شنو ردت فعلج اذا تكتشفين اغلى الناس حاطتلج بلوك

[ميثووو]

السلام عليكم شلونكم بنات شخباركم امس صارلي موقف من اعز واغلى ناسي رفيجتي وصديقت عمري انا معاها اكثر من الخوات كنا نسولف عالمسن وقتلها كلمه تضايقت منها بس كلمه عاديه يمكن اني ضايقتها بس ماتستاهل السالفه وقالتلي يالله اخليج باي وقتلها باي وطلعت وعاد بطلت ايميلها والا لقيتها حاطتلي بلوك صددددددددددددددمه احس دمي نشف ماتوقعتها علاقتنا 5سنين قووووووويه حيل وقمت دزيتلها مسج على موبايلها قتلها ماله داعي لبلوك اللي حاطته الله لايهينج خيارات ودليت عندي برنامج كاشف لبلوك وحسافه انتي اللي تسوين هالحركه وردت علي بمسج وتقالت حسافه تعرفين اشكثر تضايقيني وقتلها مهما ضايقتج ما اهينج وحركتج اهانه بس امسحي ايميلي مره وحده وقالت براحتج دام فهمتيها غلط بنات انا دايم ابطل ايميلها عادي تدري اهيا معطيتني رقمها السري بس ماقتلها عشان ماتتحجج حزتها اشرايكم بردة فعلها ولو انكم مكاني شتسوون والله احس اني مخنوقه ومتضايقه حيل

 

[بنت المنصور]

يا قلبي والله اول شي يمكن هي عصبت وااايد وعطتج بلوك بوقتها بس وبعدين لما تهدى يمكن تردج ما ادري في ناس عصبين

يمكن اهي منهم وانتي ادري وانتي لما شفتي البلوك المفروض تسكتين ماادري يعني انا راح اسوي جذي بسكت وكاني ما شفت شي

وبنطر وبشوفها من صجها قاطعتي يعني بعطيها وقت تاخذ قرار وهي هاديه مو وهي معصبه يعني بنطر جم يوم ولو شفت انها هدت

وللحين مصره على البلوك بعرف وقتها انها مقتنعه بهالشي اكيد بعتذر بحكم العشره الي بينا بس اذا اصرت خلاص هي الي باعتني مو انا

لا تتضايقين حبيبتي ما بعد الضيق الا السعه

 

[ميثووو]

بنت المنصور ماقصرتي ياقلبي عالرد كلامج صح لو امسويه مثل ماقلتي بس حزتها انا تنرفزت بس مهما كان ماتعطيني بلوك دريت انها تضايقت قالتلي باي وقلت باي ماراح الصق عليها احس حركتها اهانه مو طبيعيه

 

[• قلبه نصيبي •]

حبيبتي بقولج شي انا عندي بالاميييل وحده مره جييكت بشوف منو حطلي بلووك ولا اهيا حطتلي بلوك !
انصدمت حيييل وبعدها البنت شبكت ! ماكلمتها رحت سويت مفس الطريقه بشوف منو حطلي بلوووك ولا اهيا حاطتلي بلوك @@ !
شلون اهيا شابكه وطالع عندي انها حاطتلي بلوك !
وموقف ثاني صار لاختي ان وحده هم حطتلها بلوك وبعدين شبكت يوم كلمتها اختي حلفت انه مو حاطه لها بلووك ! وبالصج مو حاطه !!
يعني باختصار لا تتضايقيييين لان مو اكييييد البلوك

 

[sowsan]

عادي ولا تضايقيين
بتلاقينها ردت ضافتج وطاح الحطب
الماعين بالمطبخ تراقع ..وانتو خوات عادي وكبري مخج

 

[Pascal ~]

~.. SaLaM

كتبت لج رد شطولة وكالعاده انمسح .. في بينج وبينها طلعات وروحات وييات؟ اذا إي فعزميها بأي مطعم تحبونة حزة الغدا لأنه الجو صاير شحلاته واستسمحوا من بعض وان شاء الله يطيح الحطب وترجع المياه لمجاريها بس ها خلي الحساب عليج ههههههههه

SeeYa ..~​

 

[غيآبڪ عذآبي]

ششوفي قبل كل ششي أنتي سسسآمحيهآ من دآخلج !

