شنو رايكم في هل الامهات والاباء ؟!!

[كل شيء عادي]

حبايبي أنا في شي ملاحظته كل ماطلعت السوق وبصراحه مستغربه وأبي أخذ رايكم في الموضوع
ألحين في امهات وأباء ياخذون عيالهم الصغار 3- 4- 5 سنوات الام أو الاب يمشون بدون مايمسكون إيد ولدهم ومواقف السيارات زحمه سياره جايه من اليمين وسياره من اليسار لاسمح الله ممكن يصير شي للأطفال
قبل كم يوم كان في رجال ماشي ولده يمشي وراه تقريبا عمره 3 سنوات إذا مو أصغر وأنا وأخوي كنا نبي نطلع من المواقف والمواقف حدها زحمممممممممممه الولد كان يمشي بسرعه ولولى ستر الله كان أخوي دعس الولد ما أدري وين عقول هل الاباء يمشي ومايدري عن عياله
إحنا إذا طلعنا السوق مع بنت اختي لازم نشيلها أو نركبها عربيه
الأطفال بس ينزلون من السياره على طول يركضون
أنتو ملاحظين هشي ولى بس انا ؟!! :eh_s(10):

 

[Nanoosa]

اي صح انا اشوف ساعات في ناس جذي ما يخافون على عيالهم

شحقة يابوهم ما ادري!

احنا اهلنا نفسكم ما نطلع الا لما ماسكين اليهال كلهم ما نخليهم يحوسون

 

[mareea]

اي صح
المفروض الاهل ينزلون و بعدها ينزلون عيالهم و يمسكون ايدهم

الله يحفظ الجميع من كل سوء

موضوع مميز

 

[ޢޢޢإيمانޢޢޢะۣۨ>]

والله ذكرتيني بموقف
واحد وزوجته يمشون
ووراهم بنتهم صغيييرة يا حلاتها ما شاء الله دبدووبه ومشيتها ثقيلة وبعيدة عنهم
ما كلفوا على نفسهم يلتفتون عليها أو يمسكون إيدها !!!
في ناس مهملين بشكل فضيع ​

 

[PuPa^^SWeeT]

بالمصافط لازم تمسكين ايدهم اذا ماتشيلينهم بعد


و بالمجمع ايدج و بايدهم و اتكلمينهم قبل لاتدشون انه ان بعدوو عنج طقيتيهم لوووول


والله الياهل مايعرف انه هالشي خطر خصوصا مع جرايم هالوقت و الاختطافات

 

[همس الليل !]

اي والله دااايم الاحظ هالشغله يبطوووون جبدي

حرام عليهم الجاهل مايفهم

الله يستر عليهم بس

 

[مفسرة الاحلام]

الله يعين والله يصلح مايعطي

 

[fulla 7elwa]

الله يستر عليهم

 

[هب العطر]

السلام عليكم

اي حبيبتي ملاحظين

و ملاحظين ان الام و الابو لا شافوا الياهل بالسوق او بأي مكان عام يصااارخ بسبب و بدون سبب ما يقولون له ( اص و عيب )

مثل ما كانوا اهالينا يسوون لنا


و الياهل جدام عين اهله ياكل و يقط القراطيس و يدش محلات الملابس و يمسح ايدينه بالهدوم اليدد و الام و الابو عاادي

و الياهل يبجي و ينسدح ع الارض و يراافس و يسوي فلم هندي و الام و الابو عاادي

الياهل يكشش على الناس , و انتو بكرامه و ( يتفل ) عليهم و يعفس ويهه بويه الناس و الاهالي يشوفونه و عااادي

الوالدين اليدد - الا من رحم ربي - بوادي و اليهال بوادي ثاني

و اذا كبروا و دشوا المدارس ايي الياهل لا يعرف يسلم و لايستأذن و لا يحترم احد , و اناني و دلوع و يلوع الجبد الا من رحم ربي

و في الاخير يشتكون و يقولون عيالي مو متأقلمين ويا المدرسه

اي

لانهم مو معلمينهم على الادب و السنع , غيبوا جانب الانسان في عيالهم و خلوا جانب الكائن الحي ( اكل \ نوم \ لعب \ حمام و انتو بكرامه ) !

 

[كل شيء عادي]

السلام عليكم

اي حبيبتي ملاحظين

و ملاحظين ان الام و الابو لا شافوا الياهل بالسوق او بأي مكان عام يصااارخ بسبب و بدون سبب ما يقولون له ( اص و عيب )

مثل ما كانوا اهالينا يسوون لنا


و الياهل جدام عين اهله ياكل و يقط القراطيس و يدش محلات الملابس و يمسح ايدينه بالهدوم اليدد و الام و الابو عاادي

و الياهل يبجي و ينسدح ع الارض و يراافس و يسوي فلم هندي و الام و الابو عاادي

الياهل يكشش على الناس , و انتو بكرامه و ( يتفل ) عليهم و يعفس ويهه بويه الناس و الاهالي يشوفونه و عااادي

الوالدين اليدد - الا من رحم ربي - بوادي و اليهال بوادي ثاني

و اذا كبروا و دشوا المدارس ايي الياهل لا يعرف يسلم و لايستأذن و لا يحترم احد , و اناني و دلوع و يلوع الجبد الا من رحم ربي

و في الاخير يشتكون و يقولون عيالي مو متأقلمين ويا المدرسه

اي

لانهم مو معلمينهم على الادب و السنع , غيبوا جانب الانسان في عيالهم و خلوا جانب الكائن الحي ( اكل \ نوم \ لعب \ حمام و انتو بكرامه ) !

لا فض فوك

 

[كل شيء عادي]

فعلا هذولي الناس ينرفزون يمشون ومايدرون عن عيالهم
كذا مره كنت بروح ومسك إيد الولد من كثر ماني خايفه لايندعم

 

[7lawah]

لآ حول و لآ قوة إلآ بآلله ،

آلله يهديهم إن شآء آلله ..

،

 

[Dr.Nouf]

في أهل .. مايستحقون كلمة أم و أب .. خاصة المتزوجين لمجرد الزواج!

,