شنو ستايل لبسج في البلاد الأجنبية ؟ خلونا نتشارك :)

[ml7_q8]

شلونكمً بنآت

موضوع حيل حلوو وعجبني

:

بس بغيت استفسسر شلون اسبانيا مع النقاب انا و امي واختي ماراح نقط نقاباتنا هناك

مادري احس لو مجموعة منقبات ملفت حيل

ودّي اقطه ومآ ودّي

 

[السولعيه]

قمصان وجينزات وتريننقييييين وجنطه كروس وجواتي فلات مريحه

مع ميك اب خفيف وسكارفااات


والشعر كيرلي او استريت مع ربطات الشعر


لبس مريح ومرتب

اغلب اللي يسافرون جنهم رايحين جهاد مو سفر ووناسه اشكالهم تسد النفس جينز واحد وقمصان وجوتي حتى زوجها يمها اذرب منها هههههههههههههههههه >_________<

 

[جنـــا]

:

انا بالكويت و برا الكويت نفس الشي

بالعبايه و النقاب ..

و صراحه ما احب فكره بعض البنات اللي

بالكويت يلبسون النقاب او حتى الحجاب و بالسفر يقطونه

ليش يعني ربي موجود بالكويت بس !!

اعتقد ان قانون الكويت ما يفرض الحجاب و النقاب على المرأه

لج حريه الاختيار ..

افضل الواحد يتقيد بلبسه وين ماكان و يحترم النقاب والحجاب

لانه يمثل صورة المرأه المسلمه ..

و انا عن نفسي عمري ما تعرضت لمضايقات في الخارج

بالعكس احس الاجانب يحترمون الاديان اي ما كانت ...

و بالنسبه لستايلي يكون لبس مريح و عملي

و ما استغني عن كريم الحمايه والمرطب

و جوتي مريح هالمرة اخذت من دكني جوتي عملي و لونه حلو ذهبي

و الجنطه كروس من روكو بروكو ..

و تروحون و تردون بالسلامه يابنات

:

 

[اغلى حبيبه 22]

اللي بنفس ديرتي
ماكوا تغيير

 

[ام طلال]

فوقه كارديغن

مع

[

 

[ام طلال]

 

[كالورينا]

الي بتروح اسبانيا تراهم مومتعودين علي النقاب انا راحه العام ومتحجبه ماسلمت من خزهم كأني كائن فضائي وشششاون النقاب

 

[ml7_q8]

كالورينآ

وين بـ اسبآنيآ !!

احنآ بنروح برشلونه فمادري محتاررره اقطه ولالا

 

[q8sweeta]

انا متحجبه اذا شرق اسيا اخذ ليقنز وتأدبت من اول سفرة مااخذ جنز ابد وتعرفون البلايز اللي في شويس ورينيه درهي ذوال وخفاف اخذ منهم حق سفر مع فلات صندل او كروكس جوتي ذرب وملفع قطن وتريننغ حق الطيارة لازم لزون الراحه
اما اذا اوربا لازم جاكيت خفيف وجاكيت ثقيل حيل لانه يتغير الجو باي لحظه ونفانيف قصيرة وبوت اذا برد شوي وبنطلون او ليقنز مع فلات
طبعا جنطتي احاول ماتعدي خمس قطع وبنطلونين واذا ليقنز اكثر منه لانه خفيف لاني مردي بشتري من سفر وبلبس هناك منها اخفف الجنطه ومنها اشتري وواكشخ
وطبعا لازم بكل سفراتي معاي بلوزة حلوة وزقرتيه وخفيفه حق اذا طلعه تسوى
وانا احب احط مكياج بالسفر وعموما ارسم عيوني بالكحل بشكل حلو وماسكرا هدا اللي اهتم فيه لكن شدوات ولويه وكريم اساس
لا طبعا
احب اتمكيج لسببيب اول احنا نطلع طلعات طويله
ثاني شي حق تصوير
الاكسسوارات الحمدالله خذيتلي من تايلاند من مصنع الالماس
خاتم فضه فيه كرستال شكله دبله وخذيت اكثر من ستايل ورخيصه فضتهم وشغل نظيف وحلو
لاني اتحسف البس دبلتي الالماس وماتسوى تضيع
والساعه بربري خام عشان ما اتأذى بالسفر

احلى شي لمه سافرت سنغافورة ماخذه ملافع بيض وحجاب قطن بس حق طيارة
المهم وصلت اهناك ولا ماكو امطه وياي ...يالهويييي
وانا كنت مسافرة شغل لول
طبعا تشققت لمه شفت اهناك وايد مسلمين ولابسين امطات وسألت وحده فيهم قالتلي سوق اسمه مصطفى
المهم داومت اتوقعون شنو لبست
انا كنت ماخذة باند حق شعري وردي فسفوري
لبسته وثبت فيه ملفع الستان الابيض
امبيه وبلوزتي زرقه وليقنز ابيض
امبيه بالمختصر المفيد كنت فيلم
المهم
اشوه انه شغلي ودوامي لزق خبط بشارع العرب
بعد معاناة 3 ايام
نزلت وقت الغدا اتمشى عند الشارع وخذيت الخريطه وصورتها من نت بتلفوني عشان ما اضيع بالزدة مشيت اشوي
ولا اشوف محل حجايات واروح ركض
لدرجه المرة اللي تبيع ماليزيه سكرت المحل عشان البس الامطه
امبيه ورتحت اخيرا وردتلي ثقه بنفسي لاني كنت مطوله اشويه اهناك
بس تعلمت درس اول شي واخر شي اجيك عليه بالجنطه حجابتي والامطات والجلاليب


