شنو ستايل لبسج في البلاد الأجنبية ؟ خلونا نتشارك :)

[جُـلنـار]

مرحبا يا أحلى بنات :eh_s(17):

موضوعي يالحبيبات باين من عنوانه ..

كل وحدة تحط لنا شنو تلبس اذا سافرت اوربا اوامريكا
أوغيرها من البلاد الاجنبية
واذا عندج صورة من النت او تصويرج الشخصي لشكل استايلج
و طريقة لبسج ياليت لو تعرضينها ..
وشنو الاكسسوارات اللي تفضلينها من احذية و شنط و غيرها ....
سواء لج اوحتى لعيالج ..

الموضوع طبعا للاستفادة و تبادل الخبرات و المعلومات ..

يالله خلونا نتشارك ..


بانتظاركم :eh_s(7):

 

[جُـلنـار]

أنا عن نفسي .. وبما أني محجبة و ألبس عباة في الكويت ...
اذا سافرت اوربا وأمريكا ما البسها إلا في الايام اللي مالي خلق :d

ولبسي دايما فساتين سادة او مشيرة ع الخفيف ،، وتكون واااايد وسيعة ..
اشتريها جاهزة احيانا و الاكثر افصلها عند مشاغل او القاها في معارض ..


عندي صور وودي اعرضها .. بس مشكلتي اشبك من الاي باد
وما اعرف شلون انزل الصور من الاي باد للمنتدى ..
اللي تعرف تقول لي شلون ؟!!!!

 

[جُـلنـار]

الشوز و الجنطة و احيانا الحزام و الملفع احب البسهم نفس البراند ..
يعني اذا النفنوف سادة احب البس جنطة لويس فويتون مع حزامها و شوزها و احيانا ملفعها ..
نفس الشي مع باجي الماركات .. سواء شانيل أو فندي او برادا وغيرها ...
وبما أن أحذية الماركات بعضها مو مريحة في المشي .. فآخذ لي شوز رياضي من اديداس او بوما
وشوز طبي من ساس لايام المشي و الحركة

عيالي صبيان الله يحفظهم ..
ألبسهم لبس الصيف اللي اكون شاريته من بداية الصيف ..
واغلبه اكون طالبته من النت .. من المواقع الامريكية المشهورة ..
كد و مد وتصلح لسفر و حركة ..
واحب آخذ لهم التيشرتات من بربري و رالف لورين و لاكوست ..
والشورتات و الجينزات من اوكايدي و ماركس سبنسر و زارا ..

وبس

 

[موزة ام فارس]

ستايلي اجنبي مثلهم بالضبببط
ماخليهم يعرفون اني كويتية
علشان اخذ راحتي عدل

 

[جُـلنـار]

يا عيني ع الستايل الأجنبي بس :eh_s(15):
عيل انتي شقرة و عيونج خضر

خلينا نشوف شلون ستايلج صاير ..
اذا عندج صور مشابهه سدحيها

تشكرااااات يا عسل على هالاضافة الحلوووة :eh_s(7):*

 

[^noonaa^]

هلاا والله بجلناار

خوووش مووضووع والله عشان نتبادل افكار

انا بالنسبه لي ستااايلي عملي بكل سفراتي يعني الكشخه والكعب وهالسوالف كلش ماعرفها بالسفر

يعني اهم شي لبسي مرتب ومتناسق ومريييييييييح هذا اهم شي لانه راااح امشي واتحرك وينهد حيييلي


ويكون لبسي بنطرون جنز وقميص فوق الركبه بشوي ويكون ساااتر 
وجوتي رياضي تكرموون وجنطه كروس

وميك اب خفييييف بس

*

 

[الاحاسيس المبهمه]

عباااياتي إلي صرت ما ألبسهم بالكويت ألبسسم بالسفر سواء دولة اجنبية او غيرهاا ..

( العباة يا ساده او تطريز ونقش خفيييف ... واللفه القطن السوده العجيييبه إلي تلبسينها من أول اليوم لي اخره ماتعدلينها لوووول < متعقده من الهوااا > )
تحت العباة ألبس بنطرونات قطن ( لقنزات ) وبلوزات ... عاااد تعالي شوفي الهلاقه تحت العباة لووووول سطاايل اصير ^_^
وجوتي مكرم القارئ رياااضه اكدددده لمن يبجي ... وجنطة كرووس وااااازقـــــد ^_*

 

[أمانيQ8]