وبعدهآ ليمآ تحسسسين إنج هديتي دزي لهآ مسسسج أعتذآر وبعدهآ دقي وبسس


لأن همن مو حلوه أنتي ضضآيقتيهآ > آكيد آهي حطت لج بلوك عششآن تششوفينه وتحسسين ششكثر هالكلمه مضضآيقتهآ ، ششي طبيعي وحده معطيتج البآسورد آكيد تدري إنج بتدخلين إيميلهآ !!

 

[Stylista_Q8]

لو انا منج ما إييب الطااري لهاا

واللي صاار صاار .. بس اذا مو هاينه عليج العشرة

حاولي تطيحين الحطب وتكلمينهاا لنه الواحد لما يعصب يسوي اي شي بدون ما يحس ويمكن اهيه من كثر ما عصبت حطتلج بلووك

 

[sweet cake]

كنت بقول كلام بس بنت المنصور اختصرت وقالته ..

عادي يمكن هي حطته لأنها تغليج.. يعني هي ماتبي تناقشج اكثر بالموضوع اللي ضايقها لأنها ماتبي يزيد الكلام ويصير صعبه التراضي بسرعه<< احس جملتي هنديه مادري ليش..
المهم.. اتوقع هذا قصدها بالبلوك مؤقتا.. وانتي تضايقتي زياده لأن الشيطان شاطر بالوسوسه ..يحاول يدخل بين اي شخصين ويثير المشاكل..

صدقيني ما كانت تقصد انها تسبب مشاكل اكثر وترى الحين صعبه تحصلين صديقه ينقال عنها اخت.. لا تضيعين اختج من ايدج..

 

[vogue grl]

سوي مثل ماقالو البنات ماقصروا

 

[المكسيكيه]

عادي تكيت ايزي ياقلبي

 

[pretty sarona]

وايد قاموا يسوونها ,, هذول عندهم ويهيين ! الله يبعدهم عنا ,, انا الصراحه انحطيت ابهالموقف جم مره , و المشكلة من اشخاص كنتي حاسبتهم صديقات !

 

[انصاريه قمره]

عادي انا لي تنرفزت وكان عندي موضوع خاص مع احد بالمسن اصك الكل بلزك لان مالي خلق اخذ واعطي مو شرط اني ما احبهم حبيبتي كبري عقلج

 

[الأسطوره$$]

السلام عليكم



بقولج سالفة ..

وحده من رفيجاتي معاي من المتوسط وتجيني البيت وتدق علي دايم وتسولفلي كل اللي يصير لها وتشكي لي وانا معاها واواسيها واذا تأخرو اهلها عليها انا اللي اوصلها .. ومره رحت بيتهم ( مع اني ما اروح لأحد بس رحت للدراسه ) ودرسنا مع بعض يعني علاقتي وياها TOP قلبي صافي معاها وانا عبالي انها صافيه معاي مثل تفكيري .. بس تخرجنا من الثانويه قطعت عني كانت مسافره ورجعت من السفر من المطار داقه علي بعدها ماقامت تدق ( انا من النوع اللي ما ادق على احد يعني ما احب اتكلم بالتليفون واجد بس بالضروره ) المهم تشاغبت عليها يعني مادري شفيها ما قامت تدق ولا تشبك ما اشوفها بالمسن !! قمت وسويت تنظيف جهات الاتصال !! والصدمه الكبرى ..

معطيتني (( بلوك ودليت )) من الصدمه قمت انظف المسن اكثر من مره !! ماني مستوعبه قمت اهجأ ايميلها اهو والا لا

سكت بعدين دزيتلها رساله بالايميل قلت لها انا ما توقعتها منج كلللللللش هاذا واللي بينا عيش وملح وبينا عشره صاكتني بلوك ودليت على العموم مشكوره والحمدلله طلعت احسن منج ونيتي احسن من نيتج ..

بعدها بجم يوم ازعجتني بالبيت تدق تبيني وانا ما كلمتها ولابي اكلمها لأن خلاص اللي يطيح من عيني يطيح مره وحده

فـ أقولج يعني لا تنصدمين من شي توقعي كل شي من البنات .. او طوفي واذا انتي صج غاليه عندها راح تدق عليج وتدور رضاج اذا تبي

وبسسسس SORRY على القرقه

 

[AnnaLina]

عادي بعض المرات اذا كان الشخص قراق وانا داشة الام اس ان لشغله ومالي خلق سوالف اعطيه بلوك مؤقت