*

 

[q8sweeta]

اي صج واذا مسافرة اخذ جنطة صغيرة هم تأدبت انه مااشيل جنطة كبيرة وتنترس اغراض بطل ماي علي كاميرة ريلي وعلى تكرمون جوتي فلات اللي يتسفط (وهذا شريته من مصر ينحط بالجنطة مثل تكرمون جوتي الباليه خذالي اياه ريلي من المطار حتي بالكويت ينفعكم لمه اتعب من الكعب البسه وهم شفت منه في بوتس لندن بس ماركه شول جنه ولونه ابيض مادري اذا في الوان بعد لانه اللي عندي ماركه غير مادري شنو اهي بس بني وجلد )ومكياج وبوك وكلينكس ومناديل ديتول كنت اتعذب
رحت شريت من دي كي ان واي جنطه كروس حلوة وبوك كبير سحاب عشان البوقات محد يبوقني
وهم الجنطه سحاب ولقيت في سنغافورة جياس صغار ينلفون يصيرون علي شكل وردة او فراووله او يتسفطون
وبعضهم فيهم علاق اعلق واحد منهم بالجنطة
عشان لي شرينا بطل ماي او بسكوت او نبي نحط شي طلعت الجيس واستخدمناه
شفت وحده من تاجرات تبيع منهم
بس مااتذكر منو بس ان شاء تلاقونهم بالكويت لانه فكرتهم وايد حلوة وعمليه حق سفر وتتعلق بالجنطه

 

[q8sweeta]

وهذي صورة الاجياس مااعرف انزل صور
http://img.alibaba.com/wsphoto/v0/298376757/Folding-bag-rose-foldable-bag.summ.jpg

http://img.diytrade.com/cdimg/122957/8811892/0/1240580438/Strawberry_foldable_bag.jpg

الورده فيها علاق وهي اكثر شي استخدمها وفي اشكال ثانيه سادة طبعا
والفراوله الوان وهم حلوة

 

[usgirl]

انا بروح لندن وبما ان لندن كله خليجيين اكثر من الهم على القلب قررت البس عباتي

 

[كالورينا]

انا كنت رايحه برشلونه ومدريد وماربيا وهم مومتعودين ولاشايفين النقاب حتي البسي مانتوات ملونه احسن من العبايه الانها سوده وهم يستغربون من الاسود باسود مومثل لندن شايفين خليجين والعبايه عادى عندهم

 

[kawai]

عباية وشيلة ملونة من لون العباة!

وطبعا حجاب عدل مو القذلة برا!!!!!
المكياج واااااااااااايد خفيف
وشنطة كروس ونعول مريحة لقيتلي محل نعول ماركة ماليزية ناسبتني تنفع للكراف!!!
THM
اكتشفت ان النعول الفلات وايد وايد مب زينة لازم شوية مرتفعة

 

[كاتبة]

توني راده من سفرتي المشومه مع الوسيط موضوعي بالقسم

عن تجربه الشوز من سكتشر رياضيه وطبيه بارتفاع4سم
بالافنيو ب38 تقريبا فعلا سعرها فيها

جنطة الكروس عن تجربه كسرت كتفي ورقبتي

بالنسبه للنقاب شكثر اسود باسود وبالنقاب والبراقه وحتى البرقع الاماراتي مدري شسمونه
فالوضع عادي عنهم
بالنمسا او المانيا لان المهاجرين الاتراك 3ملايين فكثيييير محجبات يهبلون

ولااحد يستنكر اوشي

اعجبني لبس منقبه نقابها وملفعها وعبايتها لون واحد يارمادي او بيج ...

اهم شئ الترتيب بالللبس والراحه والبسااااطه

 

[قهوووه]

سكتشر وين مكانه يالافنيوز ؟؟؟

 

[كاتبة]

بالتوسعه..قبل لاتدشين المطاعم هذا فرعهم بالكويت الوحيد

 

[ام ريونتي]

أنا عن نفسي احب البس شي عملي ومريح ونفس الوقت ذرب ما ابهذل نفسي على بو سفره والمكياج خفيف ولا للكعب والجنطه كروس وبدله حق الكشخه اذا إحتجتها وبس سلامتكم
*

 

[غنيمة بوالريش]

بصراحة انا ودي احط موضوع شنو اللبس اللي ينرفزج بالسفر !!!!!!!!!!!!!!!!!! بس هم ودي على هالطاري انتقد بعض الستايلات الغريبة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
يعني ليش السكارف اللي رابطة في شعرج ومطلعة التراجي لي الكتف يعني هل هذا حجاب !!!!!!! بصراحة شكلها غريب جدا اكثر من الحجاب لا ووين بلندن ام العرب والحجابات اكثر من السفور

ومع احترامي لبعض الخليجيات المنقبات سمحولي سمحولي ليش اللثام المشجر اللي حلطته كانه نقاب والله ان يخوف وايد وموحلو لو نقاب سادة ذرب ترا شكلج مايخوف وناعم والاهم انهم تعودو علينا وعلى الحجاب والتقاب

 

[عيون&الريم]

عندي حرية الاختيار بالبس اللي يعجبني
على حسب الطلعه والجو