شنو موقفكم من بعض المحطات اللي تدعي انها تبي تمارس حريتها؟؟؟

[عبااير]

السلام عليكم بنااات ومبارك عليكم الشهر
ماطول عليكم
ودي اعرف ارائكم في بعض المسلسلات اللي تعرضها بعض القنوات اللي من انفتحت والديره خربانه ماجنا بالكويت ؟؟...
برايكم قناة تدعي انها تخاف على الشعب الكويتي ومصالحه ....تنتج وتذيع مسلسل يمس اعضاء ونواب اذا ماكانوا كلهم شرفاء ...فالبعض منهم اكيد فيه الخير ...تمس شرفهم وتعيب عليهم عيني عينك ؟؟؟؟؟؟؟؟؟
مو عيب ؟؟؟؟؟؟؟؟؟
والله قاهرني هالموضوع ...لا ونفس القناة تذيع مسلسل عرااااااااااااااااااااااااااقي .....شوفوا القهر ...يعني عيني عينك
صج ان لم تستحي فافعل ماشئت ....
طول عمرنا يالكويتيين بدو وحضر سنه وشيعه مشاكلنا بينا محد يعرف عنها شي ...الحين على عينك ياتاجر واللي مايشتري يتفرج ..الله يفكنا من صوتهم ومسلسلاتهم وبس
اشرايكم حبيباتي ابي رايكم ؟؟

 

[عبااير]

اشدعواااا بنات ولا وحده لها تعليق ؟؟؟؟؟؟؟؟؟

 

[q8-SoOoFi-q8]

أنا ما شفت البرنامج بس قريت عنه
وقريت إن وزارة الاعلام وقفته
وفي نفس الوقت في نواب ( واللي اهم معنيين بالموضوع ) اثنوا عليه

فماراح اقدر احكم على هذا البرنامج بالذات

بس بالعموم ما أدري شصاير فينا إحنا الكويتين

مو قادرين نركد ونشوف مصالح ديرتنا للأسف الكل يضرب بالكل

والله عين وصابتنا

مشكورة على الموضوع ​

 

[~*~الملكة~*~]

اذا الخرافي راضي ومستانس :eh_s(6):

مادري البعض ليش حارق روووحه

والكل هالمره واقف مع سكوووب بشان قرار وزراة الاعلام

مادري اذا القناة مو عاجبتكم اشحقه اطالعووونها وتحرون رووحكم :eh_s(1):

 

[*أم*خالد*]

انا شفت الحلقات وموجودين على اليوتوب

سوو سيرج على

( مسلسل صوتك وصل )

وشوفوه .. والله ماعرضت الا واقع
كل الحجي اللي اندار بالمجلس الممثلين قالوه مايابو شي من عندهم

خاصة حلقه مدرسة المشاغبين اتينن شفتها 3 مرات قمت ابجي من الضحك وظهري صكني عوار لوووول
شوفوها اول شي وتالي جيكو على الباجي

والمسلسل يعرض واقع ما يجذب .. واذا على الطائفيه ما اقول الا طيرووو زيييين

احنا منا وفينا العنصريه والطبقيه .. شوفو طريقه انتخاباتنا والمجاميع شلون تتشكل .. بالدائرة الأولى ينزلون شيعه وعوازم وحتى بين الشيعه حزازات جماعه عبدالصمد غير عن عاشور هذا واحد اوكى ؟
انيي حق الثانيه .. الهوامير والتجار وماعرف منو الباجي
الثالثه .. ينزلون فيها الاسلاميين السنه والليبراليين سنه وشيعه
الرابعه والخامسه خو قبائل بقبائل مافيها كلام وكلها فرعيات وتشاوريات

اللي بتقول ام خالد كلامج يزعل بقولها زعلي انا مايبت شي من عندي ولا غلطت على أحد هذا الصج واحنا جذي ونظامنا جذي

عطوني لسته فيها اسلاميين وقف فيها شيعي وحط ايده بايد سني وقال احنا الأثنين اسلاميين ومحافظين ؟
لوووول أمل ابليس بالجنه .. على سبت فقره بكتاب بمنهج حكومي بايت بغت تصير حرب البسوس بينهم سليحط

وحتى القراءة للمخرجات تذكرون شنو كانو يقولون ؟ ارتفعو الشيعه والعوازم ومادري منو نزل والاسلاميين السنه نزلو
يعني قمه بالعنصريه

بالنهايه حبيباتي سوري يمكن اسلوبي هجومي بس الصراخ على قدر الألم لووووووووول

وفي النهايه كلنا مو كويتيين

وانا ضد منع البرنامج .. الفضايح خو احنا مفضوحين مو من الاعلام .. من هالحكومة والمجلس اللي ماقعد يسوون شي ولا يبنون فالحين بس بقار الشوارع .. طاع شصار علينا بالبواليع كلهم خربانين مادري على شنو لهاط المعاشات
خلوها يبا خلووهااا مايابت شي من عندها والله كله صاير بالمجلس واغلبهم خذو مانشيهات الجرايد

 

[عبااير]

وجهات رايكم احترمها كلها
مشكورين على التفاعل

 

[ملفتة للنظر]

عااااااادي وضحكني البرنامج...والحمدلله الحرية عندنا لوبديرة ثانية جان راحو فيها



خلي صدرج وسيع ياعمري...

 

[أوركيد]

اوكي ..احنا بديره ديموقراطيه وحريه..

بس حريتي توقف عند حدود الآخرين..

شنو اطلع برنامج واسب النواب كلهم واسلووب طنازة ومسخره...

عااادي لو تسوي برنامج وتنتقد من اليوم لباجر ..طلع اللي بقلبك كله ..بس ليش الطنازة والاستهزاء..

النواب ترى منا وفينا ..

حلوه اذا نائب يتهزأ وتهتز صورته جدام اهله وعياله وجدام العالم كله !!!!!!

آنا مع الانتقاد والتوجيه والمحاسبة....لكن ضد الاسفاف والتشهير والمسخرة اللي حاصله ..

 

[منورة]

بسأل سؤال فجر لوين تبي توصل بس ؟؟

مسوية نفسها نصيرة الشعب المظلوم

مو هذي اللي قلتوا عنها شوهت صورة الكويتيين بمسلسلاتها الهابطة الحين صارت البطلة بنت كحيلان وعجبي :eh_s(6):




مع الاصلاح والتوجية باسلوب راقي مو ردح واسفاف تحت مسمي بكشف وانصر المظلوم


ماتركد قاتل الله الفتنة ومن أثارها ترانا برمضان تتصفد الشياطين بس ماكو فايدة حتى هالشهر استغلوة لابركتن بالعدو >ـــ<:eh_s(14):