شنو علمتج الدنيا ؟؟

[جبل حايل]

من كثر السطارات اللي حصلتها من الدنيا ماني عارفه اعبر وشنو اقول وشلون اصيغ كلماتي احسها متطشرة ولا اني قادرة ارتب افكاري واعبر عن مشاعري خصوصا بهاللحظة بعد صدمة ما توقعتها من ناس حساااااااااااااااااااااافه عليهم كلمة تنقال
بس راح احاول و اقول تعلمت اني عايشة في حلبة مصارعه مو في دنيا...تعلمت اني لازم اتفادى الضربة قبل ما تييني تعلمت اني ما اثق بولا كائن حي بالوجود حتى لو فااار جربوووع راح اتوقع ان بيطلع له لسان وراح يغدر...تعلمت ان في ناس انخلقو ممثلين !! يضحكون بويهج ويتصنعون الاهتمام الزائف وجدامج يتمنون لج الخير بس من داخلهم حسسسسسسد وغيره وحقد وغل !! تعلمت اني ساذجة جدا اي شي فيه خير اروح اقول للناس واعطيهم خبر وانفعهم ..وبالمقابل هالناس يدورون الخير بس حقهم وشغلهم كلة بالخشاشي واذا في شي خير وزين يسوونه واهم ساكتين ...تعلمت ان في ناس (ويا خسارة اذا كنتي تعزينهم وحاطة لهم الف اعتبار) تتكلم عنج من وراج و المصيبة جدام منو ؟ رفيجاتج !! تعلمت ان يا كثرررررررهم المراضى النفسيين المنفصمين بهالدنيا !! تعلمت اني امسك حلجي ولساني واسكت او ارد على قد السؤال واكون رسمية مع الكل ..ووووووو ياكثر الاشيا اللي تعلمتهم بفترة قصيرة بس بالنهاية اقول تعلمت ena i have to fight back to survive but without being a jerk

بصراحه حسيت من ردج حيل مقهوره الله ييسر امورج وزين انج فهمتي لهالدنيا
بس تدرين لما قريت هالحجي نسيت شغله مهمه ذكرتيني فيها اللا وهو



انه من الغباء انك تجعل الناس تظن انك ذكي ومن الذكاء ان تجعلى الناس يظنون انك غبي
عاد افهموها عدللللللللللللللللللل

 

[القلوب]

_تعلمت محد يستاهل الحب الاا امج وابوج
_وما اثق بأحد

 

[puppet]

انا الدنيا علمتني 6 شهور لازم اعاشر فيها الشخص

عشان اعرف اهو شنو

 

[كويتية 85]

علمتني الدنيا ان أسوي الخير لوجه سبحانه و ما انطر رد من أحد ....

الحذر من الكل <<< عشان تخف الصدمة علي

ان السر ما يبقى سر اذا صار بين شخصين << لا تقولون سركم لأحد عشان يبقى سر حتى لأقرب شخص اذا تبونه يضل سر

 

[00(( خزامى ))00]

تعلمت ان المعاني بهالوقت تغيرت
الطيبه معناها تشوه

 

[كعبية]

الموضوع يبجي ومحتاج وايد صفحات انا وايد انغدر فيني خاصه من القراب والصديقات وللحين اكون صداقات وماني راضيه اتعلم انه مافيهم خير ويبوني علشان مصلحه ادعولي اتغير واتعلم من هالدنيا

 

[ريماس77]

الدنيا علمتني ان مااثق حتى بزوجي الخيانات تييج من اقرب الناس لج ومع منو آه ياقلبي من زوجك وناس من كانو من اهلي طعنتني بالظهر والجذب اوووه كاثر هلأيام شسالفه والحريم سباق يبوقون الرياييل شدعوه ماكو شي ثاني غير الرياييل والفلوس .الصحه والعافيه خل نقوي ايمانا ويالله حسن الخاتمه

 

[عاشقة الكاكاو]

تعلمت ما اثق بأحد لو مهما كاان

تعلمت ما احب من قلب لو يعطيني الشمس بيد والقمر بيد

تعلمت ما تنزل دموعي ولا تهتز مشاعري حق أي مخلوق

تعلمت ما اشكي همي لأحد لو فيني جبال هموم

وتعلمت إني ما أطيح مرتين

وليلحين اتعلم من هالدنيا كل يووووووم اشوووف شي يديد في هالحياااة​

 

[مربية اجيال]

