شنو ستايل لبسج في البلاد الأجنبية ؟ خلونا نتشارك :)

[سماء الشرقية]

مرحبا بنات
الموضوع حلو وجاي في وقته بالنسبة لي
طيب وين الاقي لفات قطن بالكويت انا شفت بالمباركية ما عجبوني
طيب هذه البلاكات شنهو مجمع ؟ وين عنوانها ولازم تفصيل لو تبيع جاهز واذا بفصل استلمه في نفس اليوم عادي ؟ كاني سالت وايد
معليش نستفيد من بنات الكويت
تحياتي للكويتيات

 

[law love]

مرحبا بنات
الموضوع حلو وجاي في وقته بالنسبة لي
طيب وين الاقي لفات قطن بالكويت انا شفت بالمباركية ما عجبوني
طيب هذه البلاكات شنهو مجمع ؟ وين عنوانها ولازم تفصيل لو تبيع جاهز واذا بفصل استلمه في نفس اليوم عادي ؟ كاني سالت وايد
معليش نستفيد من بنات الكويت
تحياتي للكويتيات

بجمعية الخالديه فوق

 

[fa6oma-ba6a]

في وايد اماكن يبيعون شيلات القطن

ستي سنتر
في وايد محلات شيلات
ونفس ماقالت جمعيه الخالديه
والبلوكات اهوؤ مكان لبيع الاقمشه

 

[سنـــابل]

موضوع بوقته

اختي زعفرانه العتاب
نصيحه لا تلبسين نقابج بدوله اجنبيه الا اذا كانوا متسامحين , اذكره لمه رحنا فينا كانت ويانا وحده متنقبه , صارت فرجه , وكنت الاحظ الناس طايحين خز فيها وبعضهم ياشر عليها ويضحك او بالكويتي يحشون ويضحكون

ومره مسكينه قعدت تبي تتريق بالفندق في جم طاوله وقفوا اكل عشان بس يطالعونها شلون راح تاكل اللقمه

نصيه النقاب لا تلبسيه هناك الا اذا شفتي عرب وخليجيين وايد لابسينه هناك اخذيه وياج احتياط

 

[~شوق الغلا~]

أنا لبسي بجميع سفراتي ترينقاات و جينزات و قمصان طويله للركبه وأهم شي مريييحه و فلات او جوتي رياضه واهم شئ الساعه و النظاره الشمسيييييه بس الملافع القطن وايد مريحه بس للاسف ماعمري لبستها شكلي بشتريها اتعلم عليها لان خامتها وايد حلوه أهم شئ البساطهو الللبس المريييييح ويكون ذرب ماحب الخبه وميك اب وايد وشكرا ع الموضوع الحلو بس بنات انا ريلي وايد تأذيني بالسفرررررر ابي جوتي مريح بليييييز عن تجربه شنو اخذ ؟

 

[غرررررام]

شوق الغلا
عندج محل كلاركس بلافنيوز عندهم جواتى رياضه وفلاتات مو طبيعيه حيل مريحه والحين عندهم سيييل لحقى عليهم امس شريت منهم حق سفرتى بالصيف ​

 

[HaYoOoMa]

جنزااااااات وقمصان وبلايز لبس عملي ومريييييييييييح وترنقات
وميك اب خفيف ونظاره وكروس وملفع ماحب القطن استانس عالشيفون
ولزوم بدله وحده كشخه مع اكسسواراتها وكعبها وكل شي عساس ااذا طلعت عشا بالليل شي جذي

 

[عيش و مرق]

عادى نفس الكويت جينزات وتريننجات

 

[سلوى 18]

حبيبتي الي تسأل عن البلوكات اهو سوق كبير حق الخام ..
و اذا كنتي تبين خياييط حق دراريع او بدل او قمصان او عرس تلاقين بالبلوكات فوق في خياييط و عندهم الي تبينه..
و ملافع القطن بكل مكان الله لا يخسر على دينار و نص .. بكــل مكان..
بس انا اشتري من جمعيه بيان فوق الوانه احلى و حتى الخامه غير تحسين انها ماركه..لوول

و بــٍس:eh_s(7)::eh_s(7):​

 

[زعفران العتاب]

موضوع بوقته

اختي زعفرانه العتاب
نصيحه لا تلبسين نقابج بدوله اجنبيه الا اذا كانوا متسامحين , اذكره لمه رحنا فينا كانت ويانا وحده متنقبه , صارت فرجه , وكنت الاحظ الناس طايحين خز فيها وبعضهم ياشر عليها ويضحك او بالكويتي يحشون ويضحكون