انا تريننقات ايام ماكان جسمي حلو عاد يوم اخترب ادور وين الواسع وراه
جينزات واسعه وقمصان وجوتي رياضه بس عالي اشوي ومريح وخفيف _يختي الطول عز_لووووووووووول لاعاد طولي عادي 163بس انا طماعه بس تبون الصج ساعات اللبس مايبين الا بكعب
وعلى هالطاري لازم اخذ لي بدله كشخه كامله مع قشها لان ساعات ننعزم او انروح مكان للكبار فقط وحتى زوجي فديته ينزنط بكرفته لوووووووول بدله رسميه اذا في مناسبه
يعني الطلعات العاديه جذي

والسهره او العزيمه

بس اتصدقون عاد انا مااسافر الا دول اجنبيه فلما اختب احس الكل يطالعني مالهم سالفه الا انا

 

[miele]

الموضوع حلو ... وبوقته ثانكس ياجلنار....
انا يوم رحت سفره مع حمواتي لاعت جبدي من كثر ما انا متكشخه وسكبه ولا يوم راحه حتى صبغ اظافر اغير علا البدلات ( والله ما عندي سالفه ) اما الحين السفره مع خواتي حبيباتي فالستايل كالاتي :
البلايز المشيره او الساده

جينز وجبكلوت بيج الي بريفا الافنيوز ذرررب

ملافع القطن شحلاتهم ما يبيلهم اوتي متعدده الالوان

قبل لا اسافر عده المكياج راح تتقلص الى كريم اساس موس ميبلين البيج وبودره ميك اب فور ايفر الطبيعيه

وبالنسبه لحواجبي لانهم جاينييييز بروح قبل السفره لصالون بلو فيرجن الرقعي تخطلي اياهم اضبطهم عشان ما اخذ وقت الصبح بالميك اب واللبس


الجوتي اليوم بالافنيوز مسوين sale بكلاركس بشوف لي فلات مريح

وبس .....

 

[ام منصور1990]

لبسي مثل الي البسه في الامارات يعني مااغير شي عباه ونقاب والامور طيبه

 

[دلع86]

انا لبسي بالسفر نفسه الي بالكويت حق الطلعات العمليه

جينزات ليقنزات مع بلايز طويله ناعمه وحزم واللفه العاديه الحرير ماحب القطن كلش

 

[جُـلنـار]

هلاا والله بجلناار

خوووش مووضووع والله عشان نتبادل افكار

انا بالنسبه لي ستااايلي عملي بكل سفراتي يعني الكشخه والكعب وهالسوالف كلش ماعرفها بالسفر

يعني اهم شي لبسي مرتب ومتناسق ومريييييييييح هذا اهم شي لانه راااح امشي واتحرك وينهد حيييلي


ويكون لبسي بنطرون جنز وقميص فوق الركبه بشوي ويكون ساااتر 
وجوتي رياضي تكرموون وجنطه كروس

وميك اب خفييييف بس

*

هلا و غلا بـ نونا نورتي الموضوع والله
وصاجة حبيبتي احسن شي اللبس العملي
ولبسج شكله وايد مريح و عملي ..
الجينز دايما افضل خيار للسفر ..
سريع و مريح و اي شي يلوق معاه ..
بس مشكلتي ما اقدر البسه مع اني رشيقة و جسمي حلو احم احم
بس المشكلة زوجي يكره لبس البنطرونات حتى لو كان القميص واسع و طويل ..
الله يعيني :eh_s(14):


مشكورة نونا .. ما ننحرم من هالطلة :eh_s(7):

 

[جُـلنـار]

الاحاسيس المبهمة

أحلى شي الهلاقة .. تنفع في الزنقااااات لووووووول

مشكورة حبيبتي ع التفاعل ...
لاخلا و لا عدم

 

[جُـلنـار]

انا تريننقات ايام ماكان جسمي حلو عاد يوم اخترب ادور وين الواسع وراه
جينزات واسعه وقمصان وجوتي رياضه بس عالي اشوي ومريح وخفيف _يختي الطول عز_لووووووووووول لاعاد طولي عادي 163بس انا طماعه بس تبون الصج ساعات اللبس مايبين الا بكعب
وعلى هالطاري لازم اخذ لي بدله كشخه كامله مع قشها لان ساعات ننعزم او انروح مكان للكبار فقط وحتى زوجي فديته ينزنط بكرفته لوووووووول بدله رسميه اذا في مناسبه
يعني الطلعات العاديه جذي

والسهره او العزيمه

بس اتصدقون عاد انا مااسافر الا دول اجنبيه فلما اختب احس الكل يطالعني مالهم سالفه الا انا

