شنو ستايلج باللبس تفصيل و لا جاهز ؟

[قرقيعان أم حسن]

سلام بنات شلونكم

انا طول عمري اشتري ملابس جاهزة و ماعمري فصلت

بس الصراحة مليت احس لبسي مكرر الف مرة ووين ماروح اشوف نفس ملابسي حتى بالعيد

وودي افصل بس اخاف اقط فلوسي عالفاضي و لا اعرف بالخام و لا الخياييط

فقلت استفيد من خبرتكم

يالله كل وحدة تعطيني رايها شنو الاحسن جاهز و لاتفصيل



و ثااانكس

 

[ام ^ دميعه]

..~
اممم انا افضل التفصيل احسسسن قلييييل قليييييل اخذ جاااهز ..~
الفصيييل احلى يعني الموديل انتي الي تختارينه الخاام الي يعجبج الشغل الي تبيييينه ..~
الجاااهز بعض الاحياان اكؤؤؤؤؤن متاخرةة ب مناااسبةة او عييييد اخذ جااهز ..~
اكؤؤؤؤن مضطرةة ..~
موفقةة ..~
​

 

[قرقيعان أم حسن]

ام دميعة
مشكووورة حبيبتي انزين انا عليمية بالتفصيل ماعليج امر ابي من الالف لي الياء شنو اسوي و من وين اطلع موديلات متحجبات ؟

 

[تذكر خافقي رمحك]

انتي نفس حالتي
انا كل مرة جاهز ولا ادل درب الخياييط
بس هالمرة تفنتقت وخيطت وحاسة بيطلعون اكس
لان صج الخياط يبيله ناس تعرفله
فخلينا عالجاهز احسن لوماكان مميز
عالاقل يكون مررتب

 

[PuPa^^SWeeT]

اخذي الموديل و روحي البلوكات وقولي ابي هالخام مثلا



غيري اللون

اذا سادة بعد اخذي مشير



بعدين روحي الكلف و دوري كلفة مناسبة

بعدين صعدي خياييط البلوكات فوق



و قوليلهم ابي هالموديل

وعطييه قميص ولا بلوزة من عندج قياسها مضبوط عليج




و قولي ابي هالقياس



و جربي حظج

 

[قرقيعان أم حسن]

تذكر خافقي رمحك
اي صح الجاهز أأمن بس نبي نغير و نتميز

بوبا سويت

تسلمين حبيبتي عالمساعدة يبيله اروح و اجرب حظي

 

[ناتشوو]

وممكن الموديل والخام
من الخياطين نفسهم بالبلوكات
انت ممكن تغيرين بالخام والالوان
بالتوفيق

 

[manoooram]

الجاهز بترتاحين قايسيه دفعي فلوسه وامشي

الخياط اذا لج مزاج تفترين بالبلوكات وتدورين لج كلفه له
توكلي على الله همن يكون شي حلو انج تلبسين قطعه بمزاجج وبذوقج فصلتيها
القمصان أحلى شي البوبلين لأنه بارد خصوصا جونا حار
والتوبات كريب

 

[Dr.Nouf]

روحي فوق البلوكات .. الهام اييلج
وشوفي صور البلوغرز او المجلات وشوفي الي يناسبج ويعجبج وحاولي ماتتقديين بنمط معين

 

[KOKO_284I]

انا نفسج ما افصل اان شالله البنات يفيدونج