شنو علاج الدمل

[الدوريف]

بصراحه مالي غيركم اشكي لكم همي لان طلع فيني دمل في منطقة الحساسه من ورا يعني لا اقدر اقعد او انام او اوقف بعد صارلي ثلاث ايام رحت للمستوصف عطاني مضادات حيويه ومرهم الاسود بس مافي فايده

عطوني من تجاربكم اذا احد صار لها هالشيئ او تعرف علاجها؟​

​

 

[حبيبته آنا]

وااااااااااي الله يعينج اهو بروحه من غير شي يذبح من العوار هالمره بهالمكان صج صج الله يكون بعونج
الله يشافيج ان شالله وترا احسن شي لعلاج الدمل اهو المرهم الاسود بس نصيحه روحي لدكتور او دكتورة جلديه
وماتشوفين شر يالغاليه

 

[الدوريف]

وااااااااااي الله يعينج اهو بروحه من غير شي يذبح من العوار هالمره بهالمكان صج صج الله يكون بعونج
الله يشافيج ان شالله وترا احسن شي لعلاج الدمل اهو المرهم الاسود بس نصيحه روحي لدكتور او دكتورة جلديه
وماتشوفين شر يالغاليه

جزاك الله خير على الرد اي والله الله يكون بعوني وشايله هم لان بالويك اند بنروح للشاليه (الله يشافيني ان شاء الله)

 

[حبيبته آنا]

شوفي خذيتلج هالمقتطفات واتمنى انها تفيدج

الدمامل

الدمل هي اندفاع جلدي مؤلم يظهر في المناطق المشعرة
يحدث عادة حول جريب الشعرة بشكل اندفاع قاس مؤلم و الذي في كثير من الاحين ينفتح مع الوقت و يخرج الصديد للخارج
عادة ما يحدث بسبب نقص مناعي موضعي بالجلد بسبب التهيج الناجم عن التعرق او الحلاقة او اي جرح بسيط اخر و اي شكل من اشكال الفرك
حيث يسبب ذلك مدخلا للجراثيم الى طبقات اعمق من الجلد
حيث تبدأ الجراثيم بالتكاثر مشكلة ما يسمى بالدمل
كما انها تكثر عند حدوث نقص مناعة جهازي مثل داء السكري او لدى المرضى الذين يتناولون ادوية منقصة للمناعة مثل مرضى زراعة الاعضاء
العلاج :
ينصح المرضى بعدم عصر الدمل و يجب تناول مضاد حيوي مناسب مثل مادة الفلوكساسين او حسب ما يراه الطبيب
و عند تكرار مشكلة الدمامل لا بد من اجراء تحاليل لنفي الاصابة بمرض داخلي مثل السكري
عنما تصبح الدمل طرية في المنتصف ينصح حينها بالشق الجراحي من قبل الطبيب المختص لطرد البكتيريا و الصديد نحو الخارج
و اكرر انه يمنع عصرها لأن ذلك قد يؤدي لانتشار البكتيريا و ظهور الدمل في مكان اخر من الجسم

 

[نووووونا]

الف سلامه حبيتى

الدمل عباره عن اللتهاب (( صديد )) داومى على المضاد الحيوى مو اقل من اسبوع

والمرهم الاسود بيساعد ان شاءالله على فتحه,,,

والله يكون بعونج !!!!!!!!!

فى مثل ينقال عن الدمل مااتدكره بالضبط بس ادا واحد لزقه يقولون عنه

مثل الدمل ما يطلع الا بالضيج((المكان الضيق ))

وما تشوفين شر @@

 

[حبيبته آنا]

علاج الدمامل بالطب البديل

الدمل ورم احمر اللون في الجلد مؤلم وصلب ، وينتج عن التهاب حاد في الغدد الدهنية وعن غزو الجلد بالميكروبات عن طريق البصيلات الشعرية وفتحات الغدد العرقية أو عن طريق الدم من بؤرة تعفن في الجسم تحتوي على الميكروبات العنقودية أو السبحية ، وقد تنتج أيضآ عن اصابة الجلد ببعض الامراض الطفيلية كالقمل والجرب ، ومن العوامل الممهدة لحدوث الدمل، الاحتكاك وامراض السكري