يا هلا و مرحبا .. حيا الله اماني :eh_s(7):

عجييييب الستاااايل اللي حطيتيه ..
عملي و أنيق في نفس الوقت و ألوانه صيفية ..
دوختني الجنطة لوووووول ما اقاوم شانيل :eh_s(15):

واحسن شي تسوينه انج تاخذين شي فخم حق طلعة او زيارة او عزيمة ..
انا حتى سشوار آخذ و ميكاب وتوابعهم ... حق الظروف الطارئة .. لووول

تسلمين يا عسل ع التفاعل و الصورة الحلوة ..
ما ننحرم منج يارب

 

[q8tiaa81]

ولله على حسب تريننغات او قمصان طويلة مع بنطرون وجنطة كروس وبس

 

[اسرار70]

تصدقين صارى يومين وافكر اكتب نفس موضوعج

لانى مستغربه من الى اشوفهم بلندن كاشخين حدهم ومكياج كامل ولبس مومال تمشى واسوقه ويلفتون النظر

انا البس عملي جنز وقمصان طوال وفلات وجوتى رياضه ومكياج خفيف وساعات بدون شى
والكشخة حق الكويت

 

[om.aboodi]

ويه شكو كشخه اصلا نضحك عليهم اللي خابين روحهم بره اشدعوة عاد غير الشباب ماعلينا منهم حق المغازل هههههههههههههه الله يعافي الترينقات والجينز وتكرمين جوتي نايك وكرف وراحه ومتعه سفر انا اهني الحين صار جذي ولامعاي يهال حوسه اتطقم ماركات لو رايحه استقبال ماتطقمنا جذي اشصايرشدعوة البساطه حلوة وبره شوفوهم يهبلون علشان جذي والله كرهت اروح دوله فيها عرب

 

[سكرة هانم]

تصدقين صارى يومين وافكر اكتب نفس موضوعج

لانى مستغربه من الى اشوفهم بلندن كاشخين حدهم ومكياج كامل ولبس مومال تمشى واسوقه ويلفتون النظر

انا البس عملي جنز وقمصان طوال وفلات وجوتى رياضه ومكياج خفيف وساعات بدون شى
والكشخة حق الكويت

نفسج استغرب منهم شدعوه عليهم

وانا احب العملي

مع اسرار

 

[om.aboodi]

وانا معاكم

 

[جُـلنـار]

الموضوع حلو ... وبوقته ثانكس ياجلنار....
انا يوم رحت سفره مع حمواتي لاعت جبدي من كثر ما انا متكشخه وسكبه ولا يوم راحه حتى صبغ اظافر اغير علا البدلات ( والله ما عندي سالفه ) اما الحين السفره مع خواتي حبيباتي فالستايل كالاتي :
البلايز المشيره او الساده

جينز وجبكلوت بيج الي بريفا الافنيوز ذرررب

ملافع القطن شحلاتهم ما يبيلهم اوتي متعدده الالوان

قبل لا اسافر عده المكياج راح تتقلص الى كريم اساس موس ميبلين البيج وبودره ميك اب فور ايفر الطبيعيه

وبالنسبه لحواجبي لانهم جاينييييز بروح قبل السفره لصالون بلو فيرجن الرقعي تخطلي اياهم اضبطهم عشان ما اخذ وقت الصبح بالميك اب واللبس


الجوتي اليوم بالافنيوز مسوين sale بكلاركس بشوف لي فلات مريح

وبس .....

اهليييين miele ..
الله يعينج حبيبتي .. ليش سفراتج جماعية .. ؟!
ترى الخصوصية حلووووة خصوصا في السفر .. ،

ستايلج اللي بتعتمدينه هالمرة وااايد حلووووو
خصوصا الجبكلووت مع البلايز المشيرة او الكارديغانات السادة ..
وااايد احبه و احسه ساتر .. بس المشكلة في الحكومة اللي عندي

اليوم شفت على وحدة جبكلوت واسع خامته لينين ولونه زهري فاتح ولابسه عليه
بلوزة واسعة نفس اللون و الخامة بس فيها قصات .. وايد ذربة و مرتبة ..
خاطري بمثله .. بس مادري وين احصله ..؟!

الجواتي الطبية و اللي لايعلى عليها و انصحج فيها ..
جواتي ساس .. كد و مد و شكل ورااااحة

أما الصالون فضروري قبل السفر بيوم او يومين ..
لزوم الحف و البديكير و المنيكير و قص اطراف الشعر و اللازم منو