شنو ستايل لبسج في البلاد الأجنبية ؟ خلونا نتشارك :)

[كويتيه شقره]

شنو هذا السن بلوووك؟؟

 

[كويتيه شقره]

الله يعافي قوقل رد علي ب|أقل من دقيقه ههههههههههههههه


يعني قصدكم كريم الحمايه والله ثقافه بنات ديرتي

انا احب افيين الي مع كريم اساس مو الكريم بس

ارتاح له ولما احطه جني حاطه كريم

 

[خشف بدو]

والله نفس لبسي بالكويت عباتي ونغابي علي والحمدلله الامور سهالات

 

[سكرة هانم]

ام الحلوه جمان ..

بنات اللي راحت مدينة مائية و لبست مايوه اسلامي شلوون الوضع عاادي ؟؟ و لا صارت فررجة ؟؟؟
و بالنسبة للبنات اللي يلبسون سكارفات او كبابيس بدال الشيلة ياليت يحطون لنا طريقة هالستاايل ..

انا عن نفسي بالسفر اذا كان بالصييف آخذ أخف أخف الملابس .. خصوصا اذا السفرة فيها تنقلات من دولة للثانية ..
و هالسنة خذيتلي جمبسوت خفيييف قطن مع كارديغان خفييف بعد .. و نفانيف قطنية خفيفة و قمصان مع بنطلونات قطن و ليجنغز .. وباخذ شيلات قطن .. بسس و الشووز طبعا فلات من ايكو و كلاركس ...و الشنط كروس باخذ جنطي الماركات اللي من زمان عندي وما البسهم وايد الحين و اقدر البسهم كروس ..

هلا والله انا بجاوبج ... انا لبست المايوه الاسلامي بشرم الشيخ وبتايلاند وبماليزيا بسنوي لاجون واماكن ثانيه

اول شي انا ما كنت حابه الوضع وحسيت شكلي غلللللللللللللللط بس ريلي قالي انا ابيج معاي وليش تخلين بخاطرج
فكرت فيها يعني اخلي ريلي يطب بالماي وانا قاعده فوق بتريننج ميته من الحر واهف هف على عمري لا والله اطب واستانس

بشرم وااااايد بنات معاي لابسين حته المصريات المتحجبات يلبسون وبماليزيا نفس الشي هم شفت كويتيات او خليجيات وماليزيات وعرب كلللللهم لابسين يعني عادي سهالات

بس بتايلاند سمعت طنازه وضحك وهم طااااااااااااااف رايحه شهر عسل وبتونس مع ريلي واهم شي ان كان وااايد مستانس لاني معاه ... فمالي ومال النجوم على قولتهم لووووووووووووووووووووووووووووول




وبالنسبه للحجاب ,,, انا احب هالطريقه تينن وحدهااا زقرررت

اما الكبوس ما احبه ... وانتي واللي يريحج


والجب سوت تينن باللبس والتصوير لبست بشرم بنفسجي مع ابيض الصور واااااااااااو شكلي اينن بس ريلي تطنز علي وقال ممنوع بالكويت فعطيتها اختي .. شيشتيني بروح اخذلي وحده

 

[غيدآء]

انا بروح المانيا

وايدي على قلبي بصراحه ..وفوق هذا انا منقبه علشان هيك الخوف بيزيد والشعب الالماني شوي نفوسهم شينه مثل ما سمعت!

علشان هيك بخلي اللبس ساتر او مانتو عادي او ملون والنقاب راح استغني عنه اضطراريا وبتنكر بنظاره شمسيه لوووووووووووول

الله يعين

 

[مرايم2009]

انا احب اكون ذربه بلبسي فالسفر بصراحه احب اكشخ بس بذرابه يعني اللبس ناعم مثل جينزات وبنطرونات مريحه مع بلايز طويله وجاكيتات اذا البلد بارده والاحذيه عزكم الله لازم افلات وافضل يكون طبي وناعم واحب اتكون ملابسي متناسقه الالوان عادي اخذ 5 جواتي لازم كل بدله مع جوتيها طبعا لازم احظر البدلات قبل السفر والحجاب القطن اكثر من لون والميكب نااااعم والوان فاتحه والجنطه لازم تكون عمليه وراهيه لاني لازم احط فيها وااااايد اشياء واكسسوارات ناعمه وتدرون كل هذاا ليش عشان اطلع بالصور حلوه لوووووووووووووووووووووووووووووول

 

[ودي***أفرح]

بنات شلون النقاب فامريكا ....منو راحت هناك بنقابها ؟؟؟؟

ابي تجارب بنات ياليت تفيدوني

 

[:: Diva ::]

تيشيرتات
بنطرونات رياضيه تريننغ و جينز واحد
جوتي رياضه + كروكس + نعال بو اصبع لووووووووول
كاب و شال لاني متحجبه و الحين بعد الشيلات القطن بارده و عمليه و مرتبه



امممممم خفيفه و بسيطه و عمليه

 

[كويتية بروما]

طبعا بره مو مال كشخه لان الحجاب بروحه يلفت الانتباه
جينز وبلايز طويله نفس الكويت
ترنقات للجمعيه او الحدايق اهم شي الدبله وساعتي
وجوتي رياضه لازم ماركه ارمني ولا نايك او بربري
واكيد جنطتي دايم كروس
بالنسبه للنقاب لما اول مره بفيز بالسفاره قالو لريلي ممنوع نقاب ومادري عن باجي الدير
بس عمري ماشفت احد لابسه هني
وشكرا

 

[pinkigigi]

انا ستايلي بالسفر نفسه بالكويت اللهم ما البس عباة
احيانا بالكويت البس عباة

اشدعوه عليكم بنات

كل وحده بتزنط نفسها بشيله قطن
و فلات
و ترنق او جينز!!!

