هذي المناظر

ان جانهم محتاجين صج يوجهونهم لطريقة او حق لجان او غيره

واذا اهم مو محتاجين لازم يتعاقبون على اللي يسوونه

 

[عرش الأنوثه]

والله مادري اكو ناس تلعب واكو ناس صج محتاجه ماحط بذمتي الله اعلم بظرووفهم

 

[monmon12]

انا ما اصدقهم لأن مبين عليهم مو محتاجين وأسالبهم مفضوحه

بس
واما السائل فلا تنهر
اقولها الله يعطيج

 

[brettey]

رد : شنو رايكم بالفئه اللي تطلب فلوس في المجمعات التجاريه !!

حبيبتي هذيل اغنى مني ومنج
يعني بالذمه لما تييج وحده كاشخه بالعبايه الشوارفسكي وتيي محتاجه حق علاج ابي 50 ولا 100 دينار ولما تعطينها دينار ما يعجبها تعصب
حتى الخمسه ماتعجبها خو مو ملزومه اعطيج خمسه انا اعطي دينار عجبها اهلا وسهلا ما عجبها ماتشوف شر واحيانا اقول لها الله يعطيج روحي اللجان ولا بيت الزكاه
وحبيبتي فيه منهم يعتبرون الطراره وظيفه بالنسبه لهم للربح السريع

 

[M!Ss Smart]

انا ماحب اعطيهم مع ان يكسرون خاطري حزات اعطيهم بس ولله مو كفووو
اللي محتاج الله يخلي بيت الزكاه وثانيا في شي اسمه اشتغل اي شغله ولا امد ايدييييي

 

[أم حمودي**MALL**]

انا عن نفسي اطنشهم

 

[ReeM ^ Style]

رد : شنو رايكم بالفئه اللي تطلب فلوس في المجمعات التجاريه !!

مشكورين بنات عالردود
صدقتوا في نصهم احلا لبس
واشكالهم اهل نعمه
بس ماتوقع شخص مو محتاج ويسوي جذي
ولا انتوا شرايكم
بانتظار ارائكم

 

[[[ عيون جابر ]]]

رد: رد : شنو رايكم بالفئه اللي تطلب فلوس في المجمعات التجاريه !!

حبيبتي هذيل اغنى مني ومنج
يعني بالذمه لما تييج وحده كاشخه بالعبايه الشوارفسكي وتيي محتاجه حق علاج ابي 50 ولا 100 دينار ولما تعطينها دينار ما يعجبها تعصب
حتى الخمسه ماتعجبها خو مو ملزومه اعطيج خمسه انا اعطي دينار عجبها اهلا وسهلا ما عجبها ماتشوف شر واحيانا اقول لها الله يعطيج روحي اللجان ولا بيت الزكاه
وحبيبتي فيه منهم يعتبرون الطراره وظيفه بالنسبه لهم للربح السريع

بالضبط :eh_s(15):
وعشان جذي انا ماعطيهم ويه ولا اطالعهم حتى لأن وايد وايد مرو علي اشكال واخر شي يطلعون جذابين وماخذين الطراره هوايه

 

[يا قلبي لا تحزن]

رد : شنو رايكم بالفئه اللي تطلب فلوس في المجمعات التجاريه !!

انا بصرااحه اعطيهم
الاجر علي الله سوااء محتااج او لا لان الاعمال بالنياات

 

[Sama Kuwait]

رد : شنو رايكم بالفئه اللي تطلب فلوس في المجمعات التجاريه !!






انما الاعمال بالنيات

انتي نيتج صدقه واجر و الله بيحاسبج

واذا اهما نيتهم الربح وناس مو محتاجه الله اللي بيحاسبهم انتي مو ملزومه انج تحليلن اذا اهم محتاجين ولا لأ لان راح يضيع اجر الصدقه اللي

قدمتيها

واذا ماتبين تعطينهم وشاكه بالامر قولي الله يعطيج


و يعطيج العافيه

 

[نور مغليها]

رد : شنو رايكم بالفئه اللي تطلب فلوس في المجمعات التجاريه !!

حتى انا اشوفهم بشكل اكثير لا وفي نصهم يجون للبيوت ..
بي مرا اختي قالت حق وحدهـ : عطيني ورقة اجار بيتكم .. وورقه تثبت انكم فقراء وانا اعطيها بيت الزكاه << وراحت البنت ما شفناهاا كلش ...



ووحدهـ ثانيه جت عند اخوي : تبي فلوس : مسكها اخوي .. ونادى زوجتهـ قال حق زوجته جدام المره ، ، ، الحين تروح زوجتي وياج وتشوف بيتكم اذا محتاجه نوصل لكم كل شههر كل الي تبووونهـ واذا تجذبين بوديج المخفر والله يا بنات انها قعدت تترجى اخوي يخليها قعدت تبجي تقول عندي عيال وخلني اروح والله ما اجيكم

منهاا صرت ما اهتم لهم .. واذا بتصدق اتصدق بـ الصناديق المتروسه بالديره والمسااجد

 

[dnyay_mll]

رد : شنو رايكم بالفئه اللي تطلب فلوس في المجمعات التجاريه !!