من افضل العلاجات البديلة "لبخة الحلبة"

حيث تستخدم لبخة الحلبة لمعالجة الدمامل الخراريج، ويتم عمل اللبخة بوضع كمية من مسحوق بذور الحلبة في وعاء به كمية من الماء وتقلب المزيج حتى يصبح كالعجين الرخو ، ثم ينقل الوعاء ويوضع في اناء آخر أوسع منه وبه كمية من الماء الساخن إلى درجة الغليان تصل إلى ثلثي ارتفاع اناء المزيج، ويستمر في تحريك المزيج لمدة 10 دقائق حتى يتحول لونه إلى الغامق وقوامه كالعجين المرن حيث تكون اللبخة قد أعدت ، وتستخدم بمفردها ساخنة على المكان المصاب ويغطى بطبقة قماش وتجدد مرارآ

من العلاجات الموضعية الاخرى:

- يطلى الدمل بعصير الحامض أو يطحن الفول ويمزج بالماء ويوضع على الدمل
- يدلك الدمل بثمرة الزيتون بعد نزع قشرتها
- تسحق كمية من حب الصنوبر وتمزج مع بعض الطحينة حتى تصبح كالمرهم ، وتوضع على قطعة قماش ثم يكمد بها الدمل ، وتترك عدة ساعات ثم ترفع بعدها عن الدمل ، فإن لم يخرج القيح تكرر العملية .
- 10 غرام عصير ثوم +90 جرام ماء + 30 جرام كحول سبرتو ثم تضمد الدمامل بهذا المزيج
- يستخدم اللبخ المصنوعة من مهروس ورق الخبيزة في معالجة الدمل
- مزيج من عصارة الجزر ومسحوق الفحم الخشبي ، وذلك بمزج العصير مع 8 اضعافه من مسحوق الفحم وتركه للتخمر حوالي 24 ساعة ثم يوضع مرة أو مرتين على الدمامل في اليوم الواحد
- من الممكن استخدام الحليب بطبخها مع العسل النحل ثم تضمد الخراريج والدمامل بهذا المزيج
- طبخ الثوم مع اللبن ويوضع على الدمامل

ومن العلاجات الاخرى:

- يغلى عشرون غرامآ من جذور الهندباء في فنجانين من الماء حتى يبقى فنجان واحد، ويشرب الفنجان في النهار على جرعات متعددة على أن تكون كل جرعة ملعقة صغيرة.

- ينقع خمسون غرامآ من ازهار الاقحوان في ليتر من الماء المغلي مدة سبع دقائق، ثم يصفى ويشرب فنجانان خلال النهار

 

[الدوريف]

حبيبته انا
تسلمين على هالمعلومات تصدقين بعد قبل شوي قالولي احط مره عليها كل شيئ بسويه المهم تروح

نجد
الله يسلمك ومشكوره على الرد وانا الحين اخذ مضاد حيوي واحط المرهم الاسود وعلى الله ان شاء الله وصاجه هالمثل نقوله حتى لليهال اذا اندعسوا بالضيق نقولهم انتوا دمل

 

[كلي رومانسية]

حبيبتي ما تشوفين شر انشاالله .. أنا جذي صارت فيني 3 مرات تطلع بالمنطقة الحساسة وأروح المستوصف يعطيني مضاد ومرهم .. وكنت اغتسل بماء ملح وايد وايد زين وحتى البابونج نصيحة والله جربي ما راح تخسرين شي والله يعينج عليها لانها صج تعور وايد ومكانها وايد حساس يعني اي حركة تتعورين منها والله حاسة فيج

 

[قلبوو انا]

يااااااااااعمري عليك انا نفسك طلع لي بالمنطقه الحساسه

وعطوني مضاداات والكريم الاسود رهيييييييب

وحطي يدك عليها واقري الاذكار والمعوذات والله اكبر 7 مرات وانفثي عليها تريح حيييل ,,,


الله يشفيك ياقلبي

 

[د.شريفة]

عليج بالمره

 

[нάγoηά cнεмίsтяγ]

يآبعـد عمري عسى الله يشـافيج انشـالله . . . الدمـل له أسبـاب وايد ويختلف عن بعـضه
يعني إذا ما راح بالمرهمـ الأسود والمضادات الحيـوية يكون فيه شي ثاني لازم تروحيـن اهنيه الجلديـة مو العامـ
( هذا إذا بحالـة ما نفـع وياج يومياً لا مضادات ولا المـره ولا المرهم الأسود )

آنا كنت أعاني منـه من زمـان لأني استخدم لمرهم والمضادات ما يـروح واستخدمـت المـره وكنت على طول اتسبح وأنظف المكان بغسـول خاص للمنطقـة بس ماكو فـايدة إهنيـه حسيت ان السـالفه مو سـالفة دمل صغيـر وبس يعني لازمـ أروح الجلديـة أعرف السبب

و بهالمنتـدى سألت سؤال بموضوع الاستشارات عن الدمل ولمه وصفـت حق الدكتور شـكله قالي هذا مو دمل بس يشـبه الدمل وهذا عبـآره عن التهاب بالغدد . . .

حزتهـا قلت لازم اروح الجلديـة المضادات ما ينفعـون


>> على فكـرة جربت آكل قفشـة عسل طبيعي كل يوم الصبح على الريج سبحـان الله والله انصدمت ان الدمل قاعد يروح ماني مصدقـة أقول لا هذا أكيد مو من العسـل لـووول سبحان الله جربيـه راح تنصدميـن نفسي .. لأن العسل يعتبر من العلاجات اللي تقض على الإلتهـابات بالجسمـ والدمامل كلها اتيي من التهابات . .

مع العلمـ العسل اللي كنت آكلـه اهوه ( عسـل السدر )



الله يشافيج يارب

 

[حناينq8]

حبيبتي

المرهم الاسود ممتاز

حطي على الدمل وغطيها بشاش


يومين وراح تطلع خراج


وماتشوفين شر يقلبي

 

[غلاي غير]

واااااااااااااي طلعلي واي مت من العذاب شوي وابجي من الالم واي ما اقدر لا اقعد ولا انام عذاااااااب


رحت الصيدليه عطاني

مرهم اسود

مضاد حيوي الي عليه صورة اسد

وشاش ولزاق

وحبوب مسكنه لما اكلها ارتاح من الالم 70%

المهم مره احط المرهم الاسود وبعد 6 ساعات المرهم المضاد واحط شاش ولزاق والحبوب مرتين باليوم

وانا الي فيني كان وايد كبير وايد كبر الصحن الي ينحط عليه الفنجان للقهوه التركيه مورم حده ملتهب وفيه مثل الراس كبر الغطى مال ماي الصحه (للتوضيح)

وبعد العلاج الي طول اكثر من 5 ايام قالتلي امي لازم تضغطين عليه وتطلعين الي فيه والا ماراح رتاحين

صج يعور بس هذا الحل

ضغطت من كل قلبي وطلع بلاوي من دم ونقط سود وماي وصغرت لي النص بس تعبت حطيت مرهم اسود واكلت مسكن ونمت

ومن باجر سويت نفس الشي ضغطت وحطيت مرهم اسود واكلت مسكن ونمت (طبعا ما ننسى كل 6 ساعات ننظف ونحط المضاد او المرهم الاسو)

بس بعدها ارتحت وراحه ما بعدها راااااااااااااااحه الحمد الله والشكر الفال لج

 

[الدوريف]

كلي رومانسيه
غلا انسان
د.شريفه
samrah_86
حناينq8
غلاي غير​

الله يعطيكم الف عافيه وماتشوفون الي شفته من هالدمل واعذروني على التاخير بالرد لاني كنت بالشاليه
ابشركم اني رحت لدكتور جلديه وفتحها لي .​

 

[حناينq8]

حمدلله على سلامتج يقلبي