تعلمت الصبر
تعلمت ان ما اسلم قلبي لاحد وان مو كل واحد يقول احبج يعني يحبني
تعلمت ان ما سمع اكثرمن ما اتكلم
تعلمت ان كون قد قراري مهما كانت نتايجه
ما تنزل دموعي على اي شي لانها غالية
انسى واعيش وحياتي
ومثل ما القى ارد

 

[جبل حايل]

مشكووووووووورين يا قلبي على التفاعل وربي ونستوني احس انه في ناس مثلي تحس باللي حاسته
بالبدايه عبالي الناس مايحسون الحمدلله في ناس غيري كثير بس والله حاولت اغير اللي حولي بس ما قدرت
قلت يا بنت اشلج بعوار الراس عليج من نفسج وبس
فتعلمت انه مالي شغل بغيري لو انه على غلط لانه الناس تكره اللي تنصحها وتعاديها
يله عااااد كل وحده تقول شنو تعلمت حتى لو دشيتي وعبرتي عن رايج ما فيه مانع تعطينا اللي تعلمتيه لانه الانسان الذكي يتعلم في كل يوم خبرات جديده
ناطرتكم

 

[still_waiting]

من كثر السطارات اللي حصلتها من الدنيا ماني عارفه اعبر وشنو اقول وشلون اصيغ كلماتي احسها متطشرة ولا اني قادرة ارتب افكاري واعبر عن مشاعري خصوصا بهاللحظة بعد صدمة ما توقعتها من ناس حساااااااااااااااااااااافه عليهم كلمة تنقال
بس راح احاول و اقول تعلمت اني عايشة في حلبة مصارعه مو في دنيا...تعلمت اني لازم اتفادى الضربة قبل ما تييني تعلمت اني ما اثق بولا كائن حي بالوجود حتى لو فااار جربوووع راح اتوقع ان بيطلع له لسان وراح يغدر...تعلمت ان في ناس انخلقو ممثلين !! يضحكون بويهج ويتصنعون الاهتمام الزائف وجدامج يتمنون لج الخير بس من داخلهم حسسسسسسد وغيره وحقد وغل !! تعلمت اني ساذجة جدا اي شي فيه خير اروح اقول للناس واعطيهم خبر وانفعهم ..وبالمقابل هالناس يدورون الخير بس حقهم وشغلهم كلة بالخشاشي واذا في شي خير وزين يسوونه واهم ساكتين ...تعلمت ان في ناس (ويا خسارة اذا كنتي تعزينهم وحاطة لهم الف اعتبار) تتكلم عنج من وراج و المصيبة جدام منو ؟ رفيجاتج !! تعلمت ان يا كثرررررررهم المراضى النفسيين المنفصمين بهالدنيا !! تعلمت اني امسك حلجي ولساني واسكت او ارد على قد السؤال واكون رسمية مع الكل ..ووووووو ياكثر الاشيا اللي تعلمتهم بفترة قصيرة بس بالنهاية اقول تعلمت ena i have to fight back to survive but without being a jerk

كلامج صحيح مئه بالمئه وافقج الراي وانا تقريبا نفسج

 

[still_waiting]

ان لا تبكي على من حبيته وخلااك لأنه مرح أيحس فيك اصلا وما يدري وين هوى دارك ميت حي ؟؟؟؟
تعلمت ان الناس اجناس للأسف كنت اعتبر الناس ملاءكه وطحت بشر اعمالهم
تعلمت ان مهما تضايقت وبكيت وتألمت لن يشعر بك احد غيرك
وان الشكوى افضل لله عز وجل
تعلمت ان اساامح بشرط ان لا اكثر المسامحه صراحه انا وحده اسامح بشكل مو طبيعي متسامحه حيييل ما شاء الله
هههههههههه بس بحاول اخفف لأن في ناس ما يستاهلون ومهاما سامحتيهم مرح يتغيرووون
تعلمت ان في الدنيا اصدقاء قله والأفضل ان يكون الأصدقاء قله
تعلمت ان الصبر مفتاح الفرج وان الله مع الصابرين
تعلمت ان الطيبه جميله لكن بحدود
واشياااء واايد
الحمد لله واتمنى ان يتقبل الجميع مروري

 

[masa-Q8]

