شنو نسبة القبول حق كلية...... ؟؟؟؟

[استبرق أم علاوي]

الســــــــــــــلام علـيكم


ابي اعرف كليات جامعة الكويت؟؟؟؟؟؟؟؟؟؟؟

والنسب حق كل كليه؟؟؟؟؟؟؟؟

وشنو أقل معدل تقبله الجامعه وحق اي كليه ؟؟؟؟؟؟؟
للتشعيب الادبي

وشنو التخصص اللي مرغوب اكثر شي بالوزارات

ابي معلومات حتن لو من خبرتكم واللي تعرفون عنه

ولكم جزيل الشكر

 

[الحورية الصغيرة]

السنه اليايه راح تسير اقل شي (يعني أقل نسبة قبول أدبي ) 80

بنظري أفضل التخصصات إنجليزي سواء كان التخصص الرئسي ادب أو لغه بس مو تربيه و المساند ترجمه أو اي تخصص بالإدارية

إعلام _علاقات عامه_ و المساند صحافه

 

[استبرق أم علاوي]

الله 80
هذي اي كليه واي تخصص؟

لابالله دخلنا الجامعه

 

[الحورية الصغيرة]

اداب


بس تقدرين تدشين طالب غير مقيد و بعدين تحولين طالب مقيد


أو

بعثات داخليه ( يعني الجامعات الخاصه بالكويت)

شروطهم

ادبي 74 و طالع

و عندهم تخصص اأدب إنجليزي و لغويات و (اعلام) علاقات عامه و كل تخصصات الأدارية و علوم كمبيوتر ( جامعة الخليج)

باقي الجامعات نفس التخصصات بس في جم تخصص زياده

 

[محبوبه25]

رد : شنو نسبة القبول حق كلية...... ؟؟؟؟

ام علاوي
ترا كل سنه يزيدون النسب
السنه اليايه راح تلقينهم امخلين النسب اميه من اميه
يعني لازم انييب الاميه كلها ولا ماندخل الجامعه
ههههههههههههه

 

[استبرق أم علاوي]

8
8

شكلهم جذي



انزين نبي النسب للكليات ؟؟؟؟؟؟؟؟؟؟؟ظظ

 

[الحورية الصغيرة]

التطبيقي

التربية الأساسية الادبي من 75

و التجاري يمكن من 65

 

[cup cake's]

الحقوق <<< هالسنه اقبلوا من 85 ... ما تدرين عن السنه الجايه يمكن تنزل أو ترتفع ..

 

[m9r83a]

الجآمعه ككل يقبلون طالبات الادبي من 80 وفوق بالنسبة لجامعه الكويت طبعن

وهذي النسبة ماتدخلج الا كليتين اللي آهما الاداب والشريعه

آما اذا تبين تربية لازم تكونين اعلى من جذي
والحقوق والعلوم الاجتماعية من 85 وفووق واحتمال يرفعون النسبة لان اعداد الطلبة قاعدة تزيد

واذا تبين علوم ادارية لازم تكونين ماخذة امتحان قدرات رياضيات وانجلش
والمعدل المكافى راح يكون من 71 وفوق

 

[JaN JaN]

الحدود الدنيا للقبول في جامعة الكويت
٢٠١١/ للفصل الدراسي الأول ٢٠١٠
واحتمال انهم يرفعونهم على السنة الياية



كليات تعتمد على نسبة الثانوية كأساس للقبول فيها(يعني ياخذون نسبة الثانويه فقط من غير القدرات)
الحقوق ٨٥
الآداب ٧٨
العلوم
علوم بيولوجية ٧٠
علوم رياضية وطبيعية ٧١,٠٢
التربية
تربية / تخصصات علمية ٧٢,٤٢
تربية / تخصصات أدبية ٨١,٤٦
الشريعة ٧٨
العلوم الاجتماعية ٨١,٠٦

كليات تعتمد على المعدل المكافئ كأساس للقبول فيها(يعني لازم امتحان قدرات مع نسبة الثانويه)
الطب المساعد * ٧٧,٤٧
البنات الجامعية * ٤٩,٠٣
العلوم الادارية * علمي:67,83 - ادبي:72
٨٨,٢١ مركز العلوم الطبية *
٨٩,٢٥ الهندسة – عمارة *
٨٢,٤٦ الهندسة – تخصصات أخرى *

 

[استبرق أم علاوي]

مشكورين كلكم

jan jan
مشكوره وايد على المعلومات

بس شلون يقولون اقل معدل يقبلونه للادبي 80%
وفي كليات مثل البنات الجامعيه والآداب والعلوم الاداريه اقل من 80 %

 

[m9r83a]

آم علاوي

البنات الجامعية والادارية يحسبون المعدل المكافى
اللي آهوا نسبتج الثانوية مع امتحان القدرات

آاما كلية الاداب لطلبة العلمي هالنسبة

 

[نـ(المطيري)ـازكـ]

رد : شنو نسبة القبول حق كلية...... ؟؟؟؟

طب اسنان اتوقع 80 % النسبة الادنى للقبول

 

[استبرق أم علاوي]

مشكورييين كلكم

 

[مرمووور]

رد : شنو نسبة القبول حق كلية...... ؟؟؟؟

اب
اب
مووفقه

 

[JaN JaN]

مشكورين كلكم

jan jan
مشكوره وايد على المعلومات

بس شلون يقولون اقل معدل يقبلونه للادبي 80%
وفي كليات مثل البنات الجامعيه والآداب والعلوم الاداريه اقل من 80 %

مثل ما قالت m9r83a هالكليات يعتمدون على المعدل المكافئ اما باجي الكليات يعتمدون بس على نسبة الثنوية


العفو حااضرين

 

[~.ąvȍƈaȚ.~]

رد : شنو نسبة القبول حق كلية...... ؟؟؟؟

لحد اللحين ما نزلوا نسب القبول حق الجامعه !!

ادنى نسبه تدخلين الجامعه فيها 78% و هذي طبعا آدااب على طول لو كانت الرغبه الاخيره و يمكن يمكن شريعه

و نسب القبول الفوري 92% حقوق - اجتماعيه 87% - تربيه مادري جم يمكن 83% و الشريعه 93%

يعني اذا معديه هالنسبه يقبلونج على طول عالرغبه الاولى

و كل نسبه شيلي منها 5 أو ست نسب هذي اقل نسب يقبلونج حسب الكليه و الطلب عليها

موفقه

 

[فز^الخفوق]

رد : شنو نسبة القبول حق كلية...... ؟؟؟؟

اتوقع ان السنه الجايه راح تتغير النسب

بس مو اكيد

 

[الورده الناعمه]

ماكو شي رسمي نزل برفع نسب القبول
اقل نسبه للقبول في جامعه الكويت
78 % للادبي
70 % علمي

كل سنه يقولون بيرفعون النسب وحجي فاضي بس اي طالب ايب هالنسبه ينقبل بجامعه الكويت اكيد بس يمكن مو بالكليه الي اهوا يبيها