شنو صار فيج لمن سمعتي عن الحريق ؟؟

[بتبوتااا]

اي والله كااارثه

 

[..ج ـوهرهـ ..]

الله يرحمهم برحمته

والله يشفي المصابين ويكون بعونهم وعوننا
والله شي يألم ويحر اللي صار

انا كنت بمنتدي سعودي ولا اشوف كاتبين بشريط
الاهداءات يعزون الكويت بصراحه استغربت ورحت
ركض اشوف التلفزيون ولا ماكو شي الكويت والراي
والوطن كلهم ماكو شي استغربت ورجعت للمنتدي ولا
وعضو ثاني كاتب الوفيات 53 انا هنيه طقتني البوهه
قلت بسم الله شصاير ورجعت للتلفزيون ولا اشوف الخبر
ااااااااااااااااااااه يا قلبي عليهم
وحسبي الله علي من كان السبب راحو بدقايق

 

[بتبوتااا]

عيب اعلامناا انه ما يستوعب الا لمن السالفه تكبر !

 

[بتبوتااا]

اب اب

 

[وهج الحب]

السلام:
زوجي من محبين ابو عيدة وقاعد يشوفة وانا اتسلى بالشريط الاخباري الا اشوف حريق وغيرة وحطيت على الوطن الا يقولون عن الحريق انا ما كنت اعرف ان فيه مقتولين وقاعده اقول يارب احفظ يا رب احفظ اكررها عدة مرات الا زوجي اقري هناك فيه ناس ماتوا وحطينا على الجزيرة الا ذاكرين ان حريق في عرس وان هناك ناس ماتوا والله قاعدين انا وزوجي مشدوهين ما نتكلم بس نلاحق القنوات ...
وفيه الليل وانا بنام والله كأني مجنونه قاعدة اقول صدق الدنيا صغيرة وتافه وارفع يدي جدام عيني واصغر بين الابهام والسبابه واردد الدنيا صغيرة هالكبر لاءء هالكبر والله اللي يشوفني يقول مجنونه

 

[منوووووله]

انا كنت قاعده اقلب بالقنوات الساعه 4 الفير ولا اشوف بشريط المسجات مال الوطن عظم الله اجركم يالظفير وكله تعازي اخترعت

وقلبت ولا الاخبار والاسعاف انصدمت @@

ورحت اركض حق ريلي اقوله الخبر قالي لاحول ولاقوة الا بالله

ومن يومها ووانا ماعندي غير اتابع الاحداث :/

 

[sanforaa]

بالبدايه قلبي عورني عليهم وقلت الله يصبر اهلهم قبل لا اعرف جم ضحيه ....
ولما عرفت الضحايا صج قعدت اتخيل اهلهم وشفت التلفزيونات واللقطات اللي حاطوها دمعتي نزلت حرام

وانقهرررررررررررت اكثثثثثثثثثثر وقلبي عورني زياده لما دريت ان هالكارثه بفعل فااااعل .. الله يجازي االلي كان السبب

 

[كويتيه 82]

انا شفته خبر عاجل على الراي

وبعدين خذيت التفاصيل من المنتدى

واذكر كان فيه موضوع حذفوه كان يقول انه الزوجه هي السبب سبحان الله

بس حسيت نفسي مصدووومه واتخيل اشكال الحريم شلون طلعوا من بيوتهم ومخلين عيالهم
واغراضهم وحوستهم وشلون ماردوا

واتخيل عيالهم ينتظرونهم

من الصصدمه مانمت الا ثاني يوم الساعه 9

وطول الليل قاعده على حيلي اتلفت على عيالي وهم نايمين

واتحسر على اللي امهاتهم راحوا بالعرس

بس خلااااص مابي اعيش الموقف مرة ثانيه

 

[.:!:. ونس .:!:.]

انا كنت توني راده من بيت اختي
واحنا بالطريق دقت اختي على اخوي
وتقوله انه في حريق سار بعرس
انا توقعت انه عادي يعني حريق بس مافي ضحايا
رديت البيت شبكت شوي ونمت
لما قعدت اليوم الثاني دريت انه في ناس ميتين وناس مصابين
الله يكون بعونهم
والله حزنت عليهم حيييييل ولي الحين حزينه ومتضايقه
الله يرحم الشهيدات
ويشافي المصابات
والله احاتي المصابات باجر لطلعو من المستشفى وطالعت بالمنظره وشافت اثار الحريق شلون بتكون نفسيتها
حيل رااح تتاثر نفسياتهم
الله يكون بعونهم

 

[ام سعود ديكسون]

اول ما سمعت الخبر كان بشريط الاخبار بالراي ومكتوب عاجل بس لما تبينت التفاصيل انقمت و ضاق صدري مدري ليش رديت بذاكرتي لجو الازمة والغزو نفس الشعور تمنيته حلم بس للاسف واقع و انكتب من رب العالمين
ويوم سمعت انهم شاكين ان السالفة فيها شبهة جنائية قلت حق نفسي لا استحالة انا بالكويت ليش احنا وين قاعدين علشان يصير كل هذا بديرة الخير لا وقبل رمضان بفترة قصيرة احنا ديرة مسالمة ما عندها هالخرابيط اكيد اشاعة ياربي للحين منصدمة
كتبة رب العالمين مالنا اعتراض علي قضائه وقدره

 

[Om ToOoTa]