موضوعج وايد حلو و حساس و يطول الرد عليه..........! :bbbiu:
انا غريبه بهالديره-- و أحس اني تعلمت و بعدي أتعلم كل يوم أشياء وايد!
أهم ما تعلمت ان الحب معدوم من الوجود و انج ما تعطين سرج لأحد!!:050103nbh_prv:
عيشي كل يوم بيومه ولا تفكرين باللي ماقدرتي تسويه او طافج--تعلمي من أخطائج و كوني دبلوماسيه معى الكل!:denya:
الدنيا غداره!!!!ديري بالج من القريب قبل البعيد!
وتعلمت اني أكون فويه بأصعب المواقف اللي تواجهني! ولا تتسرعين بقراراتج أبد!
وحق المتزوجه أقول لها طوفي ولا تعلقي وإلا بتتعبين بحياتج!.................
وياما تعلمت وبعدي اتعلم..!
انشالله أكون فدتكم شوي و سامحوني ادا طولت عليكم
:e3:

 

[sweet girl]

تعلمت من هالحياه ان الانسان مايقدر يعيش من غير صبر ,حب, صداقه, ثقه برب العالمين
تعلمت ان الحياه حلوه مهما كان فيها اللي يعكر صفوها
نعلمت ان ما اخلي وجود لكلمه أكره بقاموسي "هذا أهم شي عندي"
تعلمت أن الغنى غنى النفس وان الفلوس يمكن بدال لا تسعد صاحبها ممكن تكدر عيشته
تعلمت ان رضا الوالدين كنز من بعد رضا الله سبحانه
تعلمت ان النجاح حلوو اذا كان الوصول له فيه تعب
تعلمت أن كسب محبه الناس كسب لدعائم لك بالخير بحياتك وبعد مماتك
تعلمت ان ترطيب اللسان بذكر الله يرطب المعامله مع الناس

صج الحياة مدرسة

 

[جبل حايل]

مشكووووووووورين يا قلبي وربي استفدت منكم
وهم مشكوره على تفاعلكم مع الموضوع
بس كنت اتمنى فيه شغلات اكثر نستفيد منها على الاقل لو باليوم شغله اكتشفتيها ما يمنع انج تكتبيها لنا ونستفيد وانتناقش فيها
واللا شرايكم احس ان الموضوع مات نبي تفاعل اكثر

 

[tmtmt]

انا اليوم عكس الموجودين

تعلمت ان في طيييبه بالدنيا ولي الحين في ناس طيبه
رحت عند مراقب التعليم المتوسط للاسف ما اعرف اسمه يزاه الله خير
قالي جمله اثرت فييييينييييييي حييييييييييل

قالي

ما راح اخليييج تصيرين اطيب مني

:ggdw: :ggdw: :ggdw:

شوفوا شلووووون في ناس لي الحين تتنافس عشان الطيبه

 

[الديار]

تعلمت ان الدنيا فانية مهما طالت وما لنا إلا ما قدّمنا ....
*** كن في الدنيا كأنك عابر سبيل ***

 

[الكوويت]

تعلمت اني اكون قويه واخذ حقي مو مثل قبل ياحظي كنت احسب ان الناس طيبه مثلي مو مدح فيني بس كنت طيبه حيل وعلى طيبتي تخيلوا يسموني مغفله والله دنيا ( تعلمت اشياء كثيره ان ماعطي سري لاحد الا امي فديتها وان اخذ قراري بنفسي وان الصبر مفتاح الفرج وتعلمت ان اكون طيبه بس مو مع كلن الحين بس عرفت من عدوي ومن صديقي وهذي الدنيا كل يوم تعلمنا شي جديد

 

[شموخ^بدويه]

حبيبتي الثقه معدومه بهزمن واللي تثقين فيه امج وبــــــــــــس لانها هي اللي تبي مصلحتج وتخاف عليج والناس لاتعطين احد اكثر من حجمه وكوني حذره مع الناس لانه الميانه بزمنا ماعاد تنفع كلش ماعاد احد يتحمل وكلن يدور مشاكل اعوذبالله ويفهمج غلط (عزي نفسج الناس تعزج وتقدرج)

 

[كويتية فاصله]

تعلمت إن الناس عمرهم ماتفقوا بس بشي واحد إتفقوا على أنهم يختلفواااا وإن إذا طالعتي الناس راح تتعبين عيشي بروحج << هذي ماأقدر أسويها>> تعلمت إن كل ماقلتي كلمه مهما صارت صغيره تزعل أف عاد بعدين قعدي راضي الناس وارضاء الناس غايه لا تدرك يعني تعلمت اللعوزه وصج إنها دار بلاء الله يكووووون في العون وتعلمت بالدنيا صيري فاصله ومينونه عشان يدعولج بالهدايه بس إذا صرتي ثقيله بيقولون طالعي مسويه فيها ثقيله وبيحشووون فيج فخلج فاصله أحسن ههههه

مشكوووووووره على الموضوع