شنو كلوميد ؟؟؟؟؟؟؟؟؟؟؟

[مريومه :)]

هلا بنات شلونكم ؟

عفيه ابي اسألكم سؤال لأني خايفة وضايق خلقي مو قايله حق وأحد

أنا امس رحت حق الدكتورة وقالت عندج تكيس في المبيض وبعطيج كلوميد !!!

1- تكيس المبيض يمنع الحمل ؟
2- شنو كلوميد ؟
3- اكو وحده خذت كلوميد وحملت
4- جم مدة علاجه.

 

[عروس الدنيا]

الكلوميد علاجي ماله اي مخاوف و اكبر دليل ينوخد بالصيديله بدون وصفه يعني مو خطر لا تخافين

 

[عروس الدنيا]

و الكلوميد يعطونج لان اذا صار في تكيس عل مبايض تثير المبايض خامله شوي ف الكلومييد ينشطها انشالله و تحمليين بسرعه

 

[.>حــــــــ(و)ـــراء<.]

الكلوميد اهي منشطات عشان المبيض يطلع

بويضات وايد

و مدة العلاج تحددها دكتورتج

 

[هتووف]

رفيجتي كان فيها تكيس وخذت كلوميد وحملت بولدها الله يخليه لها

 

[مريومه :)]

مشكورين حبايبي

يعني عادي نسبة نجاحة قوية ؟

لأني وايد سمعت بنات خذوه وتذمروا منه ؟

 

[غيـ الناس ـر]

هو منشط للمبايض .. انا اخذته وبالكورس ازيد 5 كيلو .. يمتن حيل ويعفس النفسيه شوي



بس ما حملت اخذته كورسين والحمدالله الحين ما احتاجه

 

[jinaan]

حبيبتي الكلوميد اهو منشط للمبايض يعني لو اخذته وانتي مافي مبايضة شي طبعا تحت اشراف طربي يساعد على المحل بتوائم ..وزيادة الجرعات للمرأة السليمة تسبب انفجار المبيض ..
واذا فيج ضعف او تكيس يساعد على زيادة فرصة الحمل واهو اساسا هرمون ..

بس طبعا مثل ما اهو له فؤائد له مضار وديري بالج لازم اشراف طبي

طبعا ماودي اخرج بس هذي المعلومات الي لازم تعرفينها ...

 

[فوفه]

ماشاءالله يايه بقولج شنو الكلوميد

بس البنات فيهم الخير كفو ووفو ... يعطيهم العافيه

عسى الله يرزقج يارب بالذريه الصالحه