شنو ستايلكم حق اوروبا ؟؟

[Patcholli]

قووه بناااات

مسافرات هالصيف ان شاء الله

اشلون بيكون ستايلكم حق اوروبا هالسنه ؟؟

يالليت الكل يشارك ويفيدنا بخصوص اللبس ... طريقة اللفه ونوعها .. الجوتي عزكم الله كعب ولا فلات ولا رياضه ..؟؟

وجم قطعه ثاتخذون معاكم العاده ؟؟؟؟



بليز ابي الكل يشارك واذا في صور احسن بعض

ادري في موضوع مشابهه بس احسه صار قديم ومتروس والصفحات شكثرهم قلت انزل واحد ثاني ونشوف مشاركات يديده وتكون الصفحات خفيفه وقليله عشان الكل يقرى ويستفيد

 

[ام رينـاد]

والله صراحة انا عن نفسي اول يوم السفرة البس تريننق وفلات مع حجاب قطن عادي لان الرحلة طويله وابي اكون مرتاحه

 

[أمانيQ8]

اهم شي اللبس مريح ومرتب
طبعا ما احب البس كعب اهناك لانه مو مريح كلش ...مع اني اصادف اشكثر خليجيين يلبسون كعب ومختبين اقول اشلوووووون يقدرون يمشون كل هالمسافات بالكعب؟؟؟


وطبعا هالمره ماراح اودي وايد اهدوم لان اول شي ما البسهم كلهم بصراحه وزوجي فوق هذا امحذرني قايل خففوا من الوزن كسرتوا ظهري وتدرون مافي عمال يشيلون الجناط :eh_s(10):

فا قلت اخذ شي بسيط من الهدوم واهناك انفلت عالسوق:ggdw:

 

[انثى استثناء]

والله صراحة انا عن نفسي اول يوم السفرة البس تريننق وفلات مع حجاب قطن عادي لان الرحلة طويله وابي اكون مرتاحه

بنات محد يلبس تريننق الحين بصراحة الحين ملابس الاناقه و الكاجول كثيرة و اذا تبين تكونين عمليه في مية لبسه ولبسه .....

 

[قلب الزعابي]

قميص طويل وفوقه جاكيت اذا كان القميص ضيج وسكارف ملون وجوتي رياضه

 

[قلب الزعابي]

صح أودي ثياب على عدد الايام كل يوم لبس

 

[q8helwa]

جوتي رياضه لازم

وبدلات كاجوال جدا مريحه


مع ملفع قطن

 

[سوسو موون]

حلبس عبايه ملونه بيج وثانيه بني وحغير الوان الطرح وطبعا فلات مستحيل البس كعب وافكر اشتري كمان بالطو قصير للملاهي

 

[الطربوش]

بنات عفيه شلون تلبسون كعب
والله احس انهاا صعبه خصوصا للمسافات الطويله

 

[أنوثهـ حتى الثمالهـ]

انا يوم السفر احب البس بنطلون خفيف مع قميص واسع او بلوزه خفيفه مع كارديغان " عشان لا وصلت وتغير الجو ادفى"
وبالسفر حسب لطلعات النهار والسوق فلات وبناطيل لازم بناطيل قطن او خامه بارده وواسعه مع قمصان او فساتين بارده ولو باطلع اسهر ممكن اكشخ والبس كعب بس مااحب احط ميك اب لان ابي بشرتي تتنفس هوا نظيف انا عموما ماعمري سافرت ديرة بارده لدرجة اشتي حدي لندن وجوها حليو

نصيحه بالسفر طلقو الجينزات والكعوب والميك اب والخبه اهتمو بوناستكم وبس

 

[ام تركي وفيصل]

حلو الموضوع

 

[Mrs.H]

راح اشتري صنادل وفلاتات و جوتي رياضة بس يكون شكله زقرتي تكرموون

وملافع قطن

وبالنسبة للملابس باخذلي قمصان طوال مع بنطرونات.. سبحان الله ما ارتاح على التريننغ مادري ليش

و ودي اخذلي نفانيف بعد استانس عليهم.. اقترحولي ستايل للنفانيف يكون زقرتي و وسيع

ويمكن اخذلي عبايتين

 

[Patcholli]

مشكورين بنات ماقصرتووو

انا العام خذيت كعوبه من كلاركس الصراحه حيل مريحين جنهم فلات وكعبهم صغير مو عالين حيل وخذيت معاي فلات واحد وماحتجته اهناك

بالنسبه للتريننق مادري احسه ماينفع خصوصا بالعواصم ممكن البسه بالمناطق الريفيه

والحينز يظايق مو مريح كلش ماحبه

والعبايه احسها حيل صعبه مو متعوده عليها الصراحه حق دول اجنبيه

وانا بعد ماحب اشتي حيل بالسفر حتى لو كان برد اشتري من اهناك جاكيت او شال احب اخذ ملابس عاديه

