شنو سويتي او شنو راح تسوين عشان تاخذين بيت العمر

[سلمى الخير]

يالله خنتبادل الاراء اغلبنا ساكنين بشقق والايجارات صارت نار

تصدقون كنا ناوين ناخذ قرض بس من سمعت سالفة المحامي خالد العبدالجليل وايد ترددت بسبب الفوائد المركبه

وحتى لو ناخذ قرض ماراح يعطونا اكثر من 40 الف

مافي بيت بهالسعر الحين

واذا قعدت بالايجار اموت من القهر بسبب هالمبلغ الي ينقص من ظهورنا كل شهر 300 دينار وشقه صغينونه ماتسوى

والبعد شين

انتو شنو تفكرون تسوون خلونا نحط ارائنا مع بعض وهمومنا مع بعض وندردش شوي

ناطرتكم:68_asmilies-com:

 

[hmama]

هلا حبيبيتي

لا تفكرين تاخذين قرض كلش

صدقيني كلها ربا في ربا

وانا ناطره بيت الحكومه .. والله كريم

 

[roseq8ty]

الحال من بعضه مشكله الأسعار كل مالها وترتفع اكثر ،،

احنا صاحب البيت رفع علينا الإجار من 280 الى 500 دينار ويا الدفع يا بره عاد تفاوضنا معاه الى 380 هذا كل اللي نقدر عليه وعطانه مهله سنه.
والسنه بتخلص اوين ما نطقها عويه اذبحتنا الأقصاد ....

شكلها بنقعد اجار العمر كله

 

[bedour18]

(سلمى الخير) مووعج بالصميم و الله

احنا نفس الحالة مع هالأجارات الغالية على شقق صغيرة !!! و تحسين الشهر يطوف بسرعه و احنا بس ندفع بهالأجارات

و القروض مصيبة حلاام عليهم الفوائد بروحها كثر قيمة القرش و يمكن اكثر بعد

الله كريم

أنا عن نفسي كل شهر احط لي مبلغ على صوب
وانا ادري انه مايكفي و لا شي بس شاسوي أتأمل انه اسعار العقار تنزل فجأة

 

[الفاتنة]

ابي بيت اليوم قبل باجر .............. طقت جبدي

 

[الــدانــة]

شكرا على الموضوع

 

[espresso]

خووووووووووووووووش موضوع ..

آنا وريلي فكرنا بشقة تمليك بو 40 الف بس ترى خوارة يا بنات لا تصدقونهم الا لما تشوفين الشقة بام عينك
تبقى لك مشكلة العزابية .. ما تضمنيين المالك اللي يمك ايأجرها على منو ؟؟
و الحين احنا على الله و على الاسكان يوزعون بيوت و تنزل الأسعار

 

[lamsety]

والله على هالاسعار الي طايره فوووق ما لنا غير بيوت الحكومه

 

[roseq8ty]

ويه على ما يطلع بيت الحكومه الا احنا مشيبين

 

[hmama]

الحال من بعضه مشكله الأسعار كل مالها وترتفع اكثر ،،

احنا صاحب البيت رفع علينا الإجار من 280 الى 500 دينار ويا الدفع يا بره عاد تفاوضنا معاه الى 380 هذا كل اللي نقدر عليه وعطانه مهله سنه.
والسنه بتخلص اوين ما نطقها عويه اذبحتنا الأقصاد ....

شكلها بنقعد اجار العمر كله

حبيبتي ما له حق يرفع الايجار الا بعد خمس سنين من عقد الايجار

 

[رفرف]

ناطرة بيت الحكومة لأني مالنا أمل نشتري بيت بالاسعار الحالية ...

احنا الحمدلله معاشاتنا زينة انا وريلي وسنيييييييييييييييييين نشتغل ونيمع وبيخلص عمرنا ونزوج عيالنا ولا راح نيمع فلوس البيت ..

اللي قاعدين على معاش واحد او معاشاتهم ضعيفة مساكين شيسوون ؟

الا الواحد يصير مليونير علشان يقدر يشتري بيت او خرابه او اللي اهوه ؟؟


بس قلبي عورني ..
بدلع عيالي وادلع روحي ولاني ميمعة وبنطر بيت الحكومة ..

