شنو رواياتكم المفضلة؟؟؟ ادخلوا عشان نعرف

[rococo]

قوة بنات شخباركم مع هالصيف المنعش اللي يخلي الواحد يكره قعدة البيت بس يبي يطلع يستمتع بالجو الجمييييييييييل خصوصا الساعة 12 الظهر ؟؟؟

حبيت اطرح موضوع كل وحدة تصور روايتها المفضلة ( مو كتاب نبي قصص و روايات) و تحطها تسويلنا ملخص بسيييط عنها و تعطينا فكرة عشان نشجع بعض عالقراية بدال الفراغ اللي احنا فيه ما تدرون يمكن هذا نوع من الرجيم :eh_s(6): أنا وحدة إذا فاضية بس أكل :0bee2e8d89:

شرايكم ؟

 

[#ريما#]

لووووول
فكرره حلووه روكوكو حبيبتي و انا وحده حييل احب الرواياات بصرااحه و خيااليه لأبعد صوره تتخيلينها
ان شاءالله راح اصوور روايتي المفضله و احط ملخص منها

بس هم ياليت تقولون لنا منو تفضلوون من الكتاب للروايات؟؟
وشكرآآآ

 

[كويتية اكيد]

افضل رواية لي بصراحة هاري بوتر:tomato2: اوبس ماادري لان مختلفة تماما عن كل الروايات وخيالية فتستمتعين معاها واهيا من افضل الروايات الخيالية بالعالم اووايد ناس يشترونها بالعالم بس اهيا تنفع للمراهقين اكثر من وجهة نظري لان ابطالها من سن المراهقة :eh_s(6):

 

[ري ري الحلوه]

هاي انا اول مره اشترك يعني نييو قي كتب واايد لو ولازم تنقرى مثل كتب اغاثا كرستي ودان بروان وفي سلاسل حق كتب اسمها شوربة الدجاج للحياة و شوربة الدجاج لحياة لا تعرف الياس وللمرأة

 

[ري ري الحلوه]

هاي انا اول مره اشترك يعني نييو قي كتب واايد او لازم تنقرى مثل كتب اغاثا كرستي ودان بروان وفي سلاسل حق كتب اسمها شوربة الدجاج للحياة و شوربة الدجاج لحياة لا تعرف الياس وللمرأة من ناحيتي والله وايد عندي روايات مفضل منها دفنشي كود

 

[rococo]

يلا يا ديما حطيلنا رواياتج شوقتيني فيني حالة أبي أقرااااااااا

كويتية اكيد ، شكلج مغرمة بهاري بوتر ، تبين الصراحة هم أنا أحبة بس ما قريت الرواية كل ما مسكت الكتاب هديته قلت أشتري الفلم
بس مثل ماقلتي غموض و تشويق ،،،، مرحبا فيج حياتي ريري أول مرة أسمع بكتب شوربة الدجاج وين ألقاها و شنو نظامها ( رومانس ، اجتماعية ،،،، الخ )؟

 

[ايمانو حلوة]

انا احب روايات اغاثا كريستي وتشارلز ديكنز ودان براون

 

[LA TROO7]

اغاثا ودانيال ستيل

 

[المرحة]

انا من محبين الروايات الرومانسية مثل عبير واحلام

 

[كويتية اكيد]

خخخخ اي والله صج rococoخخخ بس شوفي انا ماقريت الا الجزء السادس واندمجت وايد معاه وتوه قبل اسبوع رحتله بس الجزء الاخير كل مااقره شوي وارد اصكره بعدين قلت اذا رحت الفلم الجزء السادس اقراه بعده على طول خخخ بس للحين ماخلصت من العشر صفحات اللي كل شوي اعيدهم من كثر ماانساهم خخخخخخخخ:dddds:

 

[ابله نورا]

اشلونكم بنات انا صراحه من محبي الروايات البولسية والرومانسيه وايضا التاريخيه وشكرا

 

[دموووع عرباويه]

أنا عن نفسي ألف ليله وليله ولحظة أنتظار

 

[نيــلــوفــر]

جورج موور و تشارلز ديكنز احب اسلوبهم بالسرد و شرح الاحداث

 

[فوشيه عجيبه]

انا اممممممممممممممممممممممممم
وااايد بس :بنات الرياض-جمان(مجموعه قصصيه)-بلاهويه(مجموعه قصصيه)-المنتظر-بلا والي...........والله واايد
كل روايه اقراها احبها و اعيش معاها فصعب اني ما تعجبني

 

[فوشيه عجيبه]

اي بعد (إلى جرحي الحبيب مع التحيه)انصح كل بنت تقراها

 

[ايشواريا راي]

اولا مشكوورة اختي ع الموضوع
و ثانيا انا احب كل الكتب اللا اللي ماتفيد ولاتنفع
مثل كتاب فن التواصل والاقناع
( كنت شاريته عشان اقنع ابوي باللي ابيه ههه يعني يكون عندي اسلوب عههههههههه )
و طلع الكتاب مو حلو ولا يفيد بالمرة
وانا احب اغاثا كريستي و دايل كارنغي و انا عندي كتب هراي بوتر بس ولا مرة قريته و
لا فكرت اقراها ما ادري

 

[7neaN]

أنا أروع و أجمل روايه قريتها لحد الحين كانت مجموعه قصصيه حق الكاتبه
علياء الكاظمي اسمها (( جمان )) + روايه حق الكاتبه ليلى العثمان اسمها (( المرأة القطة )) ..
وهم روايه اسمها (( مساءات ورديه )) حق الكاتب المبدع حمد الحمد و بس ....

هذول أجمل الروايات والي أنصح فيهم وشكرا ..:ggdw:​

 

[anona79]

روايات علياء الكاظمي ..... كلها
نجيب محفوظ - احسان عبدالقدوس - يوسف السباعي ( قصصهم وااااايدحلوة )
بنات الرياض ----- بنات ايران
تقريبا أي رواية أشوفها وتعجبني أشتريها على طول
أنا أحب أقرأ القصص والروايات واااااااايد وأندمج وأنا أقرأ كأني وياهم بالقصة

 

[Dr.pinkya]

كل كتب دان براون و جين اوستن و شارلز ديكنز

 

[WHO CARES!]

انا احب الروايات الواقعيه المترجمه لاني احب اتعرف على افكار وثقافات ثانيه وشلون عايشيين
احلى روايات قريتها
ورده الصحراء ويريس دايريه اندمجت صج معاها اتينن القصه عن فتاهلصوماليه وتتكلم عن الختان في مجتمعها
بنات ايران هذي توني من قبل ساعه خلصتها بديت فيها الصبح وبنفس اليوم خلصتها من كثر ما اسلوبها حلو وتعور القلب واهيا فيها شوي سياسه يعني تتكلم عن السياسه بايران
السجينه مليكه اوفقير وطبعا هذي معرووفه ما تحتاج مني تعريف
توايلايت نصيحه اقرو الكتاب ولا تشوفون الفيلم وترى يبيعون نسخته العربيه بجرير اسمه الغسق

جمان قريت جم قصه بس مليت مادري ماجذبتني وايد
ويمدحون كتاب ارجوكم لا تسخرو مني
وبس مشكوره عالموضوع