شنو مشاريعج بعد الولادة؟؟

[غادة الكاميليا]

قوة .. شلونكم

توصل فيكم حالة اليأس تبون اطيحون الي في كروشكم وترتاحوون ؟؟
اطالعين لبسج الي قبل الحمال وتقولين هل فعلا راح يدش فيني بعد الولادة ولا لأ ؟؟
اتروحين السووق اطالعين الفترينه وتعجبج جم قطعة وتقولين انشالله القاها متوفرة بعد الولادة .. ولا تشور عليج اختج اخذيها من الحين وخشيها ولما تشوفين سعرها تخافين اتجازفين تشترينها وماتطلع حلوة عليج بعد ماتولدين ؟؟

انا الشي الوحيد الي قدرتاجهزة حق بعد الولاد ةاهو العبايات لانها تكون اصلا واسعة .. شريتلي عبايتين والملابس الفري سايز الي من تصميم البنات شغل المعارض ..

ومشاريعي باخر عشر ايام من الاربعين .. اسوي نظارة حق وجهي وتنظيف بشرة .. هذا من غير التلطخ بالكريمات عشان السواد يروح
وانتوا شنو افكاركم حق بعد الولادة ؟؟ مشااريعكم عشان تطلعون كأنكم عرايس ؟؟

ناطرة ردكم

 

[rayaan]

رد : شنو مشاريعج بعد الولادة؟؟

الصراحة خوش موضوع ...

انا عن نفسي وانا قاعده اجهز لولادتي ولقيت شي عجبني لبعد الولادة اخذه على طول بس ملابس مخليتهم حق بعد الولادة اخاف مقاسي يتغير ...

هذا غير مشاريعي للاهتمام الشخصي و النظافة من خلطات وماسكات ...

الله يعين

 

[الصعيريه]

رد : شنو مشاريعج بعد الولادة؟؟

يعطييج العااافيه عالموضوع

بالنسبه لي عندي امل إن ملابسي القديمه تدش فيني لاني نااويه عالريجيم القااااسي
وانا دايم عقب اي ولاده لاازم اسوي ريجيم والحمدالله اضعف

والحين بس جهزت حق نفاسي مآشريت شي لعقب الولاده
أحب أجهز شغلي عقب 20 يوم من ولادتي اروح افتر وافصل واسوي اللي ابيه
وطبعاا ناويه على ابرة النظاره وشغلااات واجد ناويه اسويهاا

 

[ماكنتووشه]

رفع

رفع

رفع

خوووووش موضووووووووووووووع

اول مشروووع لي اني اضعف وقط 20 كيلووووو

 

[غادة الكاميليا]

اهلين بنات مرة ثانية

اصلا الوحدة بس تولد تقط تقريبا 10 كيلوو ...
بس لابد اكو زيادة بالوزن .. فلازم الوحدة بعد الاربعين بشهر وبالاخص بعد ماتخلص اخت الاربعين تبلش ريجيم .. وانا عن نفسي احب ريجيم دشتي احس يضعفني بسرعة ..

عندي سؤال الحين .. هل كل وحدة حق طلاعتها من الاربعين تفكر تشتري جنطة جديدة ؟؟

انا احرص اشتري جنطة وبدلة حلوة عشان البسها حق اليوم الي بدش فيه على حمولتي ...

ياللة قولولي .. حاطة عينج على اي جنطة ؟؟ ومن وين بتفصلين عباية ؟؟ واي دكتور بتسوين عندة نظارة ؟؟
انا الجنطة صراحة مادري من وين .. والعباية خلصت منها خذيتها من شمس الملوك بالفروانية والنظارة في مستشفى الهادي .

ناطرة ردكم

 

[bent-elq8]

رد : شنو مشاريعج بعد الولادة؟؟

مشاااااريع !
طبعا ملابسي اللي شريتهم يوم كنت عروس ما لبستهم و لا تهنيت فيهم !
و لا الجواتي و لا الشيلات ! .. لاني من حملت انتفخت !!

مفكره اضضضضضضضضضضضضضضعف !
استخدم خلطات طبيعيه و اشياء بعد اسبوعين من النفاس ! .. طبعا الكريمات نصحتني دكتوره ما استخدم اشياء تفتح الا بعد فتره لانه طبيعي يروح
اشتري دراريع راقيه .. و افصلي عبايه ..
ممممم اشتري اشياء متنوعه .. يعني جني عروووس .. من كل شي شويه !
متشووووقه على المشترا ..

