شنو علمتج الدنيا ؟؟

[جبل حايل]

السلام عليكم
بصراحه احس اني ضايعه بهالدنيا ما اعرف شنو أبي وشنو الزين وشنو الشين
ساعات انصدم من ناس حيل مقربين وما ادري شنو السبب مني واللا منهم
ساعات اكره اللي حولي حتى اقرب الناس لي
وساعات ......وساعات... اني غريبه عن الدنيا ودي اتفرج على الناس واتعلم من هالدنيا
خلونا نساعد بعض عشان نعرف شلون نصلح حياتنا بدال ما ندمرها بجهلنا
انا احس اني ابي انسان يوقف معاي بكل موقف امر فيه بحياتي
عشان اخذ المشوره منه ..لاني احس انه مالي خبره بالحياة بس ...
اللي تعلمته احطه حلقه بوداني مثل مايقولون
اول شي ابي اقولكم شنو اللي تعلمته وابيكم تقولون لي انتوا معاي والللا ضدي واللي عندها اي نصيحه تعلمتها
من هالدنيا تتفضل مشكوره وتعطينا من خبراتها
تعلمت اني ما اعطي سري لحد
تعلمت اني ما احب اي شخص حيل او اكره حيل مثل ما قال احد الصحابه ماني ذاكره بالضبط بس اللي فهمته لاتحب شخص
حيل عسى انه يكون يوم من الايام عدوك فتندم انك توقعته حبيب ووثقت فيه ولا تكره
احد حيل عسى انه يكون يوم من الايام صديقك وتندم عل كرهك له
تعلمت اني ماصدق اللا عيني اللي تشوفه مهما صااااااااااااار
تعلمت اني ما اتحجى واجدعشان يكون لي هيبه عند الناس
تعلمت اني ما اسكت عن حقي مهما صااااار وما اتنازل لو على قص رقبتي لان من سكت عن حقه فهو شيطان اخرس
يله كل وحده تقول شنو تعلمت عشان نستفيد

 

[عاشقه رويشد]

مااثق باحد كلشششششششششششششششششششششششششش

 

[ALo0ota]

انا تعلمت اني اعطي من غير ما انطر مقااابل ,,,

تعلمت اكون واااثقه ابكل خطوه اسويها عشان ما اندم..تعلمت اقتنع بكل اللي اسويه عشان ما احط اللوم على احد ..

تعلمت ارسم الضحكه بالوقت اللي يكونون اللي حوالي ينطرون دمعتي ....

تعلمت اكون جبل ما يهزه ريح مهما شفت وسمعت...

تعلمت مهما في بالدنيا نااس شينين ...الصااالح ما زال موجود..

تعلمت ان الفشل مو اخر الدنيا ...تعلمت ان مثل مافي الدنيا حزن فيها فرح والشاطر اللي يعيش فيهم صح...

وااااااجد الاشياء اللي تعلمتها افحياااتي......بس شوفي اوخيتي انا اقووول لو تقعدين مع نفسج ..بتعرفين انتي عدل شنو تبين ...بس فكري بعقلج وقلبج مع بعض لا تخلين تفكيرج عاطفي ولا تخلين تفكيرج عقلاني بحت...

شوفي حواليج الناس كلها حواااليج وصدقيني لو طلبتي منهم ماكو اللي بيردج .. سوري اذا طولت واتمنى اتقبلين مروووري

 

[noreez]

تعلمت اني ما اثق باي شخص وما اقول اسراري حق اي احد !
تعلمت ان السكوت من ذهب والكلام من فضه
تعلمت انه الابتسامه كلمه طيبه من غير حروف وانها تعني اشياء وايد
تعلمت انه ما احكم على شخص من مظهره

تعلمت وتعلمت وياكثر ماتعلمت وكل طراق بتعلوم

وشكرا

 

[رعشـة خفوـوق]

تعلمت ان ما في شئ دايم لاحد

وتعلمت اني ما اثق باي ادمي بهالدنيا

بس امي فديتهاااااا ربي يطووول عمرها يارب

 

[هيوونه@]

تعلمت اني اذا زعلت وتضايقت فآنا الوحيده اللي خسرانه
وان عدوج يفرح لحزنج
واني ما اثق باحد

 

[strawberry_84]

تعلمت انى اعامل الناس على قدر عقولهم
واعاملهم مثل ما يعاملوني
واخذ حذري منهم

 

[هدولى]

موضوعج وايد حلووووووووو .

أنا تعلمت ان الى ينكسر ما يتصلح , وانى ما اسكت عن حقى مهما كان .

