شنو رايكم بالقروبات لاوربا بالصيف ابيكم تساعدوني

[نادره الوجود]

مرحبا بنات حبيت استفيد من خبراتكم واخذ رايكم بالقروبات لاوروبا يعني اي سفريات تسوي قروبات متميز بهالشي واذا عندكم تجارب ياريت تقولولنا عنها وكم طلعت تكلفت السفرة انا ناوية اروح النمسا وزليمسي وميونخ انا وزوجي انا ودي اروح قروبات لاني موذاك الزود اللغه ولازوجي فخايفة اتوهق علشان جذي ابي قروب الي اعرف من الجرايد سفريات السيد والوسيط بس ماعندي اي فكرة عنهم ياريت تفيدني :nbvppw:

 

[أم مشاري77]

يارب يفيدونك البنات
والقروبات أحس أحلى من لما تسافرون لحالكم
موفقه

 

[نادره الوجود]

يعطيج العافية ياام مشاري وانشاللة يفيدوني مثل ماقلتي

 

[om deaj]

انا ودي بالقروبات بس ريلي ما يحب يتقيد مع احد بطلعات وروحات وجيات

 

[حلوى كويتيه]

اب اب

 

[غلاي غير]

القروبات احسن

ومو شرط كل روحاتهم اتقيدون فيها

 

[فيفالدي]

موضوع نايسس نشوف راي البنات

لاني ماسافرت بقروبات من قبل

 

[نادره الوجود]

يعطيكم العافية جميعن الي رديتو علي بس لما كتبت الموضوع توقعت ان راح يكون في تفاعل لان الموضوع جديد انشاللة تفاعلون وياي يابنات كويتيات

 

[ام المسك]

القوربات اونس خاصه اذا الديره جديده عليك واللغه ضعيفه
انا مجربه قروبات السيد ..... ورحت لنقس خط سيرك بالظبط .فيينا زلمسي ميونخ وودونا سالزبورغ ويوم لايطاليا لانها قريبه
كفكره قرووب انصحك بس اي سفريات ماادري السيد انا مجبرتهم تقريبا قبل 3سنين كانو وسط ماادري عن ادائهم الحين..
موفقه

 

[نادره الوجود]

عطيج العافية ام مسك وانا اقول حق زوجي بع القروب اونس

 

[القلب خضر]

انا رايحه نفس الرحله مع السيد 2007 وكانت وااااااااااااااااااو والله ولا بالاحلام

اهم شي تعرفين منو القايد شسمه وسالي عنه

اسم قايدنا صلاح القلاف رووووووووووعه

وانا دايما قروبااااااات روحي انصحج بقوووووه

 

[mrs-ss]

يمدحون المستقبل بس ماجربتها

 

[ديمـ77ــا]

اااااااااااااب...نفس السؤال والاماكن في بالي

 

[الدلال]

ما جربت اسافر مع قروب وما احب ارتبط بقروب معين

بس سمعت اهني من البنات ان يمدحون قروبات سفريات الفضاء

 

[ام مهاوش]

المستقبل والرابيه والسيد والوسيط هذيل زينين

 

[miss_jamsheer]

والله اختي انا مااحب القروبات مابي اتقيد اخاف يطلعون ناس ملاقه ولاشي ماللي خلقهم

 

[:: Diva ::]

انا ودي اجرب
طول عمري اسافر بروحي لوووول


ابي هالدوب قروب


لاني ما اعرف فرنسي
و الفرنسيين ما يعرفون انجليزي !!



بس سؤال


لو مثلا ابي اطول بالمتحف و اهم بيمشون شنو الحل ؟

 

[كعكوعه]

هااااي

بصراحه سفرة القروب ونيسه

انا رحت السنه الي طافت مع سفريات الفضاء _ فينا و كابرون و ميونخ _


بصراحه وايد استانست والقروب كان عجيب من كل النواحي والقايد كان حيل متعاون وماخله شي ودانا كل مكان

بس عيبهم الوحيد الطيران وقالنا السنه هذي بيغيرونه

واذا رحنا مكان او رحله يعطينا وقت معين ومكان نتجمع فيه اذا ما خلصنا يدلينا طريج الرجعه ونرجع بروحها يا باندر قراود او تكسي حسب المنطقه

بس بصراحه انصح بالقروب حق الي مايعرفون بروحهم حتى لو ما يطلعون مع القروب كل مكان اذا طلع القايد شقردي عالاقل يدليهم الاماكن وكل واحد متى ما حب يطلع

وانا عن نفسي بسافر هالسنه مع نفس السفريات وبشوف قروب قايدنا وبروح معاه ^_^ بس طبعا ديره ثانيه لانه كلمة الحق تنقال كان جدا محترم وخلوق واستانسنا معاه حيل

فنصيحتي اهم شي سألو عن القايد لانه اهو الي يحلي السفره او يعفسها

وسوري عالاطاله

 

[soso_ksa]

كعكوكعه شسم القايد الي كان معاكم؟؟
وعلى اي خطوط رحتو ؟

 

[carrot^cake]

wanasa elgroupat
jarabt mara wa7da o bajareb ba3ad
o ma tetqayeden 3ady elmokan ele ma taben tro7enla la tro7en
wansa 9ij elyam3a