ومره مسكينه قعدت تبي تتريق بالفندق في جم طاوله وقفوا اكل عشان بس يطالعونها شلون راح تاكل اللقمه

نصيه النقاب لا تلبسيه هناك الا اذا شفتي عرب وخليجيين وايد لابسينه هناك اخذيه وياج احتياط

مشكوره سنابل

والله هذا إللي خايفه منه أخاف يصير لي مضايقات حيل وبدل ما أستانس أتكدر بس بعد مو مقتنعا

أقطه شكلي راح أستخير

 

[عروس الحب]

بنات شنو تقصدون جنطة كروس؟؟؟؟؟ شنو هالجنطة ماركة ولا شنوووو

 

[om.aboodi]

حبيب

تي الكروس طريقه شيل الجنطه موماركه ههههههههههههههههه فضحتينا ههههههه ياحلوج محد يدري اصصصصصصصص

 

[am mariam]

عادي جينز وبلوزه ونعال كروكس حق المشي اريج وجنطه على جنب وشيله قطن

 

[جُـلنـار]

يا هلا والله وغلا بكل الحلوااااات اللي شاركوا و أثروا الموضوع

اسمحوا لي يالحبيبات انشغلت عنكم هاليومين و لاتابعت الموضوع

أحب أشكر كل اللي أضافوا للموضوع صور وتعليقات ...
واخص بالشكر الحلوووة أم عبوودي .. وباقي الخوات

تسلمون حبيباتي ..
ما ننحرم منكم يارب *

 

[جُـلنـار]

اللي سألت عن انسب جوتي طبي ومريح للسفر ..
أقول لها و عن تجربة .. ما في غير جوتي ساس الطبي ..

أنا أحب البس جوتي نفس براند الجنطة و الملفع والحزام ..
بس تدرون جواتي الماركات مو دايما مريحة ..
لذلك انسب شوز يريحني ويناسب ريلي .. جوتي ساس الامريكي ..
من ١٥ سنة و انا ما البس الا ساس .. للمشي و الحركة و لا أروع

http://www.sasshoes.com/_products/n.jpg

 

[جُـلنـار]

الملافع القطن فعلا مريحة و مرتبة باللبس ..
بس اللي عند الهنود ماحبيتها ابد ..

زارا و سترادي فاريوس و غيرها ..
منزلين ملافع قطن بخامات و ألوان تشوّق ..
أنا أشوف انها احلى و ارقى من شغل الهنود ..

هذي ملافع زارا .. و اسعارها بحدود ١٠ دك

 

[جُـلنـار]

وهذا الملفع عندي ..
وايد ذرب و مريح في اللبس ..
الحلوو فيه ان نصه حرير و نصه قطن ..
وايد راقي ع اللبس ..
وفيه منه ٣ الوان .. كلها عندي >> وايد حبيته

 

[جُـلنـار]

وهذا اللون الزيتي

وهذا الأسود

وهذي الخامة عن قرب

 

[QUEEN 8LBOO]

موضوعكم حلووو ومفيددد​

انا البس كل اللبس الموجود عااادي

يعني ماشتري شئ خاص للسفرر

بنظرونات بيج وجينز واسود
والقمصان والجاكيتات الرسميه

مع الشوز اللي يكون قصه وحده مرتفعه

يكون مريح بالمشي وحلو مع البنطرونات

والجناط عادي ماغيرها اكشخخ بكلل الماركات اللي عندي

والبس كبابيس اغطي شعري مع سكارفات
وبسسسسس

 

[أم الحلوة جمان]

بنات اللي راحت مدينة مائية و لبست مايوه اسلامي شلوون الوضع عاادي ؟؟ و لا صارت فررجة ؟؟؟
و بالنسبة للبنات اللي يلبسون سكارفات او كبابيس بدال الشيلة ياليت يحطون لنا طريقة هالستاايل ..

انا عن نفسي بالسفر اذا كان بالصييف آخذ أخف أخف الملابس .. خصوصا اذا السفرة فيها تنقلات من دولة للثانية ..
و هالسنة خذيتلي جمبسوت خفيييف قطن مع كارديغان خفييف بعد .. و نفانيف قطنية خفيفة و قمصان مع بنطلونات قطن و ليجنغز .. وباخذ شيلات قطن .. بسس و الشووز طبعا فلات من ايكو و كلاركس ...و الشنط كروس باخذ جنطي الماركات اللي من زمان عندي وما البسهم وايد الحين و اقدر البسهم كروس ..