 

[ام جسومي]

ايييييييييييييييييييييييييه .. جبتها عالجرح وجنك مادريت

انا كل يوم افكر بهالسالفه .. مادري شنسوي؟؟
انا قاعده في بيت حمولتي والشقه صغيره علينا ودنا نطلع بس مو قادرين الاجارات غاليه .. واحنا نبي بمناطق قريبه (داخل العاصمه) وهذي المشكله ..
صغيره ب 400 دك .. شنو هذا ؟؟

اقعد انا و ولدي وزوجي بهالشقه بس ؟؟؟

والله قاعده افكر اقعد بهالضيج وله اني اطلع بشقه..
وعلى قولة رفرف

انا وزوجي قاعدين انيمع مبلغ بسيط كل شهر بس لو شنو ماراح نقدر انيمع مبلغ البيت
وهمعلى قولة رفرف ابي ادلع نفسي وزوجي وعيالي مابي احسر فيهم ..

 

[أم الحلوة جمان]

مالنا الا بيييييييييت الحكوووومة .....


أنا أول شي كنت أيمع .... الصراااحة في البداااية كنت أحرم نفسي على ابو اني ايمع .. و الأسعااار كل يوووم تزيييد نااار ...
حسبتها لو أقعد أيمع دهر ماكو فايدة البيوت كل مالها و تزيييييد ...

فعلى قووولة رفرف .... ليييش أحرم نفسي .. خل أدلع نفسي و اعيااالي و زووجي ...

يالله ونااسة شكلنا بنصيير كلنا جيرااااان ...

 

[لوكريسيا]

و انا بعد بنضم لكم و بنطر بيت الحكومة

الله كريم

 

[أغلى حبيبه]

اي والله كل شي ناااااااااااااااااااااااار

حتى بيوت الحكومه اللي من سنه الطفه نااااااار

والله يتلنا جم فرصه قبل لايرتفع كل شي

بس سبحان الله

الله مو كاتب

فبننطر الحكومه

الحين اوصلو 94
يلا مابقى شي على 97

 

[القرآن ربيع قلبي]

اااااااااااااااااااااااااااااااااااه اااااااااااااااااااااااااااااااااااااااااااااااااااااااااااااااااااااااه اااااااااااااااااااااااااااااااااااااااااااااااااااااااااااااااااه اااااااااااااااااااه ااااااااااااااااااااااااااااااااااااااااااااااااااااااااااااااااااااااااااااااااااااااااه اااااااااااااااااااااااااااااااااااااااااااااااااااااااااااااااااه اااااااااااااااااااااااااااااااااااااااااااااااااااااااااااااااااااااااااااااااااااااااااااااه ااااااااااااااااااااااااااااااااااااااااااااااااااااااااااااااااااااااااااااااااااه اااااااااااااااااااااااااااااااااااااااااااااااااااااااااااااااااه اااه اااه ااه اااااه اااااااه اااااه اااااااااااااه ااااااااااااااااااااه ااه اه اه اه ===== بس انقطع نفسي وانا اصيح نفس المعاناة واعتقد بدون تعليق اه اه ااا ه

 

[ام مضاوي]

الله يعينكم بس

هذا الي اقدر اقوله

انا ساكنه بشقه فبيت حمولتي وموقادرين نجمع فلس
ويالله بس نقدر ندلع انفسنا اول الشهر

ومعاش زوجي راهي بس انا معاشي يعني مايغطي شي كبير

 

[زيـنـه]

موضوع الاسكان و بيت بالكويت يعور القلب
و على كثر ما تيمعين على كثر ما ينصرف منه
و ماكو فايده لانه العلاقه طرديه .. تيميعين و تزيد الاسعار و هكذا

عموما عسى الله يرزقنا وياكم بيوت تضفنا و تضف عيالنا و نتهنى فيها بشبابنا .

 

[لوكريسيا]

آمين

 

[شهدQ]

امبيه صج معناة

انا بيتي بام الهيمان

الحمدلله اسمه بيت تمنيت ابدل بسبب ريحة الغازات الكئيبه لكن الاسعار ناررررررررررررر

البعد ماهمني الي همني هالدخنه الي الله يستر من عواقبها

بس تبون الصراحه

البيت مهما كان يظل بيت يريحج من الايجار ومن منة فلان وفلنتان

وان شاء الله تتعدل الريحه ونستقر استقرار ذهني لان البعد خلاص تعودنا عليه