وطبعا اهممممم شي المساااااج آآآه بسوي كل يوم و ترك ! لول

 

[bnoota-kw]

رد : شنو مشاريعج بعد الولادة؟؟

بنات انا اول مره احمل وما اعرف شي وودي اتغير واصير غير بس من وين اغز ابر النضاره وزينه ولا لا ؟؟؟

 

[حــــزن]

رد : شنو مشاريعج بعد الولادة؟؟

الحمد لله وزني ليما الحين مازاد بالحمال بالعكس قاعد ينقص
بس همن ودي بعد الولادة بإذن الله أسوي رجيم قااااااااااااااااااااااااسي مع جلسات مساج تخسيس ودي أطلع بلوك يديد

أهم شي الصحة والعافية

 

[قلب راشد]

للررررفع

 

[غلاي عزوزي]

انا استغرب من الي تبلع وتمتن بالحمال يعني شنو الفايده من زيادة وزنج عشان البيبي ماكو كثرت اختي وتييب عيال عصاقيل وتعالي عابلي بوزنج جنج فيله
انا عكسها اهتم بالحمال ومازيد غير الوزن الطبيعي فوق وزني ب12 كيلو وماعندي مشكله لانه وزني يرد بعد الولاده علي طول ولله الحمد
ناويه عالحزام الحراري 6 شهور ماني قاطته مع كريمات تخسي للكرش ورياضه خفيفه

مفكره اشتريلي جم بدلة وجنطة كشخه مكياج بيجامات بيت ه لانه الكرش يترهل عندي واهو الشي الوحيد الي يبين اني كنت حامل
عبات يديد لطلعتي من المستشفي ناعمه طبعا واشياء وايد

 

[توباكو]

بصراحه موضوووع رائع واكثر

الله يعطيك العافيه

عن نفسي بس افكر لما ادخل الخامس اجهز حق الاربعين
ومابعد الاربعين ع قولتكم بـ 10 ايام الاخيره

ملاحظه
بنات وحده منكم قالت عن ابرة النظاره
منو جربتها وشافت نتيجه وكم سعرها سعودي وباي عيادات
ويعطيكم العافيه​

 

[مدرسه فنيه]

انا قبل لا احمل سويت نظاره عند نورة الصليلي


وارتحت عندها وان شا الله راح اسوي مره ثانيه عقب الولاده

 

[saratee]

والله موضوعج فنتق وياي بوقته ...
انا ما اجهز لبعد الاربعين يعني بعد الثلاثين اروح اشتري اللي ابيه بس قمصان النوم البيبي دول والمايوهات او القطعتين هذي ممكن وانا حامل
اجهزهم لكن اللبس ما اغامر يمكن مايطلع حلو واهم شي اخر الاربعين اسوي مساج وكاسات هوا صينيه تريح وترخي الاعصاب

 

[غادة الكاميليا]

الي تسأل عن النضارة وفايدتها .. ترا ماتسويلج فرق كبير اللهم تعطي وجهج صحة ولا ماتسوي شي .. اهم شي بشرتج تكون حلوة مثل البيبي وهذا الشي مايصير الا بتنظيف البشرة العميق والعلاج بالكريمات او التقشير ... يعني شي يكمل شي ...
وبالنسبة للشعر انا مو مفكرة اصبغ بصراحة .. لان بحمالي الي فات صبغت وشعري حيل تغير بعد الصبغة صاير اخشن وماطلع اللون الي ابيه .. حق طلاعتي مفكرة اشتري بارووكة شعر طبيعي ,, اركبها بالصالون عشان يثبتونها لي عدل لا تطيح واتفشل وانا جربت مرة عند النسائم بارروكة شعر طبيعي , تهبل ماجنها باروكة وطويلة بس ترددت قلت لأ ابي اصبغ عشان لوكي يكون دايم مو شوية واشيلة .. وتحسفت صراحة .
ومفكرة اركب رمووش بس قاعدة ادورلي صالون زين يركبلي رموش تبين طبيعية ومابيها تكون دايمة يس ابيها تركبلي اياهم عدل وما يبين الصمغ ويأذيني .. وشنووو بعد ؟؟ شنووووو .. خلوني اتذكر ...
خلوني اتذكر شنو ناوية اسوي واقولكم

 

[غادة الكاميليا]

اشدعواا بنات وين مشاركاتكم؟؟؟

 

[التوت الأبيض]

مرحبا يا كروشات عقبال ماتولدون بسلامة وأنا معاكم
بجهز لنفاسي بإذن الله الشهر الجاي بكون بالسابع..
وبعد 20يوم ببدأ جلسات تخسيس وشد بس محتارة بين لاليك والجوري؟؟
والبشرة مادري عند منو ؟أبي توحيد لون لأن وجهي بقع بهالحمل ؟وأبي تنظيف ونضارة..؟؟وين تنصحوني؟
والدراريع عند كل خياط بالعربيد وحدة عشان ببيت حمولتي..وكفر جديد وعطورات وكم قميص نوم..(عروس )
ومحتارة ببدلة طلاعتي من شغل الحريم آخذ وإلا جاهزة من زارا وطقته..بس على حسب الميزانية..
وملابس البيبي بعد أجهزله معاي حق الزوارة..ومادري ؟؟ إذا تذكرت شي بقولكم.
:nbptr:ومشكورة حبيبتي عالموضوع:blueSmCLR: