شنو شريتي اليوم ؟؟؟ شاركينا بالصور (الجزء الثالث)

[منورة الكويتية]

أمبيه بنات انا نمت يمكن ساعه وفزيت على حلم يخرع ويضحك
حلمت ان الهنود والبنغاليين يفترون بالشوارع ويذبحون الكويتيين
ياريتني ما نمت هالساعه طلعت من جبدي
لا والهندي يقولي تعالي مياو مياو قطيعه قطيعه

خخخخخخخخخخخخخخخخخ

ياني تسدحت ضحك

لاا ويقول مياو مياوو خخخخخخخخ

لاتنسين اذكاررررج

فطستيني ضحك

 

[ام مضاوي]

عليكم بالف عاااااااااافيه


انا طلبت جم جنطه من bebe
اول مايوصلون ان شاءالله بنزل صورهم

 

[DoDo_Q8]

عليكم بالعافيه..

 

[FOZQ8]

دوناي الشر ما اييج قلبي .. الشكر وايد يشوق بالعافيه عليج حلوا الألوان لما تزين صينية الجاي


مس تايقر حياتي والله الشر ما اييج

أم الحلوه جمان الله يسلمج ويخلي لج جمووون بصحه وعافيه


طيف ابتسامه .. الشر ما اييج عمري .. والله من نايحة الاهتمام إي بس وايد متردي من ناحية الزحمه وبعدين الزياره صارت مفتووحه بكل وقت وشوووفي الازعاج حتى يهال يدخلون .. وااي ايام قبل شنو التزاااام يخرعووون وقت الزياره وقت محترم وتخافين اصلا تتأخرين
بس احسن من الحكووومه اكيد اكيد
كافي دكاترته .. اولهم دكتور القلب اللبناني كباره يهبل تبارك الرحمن شايب بس شنوو خبره وعقل وتواضع تخيلي لما يسولف مع أبوي يلمه كل شوي !! شنو هالنفسيه مشاء الله عليه وايد احبه هالدكتووور ويعرف ابوي من سنين


الاسطووريه
اي حبوبه كاهي صارت عندي وايد تهبل امبيه جسمي طلع مرتب حده وراح البس جينز نفس اللون اللي بالصوره .. يعاااافيج يا ذوووق


المستشاااره .. توني أثبت هذا ميزان ؟؟ شكله يشوق .. بالعافيه عليج وسشوار باناسونيك هذا انا ما أغيره وايد عملي وسريع وسهل


نعومه .. مقاساته تلبس ميديوم وسمول
ومرااات لارج
انا ألبس مرات جذي ومرات ببعض اللبس اكبر لارج مادري شلون
انتي طلبي وشوفي ترى مقاساتهم غريبه مرات ميديوم يلبس لارج ومرات لارج ما يلبس الا سمول !!



رافينا ياسلام على المشتروات .. احلا شي سوالف الكتكوته تونس
بالعافيه عليج .. الجنطه حلوا



منوووره هههههههههههه .. اي والله حلم يضحك بس يخرع شلون مادري
يعني قعدت مخترعه بنفس الوقت أبي اضحك
لااا وبالحلم كنت بمواقف الافينيوز واااي التسوق داش حتى بالحلم
بس للحين مادري ليش يقولي مياااو ؟؟ بالحلم ماكان في ترجمه عشان أفهم :dddds:

 

[بنت الكويت العسل]

بالعافييييييييييييييييييييييييييييييه عليكم كلكم

 

[شندوخه]

علييييييكم بالعافيه بنات تتهنون باغراضكم

فوز حبيبتي عسا الله يشفي الوالد يخليه لكم ويطول بعمره

 

[زيـنـه]

عليكم بالعافيه المشتروات

دوني الشكر من وين ؟؟

 

[chocolate cake]

الله يعافيج يا قلبي عيونج الحلوه

الجنطه شاريتها من الافنيوز من محل every moment .. المحل يكون فوق
بالسايد اليديد اللي فتحوه ورا برووي .. والجنطه حجمها medium وسعرها 49,750دينار ..