ليش رايحه سياحه ولا تقشف!!!


انا استغرب لمن تسالني وحده شنو ستايلج بالسفر

عادي

يعني نفس البنطلونات
نفس التنانير
نفس القمصان الطويله
نفسهم ماكو تغير


و بالنسبه للنقاب

انا ما احترم المره اللي تقول اقط نقابي اذا سافرت

ليش
اذا سافرتي حلال يشوفون ويهج
و الكويت و الخليج حرام

ترا النقاب له احترامه

و انتي تفرضين احترام النقاب سواء عند الاجانب او غيره

ما قالوا للسيخ بلندن ليش تلبس العمامه مالتك
مايدرون انهم يخشون شعرهم الطويل اللي من عمرهم ايام ما يقصونه

و نفس الشي الراهب
او اليهودي

الاجانب ما عندهم نزعة الحش
و الطنازه


عيالهم يحلقون نص راسهم
و يحطون ترجيه بعيونهم و جفونهم و براطمهم

وعاااادي
محد يتجرا يتكلم



باختصار :

هذا ستايلي بالكويت اهو نفسه بره

لندن و لبنان و مصر و دبي و تايلاند و استراليا اهو نفسه
وامي و خالتي ام زوجي كلهم نقابات

عادي ولا مره وحده فيهم قالت بقط النقاب شكلي غلط!

 

[Zen&7ala]

انا قبل لا اتزوج ما كنت البس عبايه كنت اذا بسافر ترينقات و قمصان بس اكثر شي تريننقات

الحين لاني متنت -_- عقب الولاده فراح افصل لي قمصان تكون ذربه و عمليه و مفكره اشتري نفانيف خفاف طوال

و هم بشتري تريننقات تحتهم البس قمصان خفيفه يعني عادي ماراح اكشخ وايد و لا راح احط ميك اب !!! الله يخلي النظاره الشمسيه الصراحه ابي استانس ! باخذ راحتي كل يوم بفز احط ميك اب :\ شلي حادني وراي سوق وراي لويه لوووول

 

[طوق الياسمين]

أنا عمري مارحت لدول أجنبيه ولا أفكر بهالشي لأن ماأتشرف فيها بعد مامنعت بعض الدول الحجاب يبونا غصب نتنازل عنه شلون نتنازل عن عفتنا وشرفنا , الله يهديكم ويثبتكم ع السراط المستقيم ياااارب ويحفظ بلاد المسلمين ويجعلها شااامخه يارب
بنات أنا آسفه ع تدخلي بس لازم أقول اللي عندي حتى لو ماعجبكم هالشي بس تذكرت قول رسولي حبيبي محمد عليه أفضل الصلاة والسلام : (من رأى منكم منكرآ فل يغيره بيده وإن لم يستطع فبلسانه وإن لم يستطع فبقلبه وذلك أضعف الإيمان )*
والله يعطيكم العافيه حبايبي والله راح أدعيلكم من كل قلبي الله يغفرلكم ويثبتكم ع دينه

http://www.youtube.com/watch?v=54fnmoyglay

تقبلوا مرور أختكــــــــــم فالله/مريم العنزي

حبيبتي شفت كثير في لندن وامريكا وغيرها من الدول منقبات ووضعهم عادي وبالعكس متعودين على هالوضع محد منع النقاب الا فرنسا واظن في الاماكن الرسميه بس
بعدين النقاب مش فرض ...الحجاب هو الفرض حبيبتي وماله داعي كلامج لان احنا مش منقبات في بلادنا من الاساس بس نلبس العبايه الواسعه والشيله وبدون مكياج والحمدلله نفس الشي برا

 

[blue rain]

بنات وين احسن مكان للقمصان الطويله
تعبت وانا ادور كلها منفوشه جنها نفنوف قصير
ابي قميص بسيط وناعم مثل هذا

مابي اللي فيه قصه وحزام ولويه ابيه ذرب وبسيط
دلوني الله يجزاكم خير

 

[خــلــود]

سنتر بوينت فيه اشكال حلوه ورخيصه والوانه رايقه

 

[كالورينا]

محل ديربي فى مجمع البيرق عنده قمصان ذربه

 

[.]

مثل ستايلي بالكويت

قمصان طويله وجينزات وبس غير عن الكويت اني البس بنطرون ترينغ ..

 

[.]

بنات وين احسن مكان للقمصان الطويله
تعبت وانا ادور كلها منفوشه جنها نفنوف قصير
ابي قميص بسيط وناعم مثل هذا

مابي اللي فيه قصه وحزام ولويه ابيه ذرب وبسيط
دلوني الله يجزاكم خير

بماكس..

 

[انا والله انا]

 

[سمسم الجميلة]

الرد تحت :$

 

[سمسم الجميلة]

السنة اللي طـآفت ~
سـآفرت علئ الـ سويد .. وكـآن الجؤ بـآرد =) !<

جـآكيتآآت +سكـآرف +بوتـآت+ جنز ~~ واغلب الاوقـآت تريننغ

واهم شئ الجنطة الجـآنبية =$$ !<

ثـآنكًس علئ المؤضؤع:eh_s(7):