بس الستايل مادري محتاره فيه خصوصا اني بالكويت صايره متعوده عالتنانير

 

[Mrs.H]

مشكورين بنات ماقصرتووو

انا العام خذيت كعوبه من كلاركس الصراحه حيل مريحين جنهم فلات وكعبهم صغير مو عالين حيل وخذيت معاي فلات واحد وماحتجته اهناك

بالنسبه للتريننق مادري احسه ماينفع خصوصا بالعواصم ممكن البسه بالمناطق الريفيه

والحينز يظايق مو مريح كلش ماحبه

والعبايه احسها حيل صعبه مو متعوده عليها الصراحه حق دول اجنبيه

وانا بعد ماحب اشتي حيل بالسفر حتى لو كان برد اشتري من اهناك جاكيت او شال احب اخذ ملابس عاديه

بس الستايل مادري محتاره فيه خصوصا اني بالكويت صايره متعوده عالتنانير

العباية مو للطلعات.. بس حق ريوق الصبح ههههههههه لان يبيلي مليون ساعة على ما ابدل ونوعيتي لازم اتريق قبل لا البس

التنانير اهم شي فيهم عامل الطول.. خلي طولهم مضبوط علشان لايصيرون طوال وتبتلشين.. والحين الهبة تنانير

 

[noor12002]

أنا راح اللتزم بالعباية وتكون واسعة ومريحة وجوتي طبي

 

[<miss botamba>]

اول شي حسب الدوله ههههه في دول عادي اغلب الجنطه عملي و في دول اغلب الجنطه ممكن يكون شوي رسمي

ثاني شي حسب مده السفره

ثالث شي واهوا الاهم حسب الجدول الي انتي مسويته


بس انا عن نفسي ما اودي كعوب لان نادر ما اطلع بكعب بالكويت هالمره البس بالسفر لا والف لا



شوفي هذول حلوين للسفر

بس مع فلات ههههه

واذا انتي متحجبه زيدي عليه حسب احتياجج

 

[أمانيQ8]

راح اشتري صنادل وفلاتات و جوتي رياضة بس يكون شكله زقرتي تكرموون

وملافع قطن

وبالنسبة للملابس باخذلي قمصان طوال مع بنطرونات.. سبحان الله ما ارتاح على التريننغ مادري ليش

و ودي اخذلي نفانيف بعد استانس عليهم.. اقترحولي ستايل للنفانيف يكون زقرتي و وسيع

ويمكن اخذلي عبايتين

نصيحه العباة كلش مو مريحه انا ما البس بس اشوف اللي معاي وناس وايد يتبهذلون بالمطر والطين خصوصا اذا رايحه دول بارده حتى بالحركه اتعت فا خيطي او اشتري قمصان طويله حييل وواسعه مع بنطلون وبس ريحي نفسج
اختي الكبيره البست بتركيا عباة واهي منقبه تقول تبهذلت فقامت تخيط مثل ماقلت لج بالوان راكده ولبسها دووم ذوق ومحتشم

 

[د-سوسه]

انا احب اللبس العملي ...الجينز مايضايقني البسه مع كارديغانات واحب اخذ سكارفات عشان اغير فيهم واحط الوان مكياج ويبين الستايل غير بالصور لان ماكون شايله اهدوم وايد واهناك انطلق بالسوق والبس من الي شريته ...بالنسبه للجوتي احب الودج لانه مريح بالمشي وانا ماحب الفلات ..استايلي يكون عملي حيل اخذ ساعه وحده وجنطه وحده وجوتيين تكرمون مع اني ماشالله اشوف بنات وووايد يكشخون ويبلبسون ماركات باوروبا وخصوصا لندن اشوفهم كاشخين حيل ..
هالمره بروح لندن انشالله باخذ تريننق ماحس موضته اتروح كلش خصوصا الماركات وودي اخذ نفنوف لان شفت الاجنبيات يلبسونهم واشكالهم اتشوق النفنوف اهو الوحيد الي اقتنع البس معاه فلات

 

[.:lady bug :.]

انا عبي لاني متنقبه
اخذ عباتين وفلاتات وجوتي رياضه
تحت العباه لبس خفيف وايد

انا رحت تركيا والبوسنه وجوهم حلو

هالمرة باذن الله النمسا بالبرد وباخذ لي جاكيتين
وملايس ثقيله وجواتي رياضه ذربه

 

[مصرقعه كوول]

انا انشالله السنه هذي راح اروح اروبا وراح البس عبايتي ونقابي مراح اقطهم وباخذلي ثلاث عبايات او اربع وفلات واحد ذرب وريح واحد طبي اشوي مرتفع وواحد سبور وجنطه وحده وساعه وحده وبسسسسس