شنو سالفة الكيراتين الي بيوم واحد !!

[Čut!e Quèéи]

السلام عليكم ورحمة الله وبركاته
____________________






بنات انا مجربه من فتره صغيره

كيراتين بس الي جربته طريقته 3 ايام على الشعر

و رابع يوم يغسلون شعري بالصالون

بس في وحده شفتها بصالون ثاني تقول

عندها كيراتين تحطه يوم واحد بس وثاني يوم تغسله

وتقول انها مسويته على نفسها وصج شعرها قمة الروعه واللمعه والنعومه

وانا كله اشوف شعرها ليف حتى بالسيراميك مو حلو

في وحده منكم اسمعت عن هالكيراتين ؟ الي ينحط يوم واحد على الشعر وبعدين ينغسل ؟

 

[احاسيسي]

لاوالله اول مره اسمع يوم واحد

اللي اعرفه 3 ايام وتغسلينه

بس انشاالله يفيدونا البنات

 

[ام سعود ديكسون]

حتي أنا قالت لي وحدة لبنانية ان هذا الكيراتين القديم اللي يحتاج ٣ ايام
بس ما دري ليش خفت اسوي عندها

اب

اب

 

[انسه^دراقه]

توني والله كنت بحط نفس الموضوع بنات اللي تعرف خل تفيدنا

 

[Shwarovskia]

صح حتى انا سامعه
في وحده من اهلنا
شرته من الدمام وجربته
تقول نتيجته حلوه
وتقول في انواع للشعر الناعم
والخشن
اهي شعرها ناعم بس في كسرات
تعدل من استخدمته

 

[غلاي غير]

عفيه دلوني عليه

 

[Pissy Missy]

انا دقيت على لاليك سألتهم عن الكيراتين قالت بس يوم واحد بس ما خذت التفاصيل منها

 

[Čut!e Quèéи]

رد : شنو سالفة الكيراتين الي بيوم واحد !!

انا مثلكم صاحبه الصالون اهيا مسويته حق روحها

عشان تكون برهان لزبونات

بس خفت لاتكون فيه مضاعفات

اخاف اجرب واتحسف اصلا ماقدر اجرب الا بعد شهر عشان اكمل 3 شهور

محتاره ياربي حتى حماتي كانت معاي خاطرها تسوي بس ترددت غريبه يوم واحد

تقول لنا هذا يديد تحطينه اليوم وتغسلين باجر !

 

[مملوحة_الوصايف]

رد : شنو سالفة الكيراتين الي بيوم واحد !!

امبييييييييييي انا امس والله العظيم دشيت صالون بسوي حواجبي ولا الي يشتغلون كلهم متكمكمييين والجو جنه ضباب ورييييييييحه والله يا بنات ان عيووني قامت تحرقني واحس بدمع ولا اشووف الا وحده قاعده تسوي كراتين وشكله بس يووم لان حسيت انها خالصه كان شعرها طايح بس قاعده تسويه بالفير بس وع اذا جذي الكراتين ديروو بالكم منه

 

[جيرازksa]

بنات كم المده الكيراتين يضل عالشعر كم شهر يعني ياريت تفيدوني حابه اسويه

 

[dandon87]

صالون لميس سبا الكيراتين عندهم يوم واحد

بس للأمانة ما جربت

 

[انسه^دراقه]

اللي مجرب يفيدنا

 

[Čut!e Quèéи]

رد : شنو سالفة الكيراتين الي بيوم واحد !!

مشكورين بنات ماقصروتو

يعني للحين ما شفنا وحده مجربه

بس الصراحه دام فيها فير ياا مملوحه عساني ما سويته

جيراز الكيراتين مدته على الشعر 6 شهور بس بعدين يروح المفعول ويرجع شعرج احسن من اول بشوي

 

[ياشوقي للجوري]

رد : شنو سالفة الكيراتين الي بيوم واحد !!

يعني بنات الي جربو الكيراتين تنصحوني فية حلو؟؟
كل وحدة اسألها تقول ما استفادت يرجع بسرعة مثل قبل
مادري انتوا شنو رايكم؟؟

 

[بعثرة محبره]

هذا اي صالون اللي مسويته صاحبته ..؟

 

[روحي روحك]

انا مسويته بالصيف يوم واحد بشاتومون
والصيف اللي قبله سويت بو3 ايام
نفس الشي
ولما سالت صاحبة االصالون تقول هذا جديد ونفس المفعول
بس حبيت افيدج شعري صارله 6 شهور راح منه المفعول بس ماارد مثل قبل لا انعم واهدا قبل كان وايرات ههههههههههههه
الحين مموج هادي

 

[رجـــاوي .. }]

انا شفت اعلانه عند جاك ديساينج يوم واحد بالصالون وتغسلينه عندهم وتطلعين بس لازم ماتكونين صابغه بس شفت عندهم بنت عمرها 7 مسويه من فتره على كلام امها روووووووووووووووعه ولا خرب ولا شي ماشاءالله ونصحت فيه

 

[دلوعه ماركه]

طيب بنات وش الشركات الامنه على الشعر وخاليه من الفورملين
وفيه انوع واحد معالج وواحد ينعم صح بنات؟؟؟؟

 

[فديته يخرب بيته]

انا اسوي بو 3 ايام احسن واضمن مسويته جم مره ومرتاحه عليه

سويته عند وحده كويتية اتيي البيت نفس مستوى شغل الصالون بس فرق السعر كبير وشغلها حلو ومضبوط وبذمه وضمير وسبق وكتبت تجربتي معاها مرتين والحمدلله انا مرتاحه بتعاملي معاها شعري وايد تغير للاحسن وماطاح ولاصار فيه قشره بالعكس تعدل وايد وراحت النفشه والكسره الي فيه مع ان شعري ناعم بس الصبغات نشفته وكسرته
اخر مره سويته عندها كان شعري عند اول جتفي سوته لي 65
هذا رقمها
99234547 ام ورود