حياج الله

مشكووووره حبيبتي على ردج و عليج بألف عافيه

انا سألتج لاني لقيتها هني بأمريكا

بس المحل مو موجود بالكويت


حلوة عليج بالعافية حبيبتي

 

[* Na3oMa *]

نعومه .. مقاساته تلبس ميديوم وسمول
ومرااات لارج
انا ألبس مرات جذي ومرات ببعض اللبس اكبر لارج مادري شلون
انتي طلبي وشوفي ترى مقاساتهم غريبه مرات ميديوم يلبس لارج ومرات لارج ما يلبس الا سمول !!


:dddds:

سكتي والله فيلم هندي بغيت اشتري 5 قطع ومستانسسسسسه وبعدين شفت كبتي مقاس الـ uk تقريبا انا البس بين 14 و16 وبهالموقع ماكو بهالمقاسات ضاق خلقي معني انا موبطه وزني بالستينات بس مادري خفت اشتري جان اشتري اكسسوارات عن خاطري :0bee2e8d89:

 

[قوطي نيدو]

بالعاااااافية

 

[ام كتكوت]

فوز مايشوف شر الوالد عسى ماشر

وباجي البنات عليكم بالعافيه

 

[DooNy]

السلام عليكم

بنات الشكر من جمعية النزهه

 

[^^عاشقة النوتيلا^^]

بناااااااااات شنو هذا موقع نفنوفي ؟؟؟

المستشاره الميزاااااااان يشوووووق بس يخرع من زجاج خوفج توقف فوقه وحده بطه وينكسر وتبتلشين لووول

لا عادي نعومة انا عندي مثله زجاج :dddds:ما ينكسر

 

[* Na3oMa *]

لوووووووووووووووووووووووووووووووووووووول شتبين ام جميل خانم ماسالتج انا

 

[supermarket]

عليكم بالعاافية بنات

رونة : خوش حلم مياو مياو

فوز : مايشوف شر الوالد ويطول بعمره ان شاء الله

ترى الشكر الملون ماخذته من شهرين من جمعية بيان وفي منه بعد بالهيل والزعفران

 

[ام كتكوت]

عليكم بالعافيه مشترياتكم ...

من جم يوم شريت عطرين + دهن عود2 + توله بخور

من باكستاني كان يترزق الله بالدوام هو وجنطته




الصراحه الدهن عود روووعه وتنقصتهم لامي والعطورات خليتهم حق الدوام والخيسه ساعات من بعض المراجعين الله يهديهم ويتسبحون

والبخور للبيت بعد الطباخ وايد حلووو

المجموع:10 د.ك

وهذي توزيعات من امي حبيبتي محصلته (شبه وحرمل + هيل + سكر بالزعفران )

بره وداخل







وبس

 

[بنت الكويت العسل]

مشترياتي

طبعا لبن وروب اكتيفيا-شيلات-لزقات الثلاجه-اقلام ونوته-بسكوت وككاو-ديتول -ليمون وزنجبيل وفي غيرهم بس الكسل

 

[كوب حليب]

أم كتكوت العلب البيضة الي محطوطة فيها التوزيعات وااايد حلوه ما شاء الله من وين لو سمحتي ؟؟

 

[د.شريفة]

ام كتكوووت عليج بالعافيه الاغراض والبخور
ذكرتيني احنا بس نشتري حق المراجعين من الخيسه مساكين اييووون من بره بالحر ويدشون عندنا مانلحق من البخور
حبيت اسألج من وين العلب الصغار اللي عليهم صور الكعبه الله يخليج ضروروي

 

[ام كتكوت]

هلا حبيبات قلبي
مشكورين من ذوقكم

ع العموم التوزيعات امي عطتنياهم من بيت وحده

بس اعرف من وين اوعدكم بقولكم لاني بالفعل مادري والله سوري