انا قلبي يعورني عليهم واذا عندي اعطيهم

وامس مرو علي ثنتين وانا بالسوق لكن اللي يبط جبدي الياهل اللي معاها ماله ذنب ليش شايلته وتفرفر فيه والله حرام

واللي اييون لي باب البيت هذيل بروحهم قصه تلزق لزقه تدرون ليش لان غلطتنا نعطيهم واذا عطيناهم يدلون ربعهم علينا

واذا اقولها الله يعطيج تلزق تلزق تطلع روحي بس شسوي ياناس مايكون عندي ؟؟ فقمت اقولهم انا ريلي بالداخليه ديرو بالكم تييون هالبيت بعد ترا يدورون عليكم واللي علي اعطي ماي وبس والحمدلله ارتحت ماقامو اييون

اما اللي صج قلبي يعورني عليهم اليهال اللي عند الاشارات عسا الله لايوفق اهلهم اللي مخلينهم عند الاشارات

 

[aṕriliå]

رد : شنو رايكم بالفئه اللي تطلب فلوس في المجمعات التجاريه !!

اتضايق منهم بس اعطيهم

 

[مطيريه ماركه]

رد : شنو رايكم بالفئه اللي تطلب فلوس في المجمعات التجاريه !!




بِ صرآآحة آنآ قبل كنت آعطي

آمآ آلحين لآ وآلله آقولهآ آلله يعطينآ ويعطيج

ذآك آليوم رحت آلسوق وربي لهجة آلحرمة لهجة خليجية مآني قآيلة شنهي عشآن لآ تصير مشآكل

آشكره جآية تقضي آجآزة آلعيد بِ آلطرآرة وكلش يوم قآلت لي يآ خآلة بغيت آذبحهآ

كبر آمي وتقولين لي يآخآلة لآ وعبآتهآآ مو معفسة كلشش

وآشوى مآعطيتهآ لآني طولت بِ آلمحل بس جيت بَ أطلع لقيتهآ بِ آلمحل آلثآني

نصب آشكره @@

 

[جوري الكويت]

رد : شنو رايكم بالفئه اللي تطلب فلوس في المجمعات التجاريه !!

انا ذاك اليوم دخلت سوق شعبي ابي اشتري ولا اشوف وحده من الزلم ... قاعده تشتري و تتنقى بالهدوم

جان تييني و تقولي قصه حياتها و الله يخليج و ما عندنا ناكل

علبالها ما شفتها يوم كانت تشتري





مرات ما اعطيهم و مرات اعطيهم بس صج اذا يهال ما اقدر .. لازم اعطي

قلبي يعورني عليهم

 

[!الجادل الصعب!]

رد : شنو رايكم بالفئه اللي تطلب فلوس في المجمعات التجاريه !!

بسفرتي لمآليزيا ماشوف يطرون الا المسلمين .. يعني الصينين والهنود الكفر.. كل وآحد ماد بسطته ويترزق الله بآشياء بسيطه .. الا المسلمات بحجآباتهم كل وحده مآسكه جآهل على خصرها وتلف بالاسوقه تطر .. والله عورو قلبي هالعيال .. المشكله تمد ايدها تطر والولد يمد ايده يقلدها ويبتسم .. قطع قلبي والله ..
اما بالكويت مآعاد اعطي صرآحه .. كله كوم و في واحد كآشخ والغتره مرتبه والدشداشه نظيفه رزه حيل مرتين اشوفه مره بالعربيد بالفروانيه ومره بالفحيحيل .. وربي عبالي يغازل اثاريه يطر .. و قالت له اختي استح على وجهك رجال مشورب مافيك الا العافيه تطر .. دور لك شغله ابرك .. قالها عندج شي عطيني والا مالج شغل ..! يعني شين وقوي عين بعد ..!

 

[نـ(المطيري)ـازكـ]

رد : شنو رايكم بالفئه اللي تطلب فلوس في المجمعات التجاريه !!

شوفي حبيتي هالنوعية من الناس ما اعرف صجهم من جذبهم .. فأذا يوني اغلب الاحيان ما اعطيهم لانهم ما احب حد يستغلني

وفي منهم اللي كاااااشخ وشكلة يسور الحال وانتي قاعده بالسيارة او تتمشين يقول لج ممكن دينار عشان التكسي !!

انا اتمنى ان يوقفونهم عند حدهم .. وتخيلي تحسينهم انهم يتكاثرون بالعيادي او بنزلة المعاشات ..

الله يرفع عنهم ولا يبتلينا ..

 

[اريج الجوري]

رد : شنو رايكم بالفئه اللي تطلب فلوس في المجمعات التجاريه !!

والله ما اعطيهم حتى 50 فلس ,,,


اللي عندهم اكثر من اللي عندي ,,,


وبعدين ليش تستغربون ازدياد الظاهره وانتوا قاعدين تعطونهم ؟؟؟


لا تعطونهم وشوفوا شلون ينقرضون !!!


اللي تبي تعطى صدقات تروح لبيت الزكاة ,,, تورح للجان الخيريه ,,,


مو تعطي المتسولين لأنكم تشجعونهم ,,,


في مره واحد كشخه ورزه بالعربيد ويطر يقول عليه فديه وما ادري شنو ؟؟؟


وقاله رجال كان مع زوجته يا اخي استح على وجهك رجال شطولك وتطر من الحريم !!!


رد عليه مو شغلك خلنا نترزق الله ,,,


والله لو مو زوجة الرجال مسكته جان صكت هوشه ,,,


ويوم راح ,,, جان يقول الهندي الخياط : هذا رجال واجد مشكل في داخل سوق 4 سنه !!!


تخيلوا 4 سنين ويقول علي ديه ؟؟؟ يعني ما خلصت !!!


انا كله احقرهم ,,, او اقولهم الله يعطيكم ,,,


تحياتي ...

 

[::كيك وعسل::]

أطننننننننننننننننننننننش