انا كنت اكلم حماتى بالمسن

وتقولى شوفي حريجه بالجهرا

قلت لها ويييه مالى خلق اشوف حرايج

الحين اييون المطافي ويطفونها << توقعت نفس العرس الأولي


وثانى يوم كان عرس اختى فبالصالون كنت اسمع كلام وانا مالى خلق افكر بولاشي

ثالث يوم بديت ابجي عليهم وحسيت فيهم

 

[maraiem]

انا كنت طالعه رايحة بيت يدتي .. وهناك عرفت من التلفزيون .. ودخلت في حالة من الصدمة .. وحسيت كل الطاقة انسحبت من جسمي .. بس ما بجيت الا لمن رجعت داري اخر الليل .. اهني انهرت .. وتخيلت نفسي بالخيمة معاهم .. وبدت فيني رجفة .. لي يومكم واهي تروح وترد .. وحاسة بصده بقلبي .. من كل شي حلو .. ومن الالوان .. والفرحه .. دووم استغفر وادعي لهم .. وافكر فيهم .. وفي اللحظات الاخيره لهم .. ودووم افكر في بيوتهم اللي خلت منهم واهلهم .. وفيهم بقبورهم .. اااااااااااااااااخ يا قلبي .. مثل الورد .. خدهم الناعم اذا ظل منه شي توسد الغبره .. لا حول ولا قوة الا بالله العلي العظيم .. ومرات اتخيل نفسي نصره .. والله اني من اتخيل اني بمكانها الحين تفز روحي واحس برقعه وقلبي يرجف بسررررررررررررررررررررعه اطرد الفكره من راسي .. من هول المصيبه والذنب .. شلون اهي عايشه مع روحها بهالجسد .. لا حول ولا قوة الا بالله .. يالله يارب لا تبلينا .. ولا تفتننا .. ولا تجعل مصيبتنا في ديننا .. واحسن عاقبتنا يارب .. ولا تفجعنا بعزيز يا كريم

 

[نورهـ]

انا كنت قاعده انا واهلي بالصاله والاا يطلع الخبر بس ماعطيناه اهميه كملنا سوالف على بالنا مثل الحرايق العاديه والاا شوي يدش علينا اخوي يقول شوفو شكثر اللي ماتور انصدمنا ماتوقعنا يكون فيه ضحايا بالكثره هذي وقعدنا نتابع والمصيبه يوم قالو انه بقعل فاااعل هني متنا قهر وحزنا حيييييل وربي قعدت اتخيل نفسي معهم ونمت وتحلمت فيهم واني اطالعم وهم يحترقووون حسبي الله على من كان السبب وانا لله وانا اليه راجعون

 

[نورهـ]

انا كنت قاعده انا واهلي بالصاله والاا يطلع الخبر بس ماعطيناه اهميه كملنا سوالف على بالنا مثل الحرايق العاديه والاا شوي يدش علينا اخوي يقول شوفو شكثر اللي ماتو انصدمنا ماتوقعنا يكون فيه ضحايا بالكثره هذي وقعدنا نتابع والمصيبه يوم قالو انه بقعل فاااعل هني متنا قهر وحزنا حيييييل وربي قعدت اتخيل نفسي معهم ونمت وتحلمت فيهم واني اطالعم وهم يحترقووون حسبي الله على من كان السبب وانا لله وانا اليه راجعون:0bee2e8d89:

 

[++The DuchesS++]

انا كنت بالبيت اطالع الوطن ولمن شفت الخبر على طوووول ادقق على حمولتي لانهم بالجهرا
واتطمن عليهم والحمدلله محد منهم كان بالعرس بس يعرفون وايد رفيجات لهم توفوا وامهاتهم
الله يرحمهم ان شاء الله
للحين انا مصدووومه والله كل ما اتذكر
ريلي يقول رفيجه يسولف عن واحد يايب مرته من العراق عشان تحضر العرس ويردون وتوفت
يدفنها ويبجي مو مصدق الله يرحمهم كلهم يااااارب

 

[Maryomah_q8]

كنت بمنتدى ثاني فجأه ولا البنات يترحمون على أهل الضحايا حطيته عالوطن وحاطينه خبر عاجل
وانصدمت من الخبر جنه حلم مو صج والغريب بعد بوقته اشكثر بنات يقولون ويأكدون ان زوجت
المعرس اهيا السبب مايمدي يحققون بالحريقه سشالفه كل شئ صار بسرعه

 

[أحلى روان]

أنا بفهم لي متى بتحجون عن نصرة الجرايد طاخة ناطرين التحقيق والقضاة وانتوا ما بقى شي ما قلتوه ليش؟
شنو تستفيدون ولا شي كل موضوع ماله داعي والله خلاص لي متى ما ادري

 

[Miss independent]

انا كنت ادرس الفاينل يومها ووصلني بالبلاكبيري مسج قلت اكيد اشاعه نفس اشاعه الهيلوكبتر
بس قعدت ادق على رفيجتي الظفيريه الي بالجهرا ماترد اهني خفت
ونطرت شوي جان ادق على رفيجتي الثانيه هم بالجهرا جان تقولي مشالله بسرعه وصلكم الخبر
وهالحجي صار ولي الحين ماكو شي بالتلفزيون !!
وقعدت انطر لين رفيجتي الظفيريه تدق علي واطالع التلفزيون
جان ايحطوون الخبر
شوي ولا الاخت ترد تقول مانتبهت ع التلفون
بس صج صج كنت احاتيها
وبعدين ماقدرت انام ايام الفاينل بسبة التفكير من العرس
الله يشافيهم ويرحم موتاهم