شنو ممكن تسوين بهالموقف؟؟؟؟

[om MaRyooM]

السلااااااااام


مبارك عليكم باجي الشهر حبايب قلبي ،،،



في شي باط جبدي


اذا رحت السوق،،،،،المستوصف،،،،الجمعية ،،،،،،، أي مكان ألاقي ناس تتخطاني بالدور ولا تستأذن ولاااشي


وانا والله اكون احيانا مستعيلة بس ما آخذ دور أحد !!

بس في ناس ماتستحي ..

شنو ممكن تقولين او تسوين بمثل هالموقف ..

تتكلمين ولا عادي تطنشين ؟؟؟

لأن جد السالفة تبط الجبد ،، الناس صاير ويهها منجب استغفرالله​

 

[jesse Lover]

يقولون لنــآ قلدو الغرب في نظامهم ..؟!

ليش ماتطبقون أول شي .. ،، !

::

::

مافي نظام أبدا في دول الخليج للأسف واحد فوق الثاني .. وصراخ وهواش وهذا ردوي وهذا لأ .. !

حلو يكون في نظام في ذرابه مثل ماقلتي

يعطيج العافيه اختي ع الطرح

وانشالله الكل يلتزم .. ^_*

 

[ملفتة للنظر]

لا والله اتكلم ويطلع لساني واقول وخاصة اذا بنت كبري ولا رجال..


اما اذا شايب ولا مرة كبيرة كيفهم اخليهم براحتهم..يكسرون خاطري



ويسلمو

 

[هيوونه@]

مو دايما اتكلم لان في ناس ما تستحي اخاف اتطول لسانها علي

 

[سوآلف .. ْ}~]

لان صاحب المكان مانظمه

احيان تدشين مستوصف والارقام معفسه فوق حدر ومالت الارقام خربانه

هني الواحد مايعرف شنو له وشنو عليه

الخلاصه ان الخطإ الاكبر يعتمد على صاحب المكان

لو نظمه واتقفن تنظيمه يستهل اي احد مهما كان يخرب عليه

وعوافي حبوبه

 

[القلب عينآوي]

أحسن الواحد يسكت لانه لا حياة لمن تنادي

 

[tmtmt]

وااااااااااايد تصير معاي لا والله ما اخلييهم

اكلمهم واحاسب بدوري ...

حتى بالسيارره عند اللفه احنا واقفين بالزحمه واهوا ايي يسكر الشارع عشان يوقف اول شي

انا ادعم ولا اخليهم يلفون

 

[Ibtisama]

شوفي انا مره تخطيت طابووور اشطوله بمستشفى لأني يايبه الوالد بحاله طارئه كان عنده ربو ومو قادر يتنفس بس استأذنت من اللي جدام

وهمن جدموا قبلي ريال علبو انه دكتور و طوفوه جدامي بغيت اتناجر بس مسكت نفسي و عطيتهم جم كلمه و مشيت

مادري والله في ناس ما تعتبر الناس اللي صافه اوادم وما يحترمون

ومشكوره على الموضوع

 

[• قلبه نصيبي •]

علي حسب مزاجي ساعات اسكت ومالي خلق ساعات لا

 

[جوري الكوون]

مااا اتكلم لان احس فشله واخااف يطول لساانه على لان الصرااحه في نااس ماا تستحي

 

[miss-cadlliac]

اذا كبار بالسن مو مشكلة بس غيرهم لا والله ما أسكت اول شي التحلطم بعدين اتكلم _03ba:

 

[Preity]

على حسب العمر اول شي
يعني اذا كبار طبعا ماراح اتكلم
بس اذا من اللي بعمري لا اتكلم بس مو دايمن ع حسب مزاجي

 

[Judy abbott]

صج شي ينرفز يعني ماكو احترام حق هالشخص الي صارله ساعه واقف اقوله لو سمحتي او لو سمحت بالدوور !!

بس لو كبار بالسن اطوف وهم اذا مالي خلق اطوف

 

[شويهينه]

اي داااايم تصيرلي..... بس انا مع ابتسامتي الخطيره اقول لو سمحتي دوري خخخخخخخخخخخخخخ

يسلمووو قلبووشي ولا تنقهرين تكلمي بس بهدووء

 

[Spoildish]

انا قبل كنت اسكت بس انا الحين حاامل و ماقدر اوقف واايد فذاك اليوم صارت فيني هالحركه وانا واقفه ساااااااااااااعه عند البنك انطر دووري الي كان جدامي بس خلص جان تيي وحده بارده مبرده توقف جدامي وتطلع بطاقتها عشان تسحب جان ادزها واقولها لو سمحتي انا مو عاجبتج من سااعه واقفه ناطرة دوري جان تقولي ما شفتج قلتلها انتي طالعتي حواليج قبل لا تيين ترزيين ويهج وهالطابوور شطووله ما شفتي وين عييونج جان تسكت و مادري شنو قالت و اهيا تمشي لول

 

[Cander]

اي بصراحة موقف موحلو

بس اذا ريال اللي يتخطى الدور اسكت شسوي بعد

مو معقولة اروح اتهاوش مع ريال واذا مرة اللي تخطتة اكلمها اذا اهي مو ذوق مومشكلتي هذي مشكلتها

 

[rawan22]

علي حسب مزاجي ساعات اسكت ومالي خلق ساعات لا

سيم سيم

حسب النفسيه وقتها

 

[رموش بسة .!]

وعليج السسسلام ..

والله اذا مره كبيره اعديها < يا عيني على طيبة القلب :eh_s(6):
.
اما لو مره وبعافيتها لا والله تنطر الله لا يهينها وشوله تتعداني :/

.وتكملي يالغلا .. ان سكتي عن وحده تجي اللي وراها ما حسبت لج حساب

.

وثانكيووو .
.

 

[مطيرية وأفتخر]

على حسب نفسيتي ومزاااجي
إذا بطوووف ولا لأ

ويسلموؤوؤوؤوؤ

 

[happy&single]

لازم اتكلم
الحق الحق التزامج بالدور اول معالم تحضر الانسان والاستئذان دليل اخلاق
واذا اللي جدامج ما عنده ابسط هذي الاشياء مشكلته مو مشكلتي ..