 

[دراما كوين]

تعلمت ان حبل الجذب قصير


وتعلمت ان هالدنيا مظااااهر وبس
اهم شي فلوسج واصلج وفصلج ووين ساكنه

 

[كوكيز 911]

تعلمت من هل حيااه شئ وااحد ودااايم يخطرر بباالي
وقبل لا اسووي اي شئ افكر في وهوو ::::::::

<<< كماااا تدين تداااااان >>>

 

[الحور العصيمي]

تسلمين حبيبتي موضوعج رائع

تعلمت إن الطيبه ماتنفع بهالزمن
تعلمت لا تصدقين شي الا تشوفينه بعيونج
تعلمت لا تعلقين بأحد أكثر من الزايد
تعلمت محد بحس فيج إذا تضايقتي إلا نفسج يعني لا تقعدين وتشكين محد راح إحس فيج

 

[&شوارفسكيه&]

تعلم ان الطيب بهذا الزمن مو دايما ينفع
وتعلمت ما اقول اسراري الى لاختي وامي
تعلم اني اخذ كل شخص على قد عقله وتفكيره

 

[جبل حايل]

مشكورين يا قلبي على تفاعلكم معاي بالموضوع لاني بصراحه وبجد احس اني محتاجه لنصايح لاني بيني وبينكم تربيت ببيت ماعندهم شي اسمه
حقد اوكره بس كل هذا اثر فيني حيييييييييييييل حيل لدرجه اني اشوف ابوي وامي فديتهم وربي ما اعتقد ان طيبتهم موجوده بهالزمنه لدرجه انهم ينجرحوووون من اعز الناس لهم سواء من عمامي اوخوالي وانا اشوف ويحز بخاطري اشوف الظلم بعيني واسكت ولما اشوفهم ليش ما تردون او تاخذون حقكم يقولون لا يا بنيتي يمكن ما يقصدون يمكن سامعين شي يمكن في ناس تحفر يمكن...يمكن... قاعدين يقصون على نفسهم بس احنا ما ننجرح بس وربي ساعات ودي ابجي واقول والله زمن وقلت مستحيل اكون نفس امي واللا ابوي انا ما اتحمل اكون ظالمه او مظلومه اشوف في ناس ما شالله يحطون لهم قدر وشان مايقدر احد يتعداهم او حتى يفكر انهم يحفرون لهم وهذيلا الناس يعجبووووووووني حيل
انا طبعي جذي ما اقدر اغير من طبعي واحاول اخليهم قدوه لي بس للاسف ما تضبط معاي مادري ليش يمكن عشان طيبه اهلي ماثره فيني
ابي اكون شخصيه بروفيشينال بحياتي سواء مع اهلي مع رفيجاتي( طبعا رفيجاتي ما اعني الكلمه هذي بالضبط لانها كلمه مصطنعه )مع محيط عملي مع زوجي مع الكل شلووووون وعلى ردووووودكم انا اوافقكم ميه بالميه اللا في وحده قالت اعامل الناس على قدر عقولهم انا اخالفج لانه اذا عاملتيهم بهالطريقه راح تتعبين بزياده وفيه وحده تقول اني اعطي من غير مقابل هم انا اخالفج بهالرد لانه الناس صدقيني راح يفهمونج غلط لانه النيه الشينه تسبق الزينه وراح يفكرون انج ما سويتي هالشي اللا بمقابل او تبين توصلين لهم اني انا احسن منكم وتبدي معاج المشاكل ترا انا اقولكم رايي من مبدأ اني جربت هالشغلات وما نفعت معاي وربي انه فيه وحده بدت عداوتها معاي لاني كنت اسويلها واساعدها في كثير من الامور وبربي من غير منه ولا انطر منها مقابل لاني الحمدالله في غنى عن الناس بس والله العظيم انه كرهتني بشكل مووووووووطبيعي لدرجه انها تحجى عني جدام الناس بالشينه وفيه اشياء والله العظيم ما سويتها ولا فكرت ولما واجهتها تقول انا ماقلت انتي تمشين وتحجين ما عندها اي رد ومع ذلك مازالت على هذا المنوال من غير سبب واسفه على الاطاله
حبايب قلبي نبي مواقف اثبتت لج واقنعتج وعلمتج من هالدنيا

 

[Spoildish]

تعلمت اني ما اسكت عن حقي حتى لو اني اطول لساني ولا اقل ادبي مدام هالشخص مو محترمني ولا مقدرني ماعندي اي سبب عشان احترمه ولا اسويله حساب ولا انه يروح حقي منه

 

[Judy abbott]

تعلمت اني ما اعطي اي انساان قييمه فوق الغير

وتعلمت اني اكون شوي دبلوماسيه بالكلآم

وتعلمت انه محد احسن من احد

وتعلمت اني ما اسكت عن حقي ولا اخلي الغير يستغفلنيي

وتعلمت ما اكبر الموآضيع واعطي السالفه اكبر من حجمهاا اطوووووووف واطووف واطووووووووف

وتعلمت انه الدنيا م تسوى

وانه المظلووم له حوبه

واني آخذ الي جدامي على قد عقله


ميرسيييييييييييييييي

 

[om keshaa]

-تعلمت ان شهادتج ووضيفتج الناس تحترمج وتقدرج وحتى ريلج يحطلج احترام
-تعلمت اتعتمد على نفسي ماعتمد على احد لاخدامه ولا ام دايم اتخيل اني وحيده
-تعلمت الصبر وتعلمت موكلشي ابي لازم اخذه
-تعلمت ان رفيجات هل الوقت ماينقال عنه\دهم شي

 

[وردجوري]

يعطيك العافيه حبيبتي ع الموضوع الحلو ,,,,,,,,


انا تعلمت اني مهما سويت الخير انه مايبين في عيون الناس ,,,, وتعلمت ان الساكت حقكه ماااااااكول ,,,, وتعلمت اني ما اقول اسراري


لاي احد ,,,,, وتعلمت ان الدنيا مصلحه ,,,,, وتعلمت اشيااااااااااء كثيره ,,,

 

[جبل حايل]

-تعلمت ان شهادتج ووضيفتج الناس تحترمج وتقدرج وحتى ريلج يحطلج احترام
-تعلمت اتعتمد على نفسي ماعتمد على احد لاخدامه ولا ام دايم اتخيل اني وحيده
-تعلمت الصبر وتعلمت موكلشي ابي لازم اخذه
-تعلمت ان رفيجات هل الوقت ماينقال عنه\دهم شي

ايوالله وانا معاج اميه بالميه
بس انا عكسج اللي ابيه لازم اجيبله لو شنو ما صار لاني احب احطلي هدف قبل كل شي يعني
أفكر قبل ما اتخذ قرار وهذا مهم يعني ما حط عيني على شي الللا اذا انا مقتنعه منه ميه بالميه
وحتى لو أأجل ماكو مشكله بس اخطط شلون احصله وهذي حلات الدنيا انج تخططين شنو تبين منها
ولا ننسى الاخره
بعد نبي نستفيد اكثرررررررررررعطونا خبراتكم

 

[جبل حايل]

-تعلمت ان شهادتج ووضيفتج الناس تحترمج وتقدرج وحتى ريلج يحطلج احترام
-
انا اشهد وهذا الواقع يا بنات الشهاده ثم الشهاده ثم الشهاده لو شنو كان يحبج
زوجي ترا تكبرين بعينه والعكس صحيح
وحتى تعيشين حياتج بلا منة احد ويكون ثقج بنفسج اكبر

 

[Virginia-Rose]

من كثر السطارات اللي حصلتها من الدنيا ماني عارفه اعبر وشنو اقول وشلون اصيغ كلماتي احسها متطشرة ولا اني قادرة ارتب افكاري واعبر عن مشاعري خصوصا بهاللحظة بعد صدمة ما توقعتها من ناس حساااااااااااااااااااااافه عليهم كلمة تنقال
بس راح احاول و اقول تعلمت اني عايشة في حلبة مصارعه مو في دنيا...تعلمت اني لازم اتفادى الضربة قبل ما تييني تعلمت اني ما اثق بولا كائن حي بالوجود حتى لو فااار جربوووع راح اتوقع ان بيطلع له لسان وراح يغدر...تعلمت ان في ناس انخلقو ممثلين !! يضحكون بويهج ويتصنعون الاهتمام الزائف وجدامج يتمنون لج الخير بس من داخلهم حسسسسسسد وغيره وحقد وغل !! تعلمت اني ساذجة جدا اي شي فيه خير اروح اقول للناس واعطيهم خبر وانفعهم ..وبالمقابل هالناس يدورون الخير بس حقهم وشغلهم كلة بالخشاشي واذا في شي خير وزين يسوونه واهم ساكتين ...تعلمت ان في ناس (ويا خسارة اذا كنتي تعزينهم وحاطة لهم الف اعتبار) تتكلم عنج من وراج و المصيبة جدام منو ؟ رفيجاتج !! تعلمت ان يا كثرررررررهم المراضى النفسيين المنفصمين بهالدنيا !! تعلمت اني امسك حلجي ولساني واسكت او ارد على قد السؤال واكون رسمية مع الكل ..ووووووو ياكثر الاشيا اللي تعلمتهم بفترة قصيرة بس بالنهاية اقول تعلمت ena i have to fight back